وەزیری پەروەردە،خوێندن نافەوتێت - تۆڕی میدیایی خەڵک

سەردێر

خەڵك- بە 5173 حاڵەتی تووشبوونی نوێ‌، عیراق بەرزترین ئاستی تووشبوونی ڕۆژانەی بە ڤایرۆسی كۆرۆنا تۆماركرد لەو دەمەی لە وڵاتدا بڵاوبۆتەوە. بەرزترین ئاستی تووشبوون لە شەپۆلی یەكەمی بڵاوبوونەوەی پەتاكە، لە 23ی ئەیلولی 2020 بوو كە 5055 حاڵەتی تووشبوون تۆماركرا. ئەمڕۆ چوار شەممە، بەپێی ماڵپەڕی Worldmetterی جیهانی پسپۆڕ لە دیاریكردنی ڕێژەی تووشبوون بە كۆرۆنا لە جیهان، عیراق لە پلەی هەشتەی جیهاندا ناوی هات و لە دوای چیك و پۆڵەندا و ڕوسیا و ئێران و مەكسیك و ئۆكرانیا و ئەندۆنیسیاوە، بەرزترین ئاستی تووشبوونی تۆماركرد. ئەم خشتەیەی خوارەوە، ژمارەی تووشبوونی نوێ‌ لە مڕۆدا بە كۆرۆنا لە هەر وڵاتێكدا دیاریی دەكات.
خەڵك- سەرۆكایەتی پەرلەمانی عیراق، لەسەر بەرزبوونەوەی نرخی دۆلار لە بازاڕەكاندا هاتە دەنگ و پێیوایە، كاریگەریی نەرێنی لەسەر ژیانی هاووڵاتیان دروستكردووە. ئەمڕۆ چوار شەممە، حەسەن كەعبی جێگری یەكەمی سەرۆكی پەرلەمانی عیراق لە میانی سەرۆكایەتی بۆ دانیشتنی ئەمڕۆی پەرلەمان ڕایگەیاند"بەرزكردنەوەی نرخی خەرجی دۆلار، كاریگەریی نەرێنی زۆر گەورەی لەسەر ژیانی هاووڵاتی عیراقی دروستكردووە". بە وتەی كەعبی"بەرزكردنەوەی نرخی خەرجی دۆلار، كاریگەریی زۆر گەورەی لەسەر ژیانی هاووڵاتیان و سەقامگیریی ئابوری هەیە بەشێوەیەكی گشتی". جێگری یەكەمی سەرۆكی پەرلەمانى عيراق دەڵێت"پێویستە هەڵوێستێكی ڕاستەقینە و بەپەلە لەلایەن هەموو ئەندامانی پەرلەمان و لیژنەی داراییەوە بگیرێتەبەر، تا بگەڕێنەوە بۆ نرخەكەی پێشووی".
خەڵك- وابڕیارە لە كاتژمێر 12ی ئەمشەو، تەواوی بازگەكانی چوون بۆ پارێزگای هەولێر دابخرێن، ئەمەەش وەك ڕێكارێك بۆ بەرگرتن لە بڵاوبوونەوەی زیاتری پەتای ڤایرۆسی كۆرۆنا كە لەلایەن پارێزگاكەوە دەگیرێتەبەر. سەلام خۆشناو بەڕێوەبەری بازگەكانی پارێزگای هەولێر بە میدیاكانی نزیك لە پارتی دیموكراتی كوردستانی ڕاگەیاندووە"هاووڵاتییان و گەشتیاران ئاگاداردەكەنەوە، لە كاتژمێر 12ی ئەمشەوەوە، بڕیاری ژووری ئۆپەراسیۆنەكانی بەرەنگاربوونەوەی كۆرۆنا لە پارێزگای هەولێر جێبەجێ دەكەن و سەرجەم بازگەكانی هاتن بۆ ناو پارێزگای هەولێر دادەخەن". بە وتەی بەڕێوەبەری بازگەكانی پارێزگای هەولێر "سەرجەم بازگەكانی هاتن بۆ ناو هەولێر، لە پارێزگاكانی دیكەی ناوەڕاست و خوارووی عێراق دادەخرێن، رێگە بە هیچ هاووڵاتییەك و گەشتیارێك نادرێت بێتە ناو پارێزگای هەولێر"، داواشی لەو هاووڵاتییانە كردووە كە بە نیازن لە رۆژانی كۆتایی هەفتە بێنە ناو پارێزگای هەولێر،" لە كاتژمێر 12ی شەوی چوارشەممەوە نەیەن و خۆیان لە رێگە نەدەن، چونكە بە گوێرەی بڕیاری ژووری ئۆپەراسیۆن بە هیچ شێوەیەك رێگه ‌نادرێت كەس بێتە ناو هەولێر". بەپێی بڕیارێكی ژووری ئۆپەراسیۆنی پارێزگای هەولێر، بازگەكانی پارێزگاكە لەگەڵ پارێزگاكانی تری عێراق ، لە رۆژانی 5 تا 7ی ئادار دادەخرێن.
