سەردێر

دوو گەنج لە ڕووداوێكی هاتووچۆدا گیانیانلەدەستدا

خەڵك-
بەهۆی ڕووداوێكی هاتووچۆ لەسەر رێگەی مەرزی نێودەوڵەتی پەروێزخان، دوو كەس گیانیانلەدەستدا.

بەپێی ڕاگەیەندراوێك كە لەلایەن بەڕێوەبەرایەتی هاتووچۆی گەرمیانەوە بڵاوكرایەوە”لەسەر ڕێگەی كەلار – مەرزی پەروێزخان لەبان ڕاستای نزیك كەمپی ئاوارەكان بەهۆی وەرگەڕانی ئۆتۆمبێلێكی (bmw) كە بەئاڕاستەی كەلار هاتووە دوو كەس گیانیان لەدەستداوە كە لەدایك بووی ساڵی (1996 و 1997) بوون”.

هەر لە ڕاگەیەندراوەكەدا هاتووە”تیمەكانی هاتووچۆ لێكۆڵینەوەیان لەڕووداوەكە دەست پێكردوەو تەرمەكانیشیان رەوانەی نەخۆشخانە كردووە”.

لەم چەند ساڵەی دواییدا ڕووداوەكانی هاتووچۆ بەشێوەیەكی بەرچاو لە پارێزگەكانی هەرێمی كوردستان ڕوویان لە زیادبوون كردووە، بە بۆچوونی هەندێك لە چاوێرانیش هۆكارەكەی بۆ خراپی ڕێگەوبانەكان و پابەندنەبوونی شۆفێران بە ڕێنماییەكانی هاتووچۆ دەگەڕێتەوە.