هەڵەبجە؛ ٣٥٠ ماتۆڕسكیلی بێ سەرەتا پانكرایەوە - تۆڕی میدیایی خەڵک

سەردێر

خەڵك بەڕێوەبەرایەتی هاتوچۆی ڕاپەڕین ڕایدەگەیەنێت، لە سەر ڕێگای گشتی (شارەدێی هەڵشۆ -گوندی گرمەیتەر) ڕووداوێكی هاتوچۆ لە نێوان ئۆتۆمبێلێكی جۆری (ئۆپڵ و ماتۆڕسكیل)ێكدا ڕوویدا و بەهۆیەوە دوو كەس بریندار بوون. بەڕێوەبەرایەتی هاتووچۆی ڕاپەڕین ڕایگەیاند، كاتژمێر 9:30 ی ئەمشەو ڕووداوێكی هاتووچۆ لە جۆری پێكدادان لە نێوان ئۆتۆمبیلێكی جۆری (ئۆپڵ و ماتۆڕسكیل)دا ڕوویدا و بەهۆیەوە دوو كەس بریندار بوون ". ئاماژەی بەوەشداوە، "ڕووداوەكە لە سەر ڕێگای گشتی (شارەدێی هەڵشۆ -گوندی گرمەیتەر) بووە كە بەهۆی ڕووداوەكەوە دوو كەس بریندار بوون ". بەڕێوەبەرایەتی هاتووچۆی ڕاپەڕین ئاشكراشی كرد، "هۆكاری ڕووداوەكە پابەند نەبوونی شۆفێران بووە بە یاسا و ڕێنماییەكانی هاتووچۆوە".
خەڵك بەڕێوەبەرایەتی هاتووچۆی گەرمیان ڕایدەگەیەنێت، لەئەنجامی سووتانی ئۆتۆمبیلێكی جۆری (مارسیدس) لە شارەدێی ڕزگاری شۆفێرەكەی بە سووكی بریندار بوو. بەڕێوەبەرایەتی هاتووچۆی گەرمیان لە ڕاگەیەنراوێكدا ڕایگەیاند، "ئەمشەو لە شارەدێی ڕزگاری نزیك نەخۆشخانەی گەڕەكی (شاكەل) ئۆتۆمبیلێك گڕێ گرت و لە ڕووداوەكەشدا شۆفێری ئۆتۆمبێلەكە بە سوكی بریندار بوو ". بەڕێوەبەرایەتی هاتووچۆی گەرمیان ئاماژەی بەوەشداوە، "ئۆتۆمبیلەكە لە جۆری (مارسیدس) بوو وێڕای زیانی ماددی كە بەر ئۆتۆمبێلەكە كەوتووە شۆفێرەكەی برینداربووە، بەڵام خۆشبەختانە برینەكەی سوكە".
خەڵك سەرۆكی ئەنجومەنی نوێنەرانی عیراق بڕیاریدا ،ڕۆژی دووشەمەی داهاتوو 15/3/2021 دەنگدان بە پڕۆژە یاسای بودجەی 2021ی عیراق بەڕێوەبچێت. یوسف كلابی ئەندامی ئەنجومەنی نوێنەرانی عیراق ڕایگەیاند:"بە واژۆی 150 نوێنەر سەرۆكی ئەنجومەنی نوێنەرانی عیراق بڕیاریدا ڕۆژی دووشەممەی داهاتوو 15/3/2021، دەنگدان لەسەر پڕۆژە یاسای بودجە بخرێتە خشتەی كاری دانیشتنی ئەنجومەنی نوێنەرانەوە".
خەڵك بەڕێوەبەرایەتی پۆلیسی دارستان و ژینگەی پارێزگای سلێمانی دەستگیركردنی سێ كەسیان ڕاگەیاند، كە تۆمەتبارن بە زیادەڕەویكردنە سەر زەوی ( میری ) كشتوكاڵی لە ناوچەی بازیان. بەڕێوەبەرایەتی پۆلیسی دارستان و ژینگەی پارێزگای سلێمانی ئەمڕۆ دووشەممە، لە ڕاگەیەنراوێكدا ڕایگەیاند، مەفرەزەكانی بنكەی پۆلیسی دارستانی بازیان لە پێناو پارێزگاریكردن لە سروشت و ژینگەی سنوورەكەیان و ڕێگریكردن لە سەرپێچیكاران، توانرا 3 هاووڵاتی بە تۆمەتی زیادەڕۆیی دەستگیربكەن. بەڕێوەبەرایەتی پۆلیسی دارستان و ژینگەی پارێزگای سلێمانی ئاماژەی بەوەشداوە:"ئەو تۆمەتبارانە زیادەڕەوییان كردووەتە سەر زەوی (میری) كشتوكاڵی و پۆلیسی دارستانی بازیان توانیان ئەو كەسانە دەستگیر بكەن. ئاشكراشكراوە، پەڕاوی لێكۆڵینەوە بۆ كێشەكە ڕێكخراوە و بە بڕیاڕی دادوەر بەندكراون بۆ وەرگرتنی ڕێكاری یاسایی.
