هەردی سەلامی: بە بەرهەمی گەرم و گوڕەوە دێمەوە خزمەتان - تۆڕی میدیایی خەڵک

سەردێر

خەڵك- بەڕێوەبەرایەتی هاتوچۆی هەولێر ڕایدەگەیەنێت، هیچ كەسێكیان سزا نەداوە لەسەرئەوەی لەناو تونێلی پیرمام كەوتووەتە پێش ئۆتۆمبێلێكی هاتوچۆوە. بەڕێوەبەرایەتی هاتوچۆی هەولێر لە ڕاگەیەنراوێكدا ئاماژە بۆ ئەوە دەكات، لەهەندێك پەیج و سایت بابەتێك بڵاوكرایەوە گوایە "كەسێك لەناو تونێلی پیرمام تەنها لەبەرئەوەی پێش ئۆتۆمبێلی بەڕێوەبەری هاتوچۆی ڕێگاكانی دەرەوە كەوتووە سزادراوە"، بابەتەكە وانیشاندراوە كەئەو كەسە بێتاوانە و داوای لێپێچینەوە دەكات و دەڵێت، "هیچ سەرپێچیەكم نەكردوە". ئاشكراشیكرد، ئەو كەسە خاوەنی نیسان سێنترایەكی تایبەتی سورە 8:16 خولەكی بەیانی لەناو تونێلی پیرمام و لەپاش دەرچوونی لەكامێرەی چاودێری خێرایی، بەشێوەیەكی زۆر خێرا ئۆتۆمبێلەكەی لێخوڕیوە، لەوكاتە لەئۆتۆمبێلێكی هاتوچۆ تێپەڕیوە كە ئەفسەرێكی تێدابووە و بینیویەتی كە ئەو كەسە تیژڕەوی دەكات، بۆیە ڕاستەوخۆ بەپێی یاسا سزای داوە لەسەر خێرایی لێخوڕینەكە كە نامەی سەرپێچیەكەش بۆ هاووڵاتیەكە چووە لەسەر ئەو تیژڕەوییە بووە، نەك لەسەر بەپێشكەوتنەوەكە. ڕوونیشیكردووەتەوە، وێنەی ڤیدیۆی كامیراكانی چاودێری نیشانی دەدەن ئەو ئۆتۆمبێلە خێراییەكەی زۆر زیاتر بووە لەخێرایی دیاریكراوی ناو تونێل كە 70 كیلۆمەترە لە كاتژمێرێكدا، تەنانەت كەبەتەنیشت ئۆتۆمبێلی هاتوچۆ تێدەپەڕێت وا هەستدەكەیت كە ئۆتۆمبێلەكەی هاتوچۆ وەستاوە، بۆیە ئێمە وەكو هاتوچۆی هەولێر بابەتی ئەو بوختان دروستكردنە بەئەفسەرێكی بەڕێوەبەرایەتیەكەمان ڕەتدەكەینەوە و بەمافی خۆمان دەزانین هەر پەرچەكردارێكی یاساییمان هەبێت بەرامبەر بەو كەسە.
خەڵك- ئەندامێكی سەركردایەتی یەكێتی ڕایدەگەیەنێت، كێشەی كوردە تەنها لەچوارچێوەی بودجە و مووچە خۆی نابینێتەوە. هەرێم كەمال ئاغا ئەندامی سەركردایەتی یەكێتی و پەڕلەمانتاری ئەو حزبە لە عێراق بە دەنگی ئەمریكای ڕاگەیاند، كێشەی نەتەوەی دووەم لە عێراق كێشەی دانپێدانانی مافەكانی كوردە لەدەستور و جێبەجێكردنیەتی، مافی مەسەلەی ماددەی 140، ئەم مافانەی كە لەدەستور وەریگرتووە وەكو یاسای نەوت و گاز وەكو هێزی پێشمەرگە كەبەشێكە لە سیستەمی بەرگری عێراق تائێستا بێبەشكراوە لەمووچە و پڕچەك كردن. سەبارەت بەڕێككەوتن لەسەر پڕۆژە یاسای بودجە و ڕێككەوتنی نێوان هەرێم و بەغداد هەرێم كەمال ئاغا ڕایگەیاند، گفتوگۆكان بەردەوامن و گفتوگۆی باش كراوە، داتا و لێكگەیشتنی باش هاتووەتەپێش، ئەوەی لە پڕۆژەیاسای بودجە هاتووە ڕێككەوتنی هەردوو حكومەتی عێراق و هەرێمە، ئەوەی دەمێنێتەوە لەناو پەڕلەمان ئایا ئەمە دەرباز دەبێت؟ تائێستا گفتوگۆی بەردەوام كراوە وامەزەندە دەكرێت ڕۆژی پێنج شەممە، بەڵام وادەبینم لەوانەیە بخرێتە هەفتەی داهاتوو. وتیشی"هەموو فراكسیۆنە كوردییەكان لەسەر ئەو دەقەی كەلەپرۆژەیاسای بودجە هاتووە ڕازیین، بەشێكی زۆریش لەلایەنە شیعیەكانیش بەوە ڕازیین لەوانەیە هەندێك هەمواری بچوكی تێدابكرێت، بەڵام وەك ئاماژەم پێدا هەم ئەركی تێدایە و هەم مافی تێدایە، ئەوەی ئەركە لەسەر حكومەتی هەرێمی كوردستان ڕازییە بەوەی كە 250 هەزار بەرمیل نەوت ڕادەستی سۆمۆ بكرێت لەگەڵ ئەم داهاتە نانەوتیانەی بەداهاتی فیدڕاڵی ناودەبرێن لە دەروازە و فڕۆكەخانە و ئەو شوێنانەی تر ئەمانە حكومەتی هەرێمی كوردستان ڕازی بووە لەپرۆژە یاساكەش هاتووە، هەروەها حكومەتی فیدڕاڵیش ڕازی بووە وەزیری نەوت و داراییش لەو پڕۆسەیەدا دەوریان هەبووە دەمێنێتەوە هەندێك لایەنی سیاسی كە لەڕابردوو بەشێوازێك لەشێوازەكان لەوانەیە كاریگەرییان لەسەر بێت. ئاشكراشیكرد، هەرێم ڕازی بووە بەجێبەجێكردنی داواكارییەكانی بەغدا، بەپێی ئەوەی كە لەدەقەكەدا هاتووە حكومەتی هەرێم بەشێك بووە لەو پڕۆژەیەی تیمی حكومەتی هەرێمی كوردستان لە گفتوگۆكانیان لەڕابردوو ڕێككەوتوون لەسەر ئەم دەقەی كە لەماددەی 10 و 11 لە پرۆژەیاسای بودجەدا هاتووە.
خەڵك-بەشی هەواڵ نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو دابەزیوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 3-3-2021، بەشێوەیەك بووە كە نرخی‌ نەوتی برێنت بە 62 دۆلار و 99 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 59 دۆلار و 95 سەنت مامەڵەی پێوەكراوە. هۆكاری بەرزبونەوەی نرخی نەوت دەگەڕێتەوە بۆ ڕێككەوتنی گروپی ئۆپیك پڵەس لەسەر زیادكردنی بەرهەمهێنانی نەوت بە بڕی 500 هەزار لە ڕۆژێكدا. هاوكات هەڵكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا بەشێك لە كەرتە پیشەسازی و بازرگانییەكانیان وەستاندبوو، لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.
خەڵك دانیشتووانی گەڕەكی پێشەوا لە شارەدێی بازیان نامەیەكی كراوە ئاڕاستەی پارێزگاری سلێمانی و بەڕێوەبەری شارەدێیەكەیان و بەڕێوەبەری شارەوانی دەكەن. دەستەی نوێنەرانی دانیشتووانی گەڕەكی پێشەوا لە نامە كراوەكەدا ئاماژە بەوە دەكەن، لە پارەی پەرەپێدانی پڕۆژەكان بۆ ساڵی 2021 كە حكومەتی هەرێم دیاریكردووە، پڕۆژەی قیركردنی گەڕەكەكەیان بۆ تەواو بكرێت كە ماوەی 30 ساڵە ئاوەدانە و تا ئێستا شەقامەكانی قیر نەكراوە. دەقی