سەردێر

جوتیاران دەتوانن چەكی پارەی گەنمەكانیان وەربگرن

سایلۆی چەمچەماڵ ئاگاداریەك بڵاو دەكاتەوە

خەڵك-
سایلۆی چەمچەماڵ ڕایدەگەیەنێت، ئەو جوتیارانەی كە لە بەرواری 25 و 24ی 6ی ساڵی رابردوو گەنمیان لە سایلۆكە رادەستكردووە سبەی یەكشەممە سەردانی بەشی ژمێریاری بكەن بەمەبەستی وەرگرتنی چەكی پارەی گەنمەكانیان.

ئەمڕۆ شەممە سایلۆی چەمچەماڵ لە راگەیەندراوێكدا ئاماژەی بەوە كردوە، ئەو جوتیارانە ئاگادار دەكەینەوە كە لە بەرواری ٢٤ و٢٥ ی مانگی ٦ی ساڵی ۲۰۲۰ گەنمیان لە سایلۆكەمان رادەستكردووە سبەی یەكشەممە كاتژمێر ٩ی سەرلەبەیانی سەردانی بەشی ژمێریاریمان بكەن بەمەبەستی وەرگرتنی چەكی پارەی گەنمەكانیان و پارەكەیان لە بانكی چەمچەماڵ وەردەگرن.

ئاماژە بەوەشكراوە، پێویستە جوتیار خۆی ئامادەبێت و ناسنامەی باری شارستانی پێبێت و ئەگەر بەناوی خۆیەوە نەبێت، پێویستە ئەو كەسە وەكالەتی تازەی ساڵی ۲۰۲۰ی پێبێت و ناسنامەی باری شارستانی وەكیلی پێبێت.