خەڵك وەزیری دەرەوەی ئێران دەڵێت، هێرشەكەی مانگی ڕابردووی ئەمریكا بۆسەر گرووپە چەكدارە شیعەكان لەسەر سنووری عیراق و سوریا "زۆر مەترسیدار" بوو و كاری لەو جۆرەش هەڕەشە لە سەقامگیریی ڕۆژهەڵاتی ناوەڕاست دەكات. محەمەد جەواد زەریف، وەزیری دەرەوەی ئێران لە چاوپێكەوتنێكدا لەگەڵ میدیای وڵاتەكەی ڕایگەیاند، بۆردوومانەكەی ئەمریكا هەڵە بوو، "هەنگاوی ئەمریكییەكان بەرامبەر یەكپارچەیی خاك و سەروەریی سوریا زۆر مەترسیدار بوو، هیچ كاریگەرییەكیشی نابێت، جگە لە بڵاوكردنەوەی نائارامی لە ناوچەكەدا". جێی ئاماژەیە، ڕۆژی 15/2/2021 چەند مووشەكێك ئاڕاستەی هەولێر كران و لە وەڵامی ئەوەشدا سوپای ئەمریكا ڕۆژی 25ی مانگ هێرشێكی ئاسمانیی كردە سەر دوو گرووپی حەشدی شەعبی لە ناوچەی ئەلبوكەمال لە سوریا لەنزیك سنووری عیراق.
خەڵك كۆمسیۆنی باڵای مافەكانی مرۆڤی عیراق ئاشكرای كرد، ساڵی ڕابردوو بە هۆی ڕووداوەكانی هاتووچۆ هەزار و 552 كەس لە وڵاتەكە گیانیان لەدەستداوە. فازڵ غەراوی ئەندامی كۆمسیۆنی باڵای مافەكانی مرۆڤی عیراق ئاماژەی ڕایگەیاند، ساڵی ڕابردوو چوار هەزار و 666 ڕووداوی هاتووچۆ لە وڵاتەكە تۆمار كراون. ڕوونیشیكردووەتەوە، لە بەغدا 871 ڕووداوی هاتووچۆ روویانداوە و لە پلەی یەكەمدایە و پارێزگاكانی سەڵاحەدین و نەجەفیش لە پلەكانی دووەم و سێهەمدان. ئەو ئەندامەی كۆمسیۆنی باڵای مافەكانی مرۆڤی عیراق داواشی كردووە، لایەنە پەیوەندیدارەكان بەتایبەتی بەڕێوەبەرایەتی گشتیی هاتووچۆ و وەزارەتی ئاوەدانكردنەوە و شارەوانییەكان لە پێناو پاراستنی ژیانی هاووڵاتیان و كەمكردنەوەی ڕووداوەكانی هاتووچۆ كار بكەن لە پێناو بەرزكردنەوەی ئاستی مەرجەكانی سەلامەتی لە شەقام و ڕێگاوبانەكانی ناو شارەكان و نێوان شارەكان.