نامەكە: نامەیەكی كراوە بۆ پارێزگاری سلێمانی بەڕێوبەری ناحیەی بازیان بەڕێوبەری شارەوانی بازیان سڵاو.. هەروەك ئاگادارن سەرۆكایەتیی ئەنجومەنی وەزیران لە دانیشتنی رۆژی ٢٣ ی شوباتی ٢٠٢١ ، لەگەڵ پاڕێزگاری پارێزگاكان وبەرپرسی ئیدارە سەربەخۆكاندا، بری پارەی پەرەپێدانی پرۆژەكانی بۆ سالی ٢٠٢١ دیاری كرد. لەم نێوەندەدا، بڕیاردرواە، بڕی ( ١٤١ ملیار و ٣٥٠ ملیۆن) دینار بۆ پرۆژە خزمەتگوزارییەكانی پارێزگای سلێمانی تەرخان بكرێت. هاوكات دەسەڵاتی خەرجكردنی ئەم بڕە پارەیە، دراوە بە پارێزگاكان بۆ پرۆژە خزمەتگوزارییەكان. بەرپرسان ئیداری، لە قایمقامیەتی سلێمانی، ئاماژە بەوە دەكەن كە ئەولەویەتی تەرخانكردنی ئەم بڕی پارەیە بۆ پرۆژە تەواو نەكراوەكانی ساڵانی رابوردوو (٢٠١١، ٢٠١٢ ، ٢٠١٣) دەبێت. هەروەها پێویستە بەشێكی بەرچاوی ئەم پارەیە بۆ ڕێگا و بانەكان، تەرخان بكرێت. گەڕەكی (پێشەوا) لەناحیەی بازیان، كە دەكەوێتە ناوەراستی ناحیەكە و بەشێكی بەرچاو لە كۆڵانەكانی دەكەونە سەر بازاڕی سەرەكی، كە چەندین دوكانی فرۆشتنی خواردن و خواردنەوە و هەروەها دەرمانخانە و سەرتاشخانە و فرۆشتنی كەل وپەلی رۆژانەی جیاواز لەخۆدەگرێت، ئەم گەڕەكە لە دامەزراندنی ناحیەی بازیانەوە تاوەكو بەشێكی زۆر لە جادە وكۆڵانەكانی قیرتاونەكراون، ئێمە دەستەیەك لە نوێنەرانی ئەم گەرەكە وهەروەها بەشێك لەگەڕەكی برایەتی لە ناوەراستی ساڵی ٢٠١٨ دەدا، هەڵمەتێكی واژۆكۆكردنەوەمان دەستپێكرد بۆ داواكاری قیرتاوكردنی شەقام و كۆڵانەكان، سەرئەنجام بەرپرسانی ئیداری و پارێزگا، داواكاری ئێمەیان بۆ ئەنجومەنی وەزیران رەوانە كرد (نوسراوی رەسمی پارێزگاری سلێمانی ژمارە ٦٣١٠، بەررواری ٥-٧- ٢٠١٨)، بەڵام بەبیانۆی نەبوونی بودجەی تەرخانكراوی پێویست بۆ پاڕێزگاكان، تائێستا ئەم داواكارییەی ئێمە جێبەجێنەكراوە، هەربۆیە داواكارین لە ئێوە، كە لەئێستادا ئاگاداری ئەم بڕیارەن. كێشە و ناخۆشییەكانی دانیشتوانی هەردوو ئەم گەرەكە لەبەرچاوبگرن، كەنزیكەی ٣٠ ساڵە، كۆڵانەكانی قیرتاونەكراوە، منداڵان و بەساڵاچوان لەوەرزی زستاندا، بەنێو قوڕ و ناخۆشی رێگاكان بەسەختی هاتوچۆدەكەن و لەوەرزی هاویندا، تەپ وتۆزی رێگا خۆڵاوییەكان، دەچێتە نێو ماڵەكانیان. هاوكات بەرپرسیاریەتی راستەقینەی خۆتان لەبەرانبەر ئەم داواكارییە بخەنەڕوو. دەستەیەك لەنوێنەرانی گەڕەكی پێشەوا- ناحیەی بازیان 1-3-2021
