سەردێر

گۆڕان،پێویستە هەموو 30 ڕۆژ جارێك مووچە بدرێت

خەڵك-
رێكخەری ژوری رۆژنامەوانی بزوتنەوەی گۆڕان ڕایگەیاند، هەڵوێستی بزوتنەوەی گۆڕان نەگۆڕە و لەگەڵ رێككەوتنی هەولێر و بەغدادین و پێویستە چاكسازی ڕیشەیی بكرێت و مووچە بە 30 ڕۆژ جارێك بدرێت.

ئەمڕۆ جڤاتی نیشتیمانی گۆڕان كۆبوەوەو دوای كۆبوونەوەكە
دلێر عەبدولخالق رێكخەری ژوری رۆژنامەوانی، لە كۆنگرەیەكی رۆژنامەوانیدا وتی: ئەجێندای كۆبونەوەكە پرسە ناوخۆییەكانی بزوتنەوەی گۆڕان بو، بەڵام بەشێكی دیاری كۆبونەوەكە پەیوەست بو بە دۆخی سیاسی عێراق و رەنگدانەوەی لەسەر دۆخی ئیداری و كارگێڕی و سیاسی هەرێمی كوردستان و هەوڵدان بۆ جێگیركردنی
كرداری بۆ رێككەوتنی هەولێر و بەغدا، بە ئامانجی دابین كردنی شایستە داراییەكانی هەرێمی كوردستان بەتایبەت موچە.

وتیشی، هەڵوێستی بزوتنەوەی گۆڕان نەگۆڕە و لەگەڵ رێككەوتنی هەولێر و بەغداین بەشێوەیەك مافە دەستوریەكانی خەڵكی كوردستان پارێزراوبێت، پێویستە هەرێمی كوردستانیش بۆ ئەگەری
دوەم و رێكنەكەوتن ئامادەبێت.

ئاماژەی بەوەشكرد، پێویستە چاكسازی ریشەیی و شەفافیەت لە داهاتی هەرێمی كوردستان هەبێت و موچە لەكاتی خۆیدا بدرێت چونكە خەڵكی ئێمە مافی خۆیەتی لە 30 رۆژدا موچە بەدەستی بگات.

دلێر عەبدولخالق لەبارەی بڕیاری جڤاتی نیشتیمانی تایبەت بە پرسە ناوخۆییەكان، وتی: لە ماوەی رابردو سێ لە ئەندامانی خانەی راپەڕاندن دەستلەكاركێشانەوەیان ئاڕاستەی بزوتنەوەكە
كردوە، بە زۆرینەی دەنگی ئەندامانی جڤاتی نیشتیمانی بڕیاردرا لە زوترین كاتدا بەرپرسیارێتیە بەتاڵەكان لە خانەی راپەڕاندن و ئۆرگانەكانی دیكە پڕبكرێنەوە.

 

 

 

 

 

 



هەلبژاردە

گرنگترینەکان