سەردێر

باران دەست پێدەكات

لەسنووری پارێزگای دهۆك و هەولێر و سلێمانی دەبێت

خەڵك-

بەڕێوبەری كەشناسی سلێمانی ڕایدەگەیەنێت، ئەمڕۆو سبەی باران بارین هەرێمی كوردستان دەگرێتەوە‌و شەپۆلی سەرماش رۆژی یەكشەمەی داهاتوو كۆتایی دێت.

ئاسۆ كەمال بەڕێوەبەری كەشناسی سلێمانی بە(خەڵك) ی ڕاگەیاند، لە ئەنجامی ئەو پاڵە پەستۆیەی ڕووی لەناوچەكە كردووە ئەمڕۆ و سبەی باران دەبێت هەتا ڕۆژی یەك شەممەی هەفتەی داهاتوو بەردەوام دەبێت.

وتیشی: ئەمڕۆ باران بارینی ناوبەناو دەبێت و بۆ سبەینێش بەردەوام دەبێت بە تایبەت لەكاتی شەودا ئاستی باران بارینەكە زیاد دەبێت و بۆ ڕۆژی شەمەش بەردەوام دەبێت، سەرەتا لە پارێزگای هەولێرو دهۆكەوە دەست پێدەكات و ئەگەر هەیە لەكاتە درەنگەكاندا بگاتە ناوچەكانی سلێمانی، بەڵام بە بچر بچڕ دەبێت.

ئاماژەی بەوەشكرد، بۆ ئەمڕۆ نزمترین پلەی گەرمی تۆمار كراو 7 پلەی سەدیەو بەرزترین 18 پلەی سەدیەو ڕادەی شێ‌ %65 دەبێت.