خەڵك بەڕێوەبەرایەتی بەنداوی تشرین لە ڕۆژئاوای كوردستان ڕایگەیاند، توركیا بەردانەوەی ئاوی فوراتی بۆ كەمتر لە نیوە دابەزاندووە و بەهۆیەوە ئاستی ئاوی بەنداوەكە چوار مەتر داكشاوە و بەوەش مەترسی لەسەر ژیانی چەند ملیۆن كەس لە دانیشتووانی باكور و خۆرهەڵاتی سوریا دروست بووە. ئاژانسی هاوار نیوز لە زاری بەڕێوەبەرانی بەنداوی تشرین بڵاویكردو,ەتەوە، كە ڕۆژانە بڕی ئاوی ڕووباری فورات 10 سانتیمەتر دادەبەزێت و تائێستا چوار مەتر ئاوی بەنداوی تشرین دابەزیوە و ڕێژەی ئاوی ڕووباری فورات، لە 500 مەتری سێجا لە خولەكێكدا دابەزیوە بۆ 200 مەترسێجا لە خولەكێكدا. ئاژانسەكە ئاماژەی بەوەكردووە، گرتنەوە و كەمكردنەوەی بەردانەوەی ئاوی فورات لەلایەن توركیاوە شەڕی ئاوە دژ بە گەلانی باكووری سوریا و ڕونیكردووەتەوە، كە شارەكانی كۆبانێ، ڕەقە، دێرەزوور، تەبقا، سڕین، كەرامە و حەسەكە ئاوی خواردنەوەیان لە ڕووباری فوراتەوە دابین دەكرێت و گرتنەوەی ئاوی ئەم ڕووبارە لەلایەن توركیاوە ژیانی نزیك بە پێنج ملیۆن كەس لە باكوور و خۆرهەڵاتی سوریای ڕووبەڕووی كارەساتێكی مرۆیی كردووەتەوە و هاوكات بووەتە مەترسییەكی گەورەش لەسەر كشتوكاڵ و ژینگەی ناوچەكە.
خەڵك وتەبێژی هاوپەیمانی نێودەوڵەتی دژ بە داعش ڕایدەگەیەنێت: پشتیوانی هەوڵەكانی حكومەتی عیراق دەكات بۆ لێكۆڵینەوە و دادپەروەری و ڕەچاوكردنی بەرژەوەندی گشتی. واین مارۆتۆ وتەبێژی هاوپەیمانی نێودەوڵەتی دژ بە داعش لە تویتێكدا لە هەژماری تایبەتی خۆی لە تۆڕی كۆمەڵایەتی تویتەر رایگەیاند: پەسەندكردنی یاسای ژنانی ڕزگاربووی ئێزدی لەلایەن ئەنجومەنی نوێنەرانی عیراقەوە، هەنگاوێكی گرنگە بۆ قەرەبووكردنەوەی ئێزدییەكان و هەموو ئەو پێكهاتانەی زیانیان پێگەیشتووە. واین مارۆتۆ ئەوەشی خستووەتەڕوو، هاوپەیمانی نێودەوڵەتی پشتیوانی هەوڵەكانی حكومەتی عیراق دەكات بۆ لێكۆڵینەوە و دادپەروەری و ڕەچاوكردنی بەرژەوەندی گشتی سەرجەم گەلانی عیراق.
خەڵك بەڕێوەبەرایەتی پۆلیسی پارێزگای نەینەوا دەستگیركردنی 4 تیرۆریستی داعشی ڕاگەیاند. بەڕێوەبەرایەتی پۆلیسی پارێزگای نەینەوا لە ڕاگەیەنراوێكدا ڕایگەیاند، هێزەكانیان بە پشت بەستن بەو زانیارییانەی لە هەواڵگری سەربازی سوپای عیراقەوە بە دەستیان گەیشتووە ، توانیویانە 4 تیرۆریستی داعش لە ناوچەكانی باشووری موسڵ دەستگیر بكەن. بەڕێوەبەرایەتی پۆلیسی پارێزگای نەینەوا ئەوەشی خستەڕوو، ئەو تیرۆریستانە پێشتر لە یەكەی دروستكردنی تەقەمەنی سەر بە گرووپی تیرۆریستی داعش كاریان كردووە و دوای ئازادكردنی شاری موسڵیش، وەك شانەی نوستوو لە ناو شارەكە كاریان بۆ پاشماوەكانی ئەو گرووپە تیرۆریستییە كردووە. بەڕێوەبەرایەتی پۆلیسی پارێزگای نەینەوا ئاشكراشی كردووە: بەپێی ماددەكانی یاسای ڕووبەڕووبوونەوەی تیرۆر، ئەو تیرۆریستانە ڕەوانەی لایەنی پەیوەندیدار كراون بۆ ئەنجامدانی لێكۆڵینەوە لەگەڵیاندا.
