سەردێر

بە فەرمی داواكرا نرخی دۆلار بۆ 130 هەزار دینار كەمبكرێتەوە

خەڵك-
ئەندامێكی پەرلەمانی عیراق، بە فەرمی داواكارییەك بۆ سەرۆكایەتی پەرلەمان پێشكەش دەكات و داوا دەكات نرخی 100 دۆلاری ئەمریكایی بۆ 130 هەزار دیناری عیراقی كەمبكرێتەوە.

بەپێی بەڵگەنامەیەك كە لەلایەن میدیاكانی عیراقەوە بڵاوكراوەتەوە”عەممار توعمە ئەندامی پەرلەمانی عیراق، داواكارییەكی پێشكەش بە سەرۆكایەتی پەرلەمان كردووە كە 6 دەستكاریی لە بودجەی 2021 لەخۆدەگرێت، لەنێوان ئەو دەستكاریانەشدا، كەمكردنەوەی نرخی دۆلارە بۆ 1300 دینار و هەڵوەشاندنەوەی لێبڕینی مووچەی توێژێكی دیاریكراوی فەرمانبەرانە”.

ئەو ئەندامەی پەرلەمانی عیراق، دای كردووە، لێبڕینی مووچە لە بودجەی دارایی 2021، ئەو فەرمانبەرانە نەگرێتەوە كە مووچەكەیان لە ملیۆنێك و پێنج سەد هەزار كەمترە.

بە گوێرەی هەواڵ، داواكارییەكەی عەممار توعمە لەلایەن 113 پەرلەمانتارەوە پشتیوانی لێكراوە.