خەڵك - یەحیا حبیب هاووڵاتییەك لە شارۆچكەی شارەزوور ماوەی زیاتر لە 12 ساڵە كاری هەنگەوانی دەكات دەڵێت، "هەر كەسێك لە كارێكدا خۆی كۆبكاتەوە سەركەوتوو دەبێت تێیدا كە بەداخەوە لەم سەردەمەدا خەریكە پسپۆڕیی كەم دەبێتەوە". ئەو پیاوە بورهان عزیز، كە زۆرتر بە (مەلا بورهان باوایی) ناسراوە باسی ئەزموونی كاری هەنگەوانی خۆی بۆ (تۆڕی میدیایی خەڵك) دەكات و دەڵێت، "لە ساڵی 1996 دەستم كرد بە كاری هەنگەوانی تا 2000 بەردەوامبووم و ماوەیەك وازم هێنا و لە ساڵی 2015 دەستمپێكردەوە و تا ئەمڕۆ كاری هەنگەوانی دەكەم و پیشەكەی خۆمم خۆش دەوێت". لە بارەی سەرەتای چوونە ناو كاری هەنگەوانییەوە مەلا بورهان وتیشی، "چونكە خاوەنپێداویستی تایبەت بووم و وێڕای ئەوەی ئەوەی كاركردنیش زۆر كەم بوو منیش هەموو كارێك لەتوانامدا نەبوو، بەڵام لە گوندەكانی نزیك كۆماری ئیسلامی ئێران پیاوێك داوای لێكردم كە پێویستی بە پاسەوانێكە كە چاودێری هەنگەكان بكات لەكاتی چونەدەرەوەی بۆ كاری تایبەتی و منیش دەستم پێكرد". ئاماژەی بۆ ئەوەشكرد، "كاركردنی من ئەوە بووە بەیانی دەچوومە لای هەنگەكان و ئێوارە دەگەڕامەوە ماڵەوە لەگەڵ ئەوەی دوو دار شەقیشم پێبوو، بەڵام چونكە لە هەنگەكان نەدەترسام و حەزم بە كارەكە دەكرد خاوەنی هەنگەكەش هاوكاری دەكردم زانیاری باشی لەوبارەیەوە پێ دەدام بۆ ئەوەی ببمە هەنگەوانێكی سەركەوتوو". مەلا بورهان پێیوایە، هەر كەسێك لە كارێكدا خۆی قاڵبكات سەركەوتو دەبێت تێیدا كە بەداخەوە لەم سەردەمەدا خەریكە پسپۆڕیی كەم دەبێتەوە. بورهان عزیز ئاماژەی بۆ ئەوەشدا، "لە ساڵی 1995 بە فەڕمی دەستم كرد بە كاری هەنگەوانی كرد دوای ماوەیەك وەستانیش دووبارە دەستم پێكردەوە و ئێستا لە سنووری گوندەكانی شارەدێی بەمۆ كاری هەنگەوانی دەكەم و لەگەڵ ئەوەشدا هەنگەكانم گەرمیان و كوێستانیان پێ دەكەم و دەیانبەمە شارەكانی پێنجوێن و شەمێران و قەرەداغ لە پێناو بەرهەمی باشتر، چونكە هەندێك هەنگەوان هەیە بەرهەمەكەیان ناسروشتییە". هێمای بۆ ئەوەشكرد، "چونكە كڕیاری تایبەتی خۆی هەیە و وەك چارەسەر بەكار دەهێنرێت نابێت بەشێوەیەكی نەگونجاو ئەو هەنگوینە بەرهەم بێت". مەلا بورهان دەڵێت، "لە مانگی دووی هەموو ساڵێك دەبێت هەنگەوانان ئامادەكاری خۆی بكات لە ئامادەكردنی سندوق و شانە و بەرهەمی دەڤەری بەمۆ و ناوچەكانی شەمێران قەرەداغ لە مانگی شەشدا هەنگوینەكەی دەبڕینەوە". دەشڵێت:"لە دوای بڕینەوەی هەنگوینەكە بەشێك بۆ نەخۆشین ئەو هەنگوینە وەك چارەسەر بەكاری دەهێنێت، بەڵام بە بێ مۆمەكەی و بە ئامێر جیادەكرێتەوە هەندێكیش حەز بە مۆمەكەی دەكات پێكەوە دەیكڕێت". مەلا بورهان باوایی ئەوەشی خستەڕوو، "دوا هەنگاو پاككردنەوەی ئەو چوارچێوانەیە كە مۆمەكانی لێدەدرێت و دواتر دەبڕدرێتەوە پێویستە بە ئاوی گەرم بكوڵێنرێت بۆ ئەوەی تەواوی ئەو تەپوتۆزە لەگەڵ هەر میكرۆبێك لێی بببێتەوە و هەنگوینێكی تەندروست بەرهەم بهێنرێت".