خەڵك وەزارەتی نەوتی عیراق بڕی نەوتی هەناردەكراو و داهاتەكەی لە مانگی ڕابردوو ئاشكراكرد. وەزارەتی نەوتی عیراقلە ڕاگەیەنراوێكدا ئاشكرایكرد، لە مانگی شوباتی ڕابردوو بڕی 82 ملیۆن و 877 هەزار و 758 بەرمیل نەوت هەناردەی بازاڕەكانی جیهان كراون. لە ڕاگەیەنراوەكەدا ئاماژە بەوەشدراوە، كۆی داهاتی نەوتی فرۆشراو گەیشتووەتە 5 ملیار و 26 هەزار و 807 دۆلار و ئەمەش بە بەراورد بە مانگی پێشووتر ڕووی لە بەرزبوونەوە كردووە. وەزارەتی نەوتی عیراق ئوەشی خستووەتەڕوو، بەرزبوونەوەی نرخی نەوت لە بازاڕی جیهانیدا وایكردووە هەر بەرمیلێك نەوت بە بڕی 60 دۆلار و33 سەنت بفرۆشرێت. لای خۆشیەوە، ئیحسان عەبدولجەبار وەزیری نەوتی عیراق ئاشكرایكردووە، لەساڵی 2024ەوە سووتاندنی گاز لەگەڵ دەرهێنانی نەوت لە عیراق ڕادەگیرێت و ئەو گازە دەدرێتە وێستگەكانی بەرهەمهێنانی وزەی كارەبا.
خەڵك سەرۆكی حكومەتی هەرێمی كوردستان ڕایدەگەیەنێت: خۆشحاڵم بە گەیشتنی یەكەم كاروانی ڤاكسینی دژ بە ڤایرۆسی كۆرۆنا بۆ هەرێمی كوردستان، كە لە لایەن وڵاتی چینەوە بەخشراوە. مەسرور بارزانی سەرۆكی حكومەتی هەرێم لە پەیامێكدا بەبۆنەی گەیشتنی یەكەم كاروانی ڤاكسینی كۆرۆنا بۆ هەرێم لە وڵاتی چینەوە، دەڵێت:"حكومەتی هەرێمی كوردستان، بە هەماهەنگی لەگەڵ حكومەتی فیدڕاڵ، كار دەكات بۆ بەدەستهێنانی ڤاكسین و دڵنیابوون لە دابینكردنی بەشی هەرێم لەو بڕە ڤاكسینەی بە حكومەتی فیدراڵ دەدرێت". دەقی پەیامی سەرۆكی حكومەتی هەرێم: خۆشحاڵم بە گەیشتنی یەكەم كاروانی ڤاكسینی دژ بە ڤایرۆسی كۆڕۆنا (COVID-19 ) بۆ هەرێمی كوردستان، كە لە لایەن وڵاتی چینەوە بەخشراوە. سوپاسی كۆماری چین دەكەین بۆ ئەم هاوكارییە مرۆییە، كە هەنگاوێكی گرنگە بۆ هەوڵەكانی بەرەنگاربوونەوەمان دژ بە ڤایرۆسەكە و پاراستننی پزیشكان و كارمەندانی هێڵی پێشەوە. پاش پەسەندكردنی پلانی دابەشكردن، ڤاكسینەكان بۆ سەنتەرەكانی دیاریكراو لە هەموو پارێزگاكان، دابین دەكرێت تاكو بدرێ بەو گروپانەی لە هێڵی پێشەوەن و مەترسییان لەسەرە. حكومەتی هەرێمی كوردستان، بە هەماهەنگی لەگەڵ حكومەتی فیدڕاڵ، كار دەكات بۆ بەدەستهێنانی ڤاكسین و دڵنیابون لە دابینكردنی بەشی هەرێم لەو بڕە ڤاكسینەی بە حكومەتی فیدراڵ دەدرێت، ئێمە لەگەڵ كۆمپانیا پێشەنگەكانی بەرهەمهێنانی ڤاكسین، ڕاستەوخۆ لە پەیوەندیداین بۆ بەدەستهێنانی ڤاكسینی زیاتر بۆ هەرێمی كوردستان. من بەجیددی كار لە سەر ئەم بابەتە