خەڵك- دژەتیرۆری كوردستان دانپێدانانی ئەنجامدەرانی هێرشەە مووشەكییەكەی سەر شاری هەولێر بڵاودەكاتەوە و ڕایدەگەیەنێت، تاوانبارەكە یەكێك لە بەشداربووانی تاوانەكە بووە. لە شەوی 15-2-2021 بە چەند مووشەكێك شاری هەولێر و فڕۆكەخانەی نێودەوڵەتی پایتەختی هەرێم كرانە ئامانج و بەهۆیەوە چەند كەسێك بوونە قوربانی و هەر زوو هێزە ئەمنییەكانی هەرێم و عیراق و هاوپەیمانان دەستیان بە لێكۆڵینەوە كرد. دژەتیرۆری كوردستان لە ڕاگەیەنراوێكدا ئاماژەی بەوەكردووە، چوار کەس ئەنجامدەری سەرەکیی هێرشە تیرۆریستییەکە بوون، کە توانرا یەکێك لە ئەنجامدەرە سەرەکییەکانی هێرشەکە بەناوی (حەیدەر حەمزە عەباس مستەفا بەیاتی) دەستگیر بکرێت کە دانی بە تاوانەکەی نا. دەقی ڕاگەیەنراوەكە: دوای ئەوەی شەوی 2021/2/15 هێرشێکی مووشەکی کرایە سەر شاری هەولێر و فڕۆکەخانەی نێودەڵەتی هەولێر، کە ژمارەیان 14 مووشەک بوو و بووە هۆی گیانلەدەستدانی بەڵێندەرێکی بیانی و هاووڵاتییەکی عێراقی و برینداربوونی 5 سەربازی ئەمریکی و دوو هاووڵاتیی سڤیل، هێزە ئەمنییەکانی هەرێمی کوردستان، دەستبەجێ دەستیان بە لێکۆڵینەوەیەکی ورد کرد و لە سەرەتادا، ئەو کیایەی هەڵگری رووکێتەکان بوو، دۆزرایەوە و سەرەداوی باش بە دەست هێزە ئەمنییەکان کەوت. لە ئەنجامدا دەرکەوت چوار کەس ئەنجامدەری سەرەکیی هێرشە تیرۆریستییەکە بوونە، کە توانرا یەکێك لە ئەنجامدەرە سەرەکییەکانی هێرشەکە بەناوی (حەیدەر حەمزە عەباس مستەفا بەیاتی) دەستگیر بکرێت کە دانی بە تاوانەکەی نا و بەشێوەیەکی تەواو، باسی لە چۆنیەتی ئەنجامدانی هێرشەکە کرد. لە دوای هاوبەشکردنی ئەنجامی لێکۆڵینەوە لەگەڵ دەزگا ئەمنییەکانی حکوومەتی فیدراڵ و هاوپەیمانان، ئەنجامدەرێکی دیکەی هێرشەکە لەلایەن دەزگا ئەمنییەکانی حکوومەتی فیدراڵ دەستگیر کرا. دوو تاوانباری دیکەش ماون کە هەوڵ و بەدواداچوونەکان بەردەوامن لە لایەن دەزگا ئەمنییەکانەوە بۆ دەستگیرکردنیان، لەبەر ئەم هۆکارەش لە دانپێدانانەکانی (حەیدەر حەمزە بەیاتی) ناوی ئەنجامدەرانی دیکە، لادراوە و ئاشکرا نەکراوە. ( حەیدەر حەمزە بەیاتی) لە دانپێدانانەکەیدا بە وردەکارییەوە باس لە چۆنیەتی ئامادەکارییەکان و ئەنجامدانی هێرشەکە لە رۆژی 15ی شوباتی 2021 دەکات. ‏‎لێرەوە هاونیشتمانیانی خۆشەویست دڵنیا دەکەینەوە لەوەی، هێزە ئەمنییەکانی هەرێمی کوردستان هەمیشە لە راپەڕاندنی ئەرکەکانیان لە پاراستنی ئاسایش و ئارامی هەرێمی کوردستان، چالاکانە بەردەوامن و هەموو هەوڵ و پیلانێکیش بۆ تێکدانی ئارامی و سەقامگیریی هەرێمی کوردستان پووچەڵ دەکەنەوە. ‏‎ئەمەش دەقی دانپێدانانی (حەیدەر حەمزە عەباس مستەفا بەیاتی)یە کە یەکێکە لە تاوانبارە سەرەکییەکانی هێرشە مووشەکییەکەی شاری هەولێر:
خەڵك- بەرپرسی سەنتەری لێكۆڵینەوەی ستراتیژی یەكێتی نیشتیمانی كوردستان پێیوایە، گەر توركیا هێزە بەرەو شنگال ببات، حكومەتی عیراق ناتوانێت بێدەنگ بێت و شەڕ لەنێوان هێزەكانی توركیا و هێزە عیراقییەكان دروست دەبێت. فەرید ئەسەسەرد، سكرتێری ئەنجوومەنی سەركردایەتی و بەرپرسی سەنتەری لێكۆڵینەوەی ستراتیژی یەكێتی بە (دەنگی ئەمریكا)ی ڕاگەیاندووە، "گەر توركیا بەرەو شەنگال هێز بجوڵێنێت، هێزە عێراقیەكان دەستەوەستان نابن، پێكدادان دروست دەبێت، گەر لەوەش زیاتر هێزەكانی توركیا بێنە خوارەوە، حكومەتی عێراق و هێزە شیعیەكان ناتوانن بێدەنگ بن". بە وتەی فەرید ئەسەسەرد، "ئێمە ئاگاداربووین، ئۆپەراسیۆنەكەی گارە ئامانجەكانی بەدی نەهێنا، نازانین سەركردایەتی توركیا چۆن بیردەكاتەوە، ئایا دەیەوێ بە ئۆپەراسیۆنێكی تازە لە شەنگال قەرەبووی شكستەكەی گارە بكاتەوە یاخود نا". دەشڵێت: "هێزە ئیقلیمی و نێودەوڵەتیەکان بەشێک لە کێشەی نێوانیان بۆ عێراق گواستووەتەوە، هەریەکەیان و هەوڵی سڕینەوەی لاکەی تر دەدات". ێشتر بەژمارەیەک موشەک هێرشکرایە سەر هەولێر، دواتر ئەمەریکا، ئێرانی بە ئەنجامدانی هێرشەکە تۆمەتبار کرد، ئەمڕۆش بنکەی عەینولئەسەد هێرشیکراوەتە سەر، لەو بارەیەوە فەرید ئەسەسەرد پێیوایە "ئەگەری گفتووگۆ لەنێوان ئێران و ئەمریکا لە ئارادایە، کارتەکانی خۆیان بەرامبەر یەکتری بەکاردەهێنن، دەیانەوێت بەهێزەوە لەگەڵ یەکتری دابنیشن، بۆیە ئەمە رەنگدانەوەی لەسەر عێراق بە تایبەتی و ناوچەکە بەگشتی دەبێت".
خەڵك- مستەفا كازمی سەرۆك وەزیرانی عیراق ڕایدەگەیەنێت، ئەو گروپانەی لە پشت بۆردومانەكەی ئەمڕۆی بنكەی عەین ئەسەدەوەن، سەر بە عیراق نیین و دەیانەوێت زیان بە پێشكەوتنی وڵات بگەیەنن. بەپێی بەیاننامەیەك كە لەلایەن نوسینگەی ڕۆژنامەوانی كازمییەوە بڵاوكرایەوە"سەرۆك وەزیران لە میانی سەركردایەتیكردنی بۆ كۆبوونەوەی ئەنجومەنی ئاسایشی نیشتمانی ڕایگەیاندووە، ئەو گروپانەی لە پشت هێرشەكەی ئەمڕۆی عەین ئەسەدەوەن، سەر بە عیراق نیین و زیان بەو پێشكەوتنانە دەگەیەنن كە وڵات هێناویەتییەدی لەڕووی تێپەڕاندنی تەنگژەی ئابوری و گەشەكردن و هێنانەدی ئاسایش و سەقامگیریی ئیقلیمی و نێودەوڵەتی". بە وتەی كازمی"دەزگا ئەمنییەكان ڕێنمایی ڕوویان پێدراوە كە دەبێت هەڵوێستێكی یەكلاكەرەوە لەدژی ئەو گروپانە بگرنەبەر، ئیتر سەر بە هەر كەس لایەنێك بن، چونكە هەر لایەنێك پێیوابێت لە سەرو دەوڵەتەوەیە و توانای ئەوەی هەیە ئەجێنداكانی بەسەر عیراق و ئایندەی گەلەكەیدا بسەپێنێت، بەهەڵەدا چووە". ئەمڕۆ چوار شەممە بنکەی عەین ئەسەدی سەربازی ئەمریکایی لە لە پارێزگەی ئەنبار بە ژمارەیەك مووشەك بۆردوومانکرا، بەڵام تائێستا زانیارییەكان لەبارەی ئەو زیانانەی بەهۆی بۆردومانەكەوە كەوتوونەتەوە نەخراونەتەڕوو.
خەڵك- وتەبێژی پۆلیسی هەولێر ئاشكرای دەكات، تۆمەتبارێك بۆ جارێكی دیكە لەسەر دزی كردن دەستگیر كراوەتەوە. ڕائید هۆگر عەزیز، وتەبێژی پۆلیسی هەولێر بۆ (خەڵك) ئاماژەی بەوەكرد، بەشی پۆلیسی دەشتی هەولێر (بنكەی پۆلیسی شاوێس) تۆمەتبارێكیان بە ناوی (ن.ی.ع) تەمەن (19 ساڵ) دەستگیر كرد، كە بەپێی ماددە (443) لە یاسای سزادان، فەرمانی دەستگیركردنی هەبوو. ڕاشیگەیاند، تۆمەتباری ئاماژەپێكراو، كە پێشتریش چەندین جار دزی كردووە و دەستگیر كراوە، بەڵام پاش تەواوبوونی ماوەی سزادانەكەی ئازاد كراوە. وتیشی، "بەڵام دواتر دیسان دەستی بە دزیكردن كردۆتەوە، بۆیە لە ئێستادا بە بڕیاری دادوەری لێكۆڵینەوە، بەندكراوە".
خەڵك- سەرۆكی پارتی دیموكراتی كوردستان پێشوازی لە سەرۆكی ئیئتیلافی نیشتیمانی سوریا دەكات و ڕایدەگەیەنێت، لەگەڵ ئەوەدایە قەیرانی سوریا بگاتە چارەسەرێكی وەها، كە ئارامی و تەبایی نێوان گەلانی سوریا و هەموو پێكهاتەكانی لێ بكەوێتەوە. بەپێی ڕاگەیەنراوێكی بارەگای بارزانی، ئەمڕۆ چوار شەممە ٣ی ئاداری ٢٠٢١ لە سەڵاحەدین، مەسعود بارزانی پێشوازی لە د. نەسر هەریری، سەرۆكی ئیئتیلافی نیشتیمانی سوریا و شاندێكی یاوەری كرد. بەپێی ڕاگەیەنراوەكە، "لە كۆبوونەوەكەدا بارودۆخی سیاسی سوریا و دوا پێشهاتەكان لەسەر ئاستی سوریا و ناوچەكە تاوتوێ كرا و سەرۆكی ئیئتیلافی نیشتیمانیی سووریا سوپاسی بارزانی و هەرێمی كوردستانی كرد، كە هەردەم هاوسۆزی نەهامەتی و گرفت و كێشەكانی خەڵكی سوریا بوونە و پێشوازییان لە سەدان هەزار ئاوارە و پەنابەری سوریایی كردووە". لای خۆشیەوە، بارزانی جەختی لەوە كردەوە، كە لەگەڵ ئەوەدایە قەیرانی سوریا بگاتە چارەسەرێكی وەها، كە ئارامی و تەبایی نێوان گەلانی سوریا و هەموو پێكهاتەكانی لێ بكەوێتەوە. وتیشی، "ئەو ڕووداوانەی لە عەفرین ڕوویانداوە جێگەی نیگەرانین و بە بایەخەوە سەیری ڕێڕەوی ڕووداوەكان و ئاییندەی گەلی كورد لە سوریا دەكەن" و هیوای ئەوەشی خواست كە لە ئاییندەی سوریادا بەرژەوەندی گەلان و پێكهاتەكانی سوریا لەبەرچاو بگیرێت.
خەڵك- بەڕێوەبەرایەتی تەندروستی پارێزگای دهۆك، ئامادەكارییەكانیان تەواوكردووە بۆ دابەشكردنی ڤاكسینی دژە ڤایرۆسی كۆرۆنا لە پارێزگاكە. حەمزە رزیكی، بەرپرسی ڕاگەیانی تەندروستی دهۆك لە لێدوانێكی ڕۆژنامەوانیدا ڕایگەیاند، "بەڕێوەبەرایەتی تەندروستی ئامادەكارییەكانی تەواو كردووە و ناوەندە تەندروستییەكانیش لەئێستادا خۆیان بۆ دابەشكردنی ڤاكسینی سینۆفارمی چینی ئامادەكردووە". بە وتەی حەمزە رزیكی، "تەندروستی دهۆك 37 ناوەندی تەندروستی لە تەواوی ناوچەكانی پارێزگاكە كردۆتەوە". دوێنێ‌ سێ‌ شەممە، وەزارەتی تەندروستی هەرێم، وەك پشكی هەرێمی كوردستان لە عیراقدا، بڕی 5000 ڤاكسینی دژە كۆرۆنای لە جۆری (سینۆفارم)ی چینی وەرگرت.
خەڵك- سەرچاوەیەكی ئەمنی لە زيقار ڕایدەگەیەنێت، سێ‌ كەس كە تۆمەتی تیرۆرییان بەسەردا ساغبۆتەوە، لە گرتووخانەی ناوەندی ناسریە، حوكمی لەسێدارەدانیان بەسەردا جێبەجێكرا. ئەمڕۆ چوار شەممە، سەرچاوەیەكی ئەمنی ڕایگەیاند"وەزارەتی داد، حوكمی لەسێدارەدانی بەسەر سێ‌ كەسدا جێبەجێكرد لە گرتووخانەنەی ناوەندی ناسریە كە بە(گرتووخانەی حوت) ناودەبرێت، دوای ئەوەی تۆمەتی تیرۆرییان بەسەردا ساغبۆوە". بە وتەی سەرچاوەكە"جێبەجێكردنی حوكمی لەسێدارەدان بەسەر ئەو تاوانبارانەدا، دوای ئەوە هات كە تۆمەتەكەیان لەلایەن دادوەریی عیراقەوە گەیشتە پلەی تەواوەتی". گرتووخانەكانی عیراق لە بەغدا و پارێزگەكان، ژمارەیەكی زۆر لە تیرۆریستان و ئەندامانی ڕێكخراوی داعش لەخۆدەگرن، حوكمی لەسێدارەدانیش دژ بەوانەی تۆمەتبارن بە تیرۆر، لە دوای دەرچوونی بڕیارەكان لەلایەن دادوەریی عیراق و دەركردنی مەرسومی پەسەندكردن لەلایەن سەرۆك كۆمارەوە، جێبەجێ‌ دەكرێت".

وەزیری پەروەردە،خوێندن نافەوتێت

ئەگەر هەیە لە ٦ی شوباتدا خوێندن دەستپێبكاتەوە

هەواڵ بڵاوکراوەتەوە: 30/01/2021

خەڵك-
وەزیری پەروەردەی حكومەتی هەرێمی كوردستان دەڵێت، بەهیچ شێوەیەك خوێندن نافەوتێت و بەئەگەرێكەوە وادەیەك بۆ دەستپیكردنەوەی خوێندن ڕادەگەیەنێت.

ئالان حەمەسەعید وەزیری پەروەردەی هەرێم بە رۆژنامەنوسانی رایگەیاند، ئەگەر ئامارەكان بەم جۆرەی ئێستا بەردەوام بێت و دۆخەكە گونجاو بێت، ئەگەر هەیە لە ٦ی شوباتدا خوێندن دەستپێبكاتەوە.

وتیشی، بە هیچ شێوەیەك دەوامی خوێندن نافەوتێت و هەردوو وەرزی خوێندن دەخوێنین بە شێوەیەك كاریگەری لەسەر كوالێتی خوێندن نەبێت.

باسی لەوەشكرد، لە 2ی شوباتدا كۆبوونەوەی لیژنەی باڵای روبەڕوبوونەوەی كۆرۆنا دەكەن و لەوبارەوە بڕیاردەدەن.

کلیلە وشەکان:
هەرێمی كوردستان

بابەتی پەیوەندیدار

هەلبژاردە

گرنگترینەکان

نزیكەی دوو هەزار تووشبووی نوێ‌ بە كۆرۆنا تۆماركرا

09 شوبات 2021 3.07 pm

خەڵك – وەزارەتی تەندروستی عیراق ڕایدەگەیەنێت، 1994 حاڵەتی نوێی تووشبوون بە ڤایرۆسی كۆرۆنا تۆماركراوە، 977 كەسیش…

نرخی دۆلار و تمەن

31 کانونی دووهەم 2021 12.05 pm

خەڵك- نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو دابەزیوە.

عیراق و هەرێمی كوردستان، كەمترین ڕێژەی تووشبوون و مردن بە كۆرۆنا تۆماركرا

31 کانونی یەکەم 2020 12.36 pm

خەڵك- بەشی هەواڵ وەزارەتی تەندروستی عیراق ڕایدەگەیەنێت، 849 حاڵەتی نوێی تووشبوون بە ڤایرۆسی كۆرۆنا تۆماركراوە،…