خەڵك قائیمقامی مێرگەسۆر ئاشكرایكرد: سەرۆكایەتی ئەنجومەنی وەزیرانی هەرێم ڕەزامەندیی بۆ دروستكردنی دەروازەی نێودەوڵەتی "زێت" لەگەڵ توركیا دەربڕیوە. غەفور ئەحمەد قائیمقامی مێرگەسۆر بە ماڵپەڕی فەرمی پارتی ڕاگەیاند: هەوڵەكان بۆ كردنەوەی دەروازەی نێودەوڵەتی "زێت" بەردەوامن كە دەكەوێتە سنووری شارۆچكەی مێرگەسۆری سەر بە پارێزگای هەولێر، سەرۆكایەتی ئەنجومەنی وەزیرانیش ڕەزامەندیی نیشانداوە بۆ دروستكردنی كۆمەڵگەی نێودەوڵەتی دەروازەكە و قیرتاوكردنی ڕێگاكەی. قائیمقامی مێرگەسۆر ئاماژەی بەوەشداوە: دیزاینێكی زۆر باش و بەپێی ستانداردی پێشكەوتوو بۆ دەروازەی "زێت" كراوە و ڕێگاكەش لە سەنتەری شارەدێی شیروان مەزن تا سەر سنوورە كە 13 كیلۆمەترە و قیرتاو دەكرێت. غەفور ئەحمەد ئەوەشی خستەڕوو: لە داهاتوویەكی زۆر نزیكدا دەست بە جێبەجێكردنی پڕۆژەكە دەكرێت، تیمەكانی كاركردنیش چاوەڕێی گونجاویی دۆخی كەشوهەوای ناوچەكە دەكەن و لەگەڵ باشبوونی كەشوهەوا دەست بە دروستكردنی كۆمەڵگەكە و قیرتاوكردنی ڕێگاكە دەكرێت.
خەڵك- یەحیا حبیب ماوەی مانگێكە ناوەندەكانی خوێندن كراوەتەوە و تا ئێستا لە سەیدسادق هیچ تووشبوویەكی كۆرۆنا تۆمار نەكراوە و بەڕێوەبەری سەنتەری كۆرۆنا لە سەیدسادق دەڵێت، "نزیك 400 نمونەمان لە خوێندكاران وەرگرتووە و هیچ تووشبوویەك تۆمار نەكراوە و لە هەفتەی داهاتووەوە نمونە لە فەرمانبەرانی دامەزراوەكانی شارۆچكەكەمان وەردەگرین، چونكە مامەڵەی ڕاستەوخۆیان لەگەڵ هاووڵاتیاندا هەیە مەترسیان لەسەرە". كارزان حەمە ساڵح، بەڕێوەبەری سەنتەری كۆرۆنا و مەڵبەندی تەندروستی سەیدسادق لە لێدوانێكیدا بە (تۆڕی میدیایی خەڵك)ی ڕاگەیاند، "تا ئێستا لە سنووری شارۆچكەی سەیدسادق و تەواوی خوێندنگاكان خۆشبەختانە هیچ كەسێك نییە كە تووشبووی ڤایرۆسی كۆرۆنا بووبێت لە شارەكەدا". وتیشی، "وێڕای ئەوەی كە هیچ تووشبوویەكیش نییە تا ئێستا ئێمە بە شێوەیەكی هەڕەمەكی لە نێو ناوەندەكانی خوێندن و بە شێوەیەكی هەڕەمەكی نزیك بە 400 نمونەمان لێ وەرگرتوون بە تایبەت ئەو خوێندكارانەی توشی پەتای وەرزی بوون دەركەوتووە كە هیچیان تووشبووی ڤایرۆسی كۆرۆنا نین خۆشبەختانە". ئاماژەی بۆ ئەوەشكرد، "لە هەفتەی داهاتوو ئێمە لە فەرمانبەرانی دامودەزگاكانی شارۆچكەی سەیدسادقەوە دەستپێدەكەین، چونكە ئەوان مامەڵەی ڕاستەوخۆیان لەگەڵ هاووڵاتیان هەیە مەترسی تووشبوونیان زیاترە و ئومێد دەكەین هیچ تووشبوویەكی ڤایرۆسی كۆرۆنا تۆمار نەكرێت".
خەڵك- مازن فەیلی پەرلەمانتاری فراكسیۆنی نەهجی نیشتمانی، پێشبینی دەكات ژێربەژێر پشكی هەرێمی كوردستان لە بودجەدا تێبپەڕێنرێت، لەبەرانبەر بەستنی چەند هاوپەیمانییەك. مازنی فەیلی لە لێدوانێكی ڕۆژنامەوانیدا ڕایگەیاند"شاندەكانی هەرێمی كوردستان، لەئێستادا پشكی هەرێم لە بودجەدا تاوتوێ‌ دەكەن و چاوییان بە هیچ پەرلەمانتارێك نەكەوتووە، گفتووگۆكانیان تەنیا