دەكەم و بەدواداچون دەكەم بۆ دڵنیابون لەوەی، هەر كوردستانییەك بە زوترین كات ڤاكسینی پێ بگات. بێگومان ئەمە كارێكی ئاسان نابێت، بەڵام دەبێت ڤاكسین بۆ زیاتر لە 6 ملیۆن هاوڵاتی هەرێم دابین بكەین، حكومەتی هەرێمی كوردستان ، ئێستا كار لە سەر ئەنجامدانی بەرنامەیەكی كوتانی گشتگیر بۆ دانیشتوانی هەرێم دەكات، كە تیمی تەندروستی و كارمەندانی هێڵی پێشەوەی بەرەنگاربونەوەی كۆرۆنا و كارمەندانی دەزگا ئەمنییەكان و كەسانی بەتەمەن و ئەوانەی مەترسیی توشبونیان هەیە دەگرێتەوە. پاشان كوتانی زۆرترین ڕێژەی هاوڵاتیان بەپێی تەمەن و ڕێنماییە دیاریكراوەكان دەست پێ دەكات . هیوادارین دوای ئەم قۆناغە، بتوانین بگەڕێینەوە سەر ژیان و گوزەرانی خۆمان و دۆخی ئابوریش گەشە بكاتەوە. من دڵنیام دەتوانین باردۆخەكە ئاسایی بكەینەوە، بەڵام بێگومان حكومەتی هەرێمی كوردستان ناتوانێت بە تەنیا ئەمە بكات، بۆیە دەبێت هاوڵاتییان بەگشتی، هاوكار و یارمەتیدەر بن و ڕۆڵی خۆیان لە پێناو بەرژەوەندی گشتیدا بگێڕن . ئەمەش لە ڕێگەی پابەندبوون بە ڕێنماییەكانی تەندروستی و ڕێكارەكانی خۆپارێزی كە لە پێناو پاراستنی كۆمەڵگەیە بە گشتی.
خەڵك- بەپێی نوێترین ئاماری تایبەت بە پەتای كۆرۆنا، ژمارەی تووشبوان لە جیهاندا بۆ 114 ملیۆن و 994 هەزار و 666 تووشبوو بەرزبۆوە. هەروەها ژمارەی ئەوانەی بەهۆی پەتاكەوە گیانیانلەدەستدا، بۆ دوو ملیۆن و 550 هەزار و 287 كەس بەرزبۆوە، ژمارەی ئەوانەش كە نەخۆشییەكەیان پەڕاندووە و چاكبوونەتەوە، گەیشتە 90 ملیۆن و 711 هەزار و 173 كەس. لەو دەمەی بۆ یەكەمجار لە مانگی كانوونی یەكەمی 2019وە پەتاكە لە چینەوە دەركەوت، تووشبوون بە ڤایرۆسی كۆرۆنا لە زیاتر لە 210 وڵات و ناوچەی جیاجیای جیهاندا بڵاوبۆتەوە. بۆ یەكەمجار ڤایرۆسی كۆرۆنا لە مانگی كانوونی یەكەمی 2019 لە شاری وۆهانی هەرێمی هۆبی چینەوە سەریهەڵدا و دواتر بە جیهاندا بڵاوبۆوە، لە مانگی ئاداری 2020، ڕێكخراوی تەندروستی جیهانی، نەخۆشییەكەی وەك پەتایەكی جیهانی پۆلێن كرد.

هەردی سەلامی: بە بەرهەمی گەرم و گوڕەوە دێمەوە خزمەتان

بەرهەمێكی نوێ بڵاودەكاتەوە

راوێژ کامەران

هەواڵ بڵاوکراوەتەوە: 28/01/2021

هونەرمەند هەردی سەلامی ڕایگەیاند کە نوێترین بەرهەمی خۆی بەناوی (وەكو من) بڵاودەکاتەوە.

بەرهەمە نوێکە لە تێکست و ئاوازی خۆیەتی و ئەفشین شوكری كاری دابەشكردنی میوزیكی بۆ كردوە.

هەردی سەلامی وتوشیەتی”بە كۆمەڵێك بەرهەمی گەرمو گوڕەوە دێمەوە خزمەتی ئێوە”

View this post on Instagram

A post shared by Hardi Salami (@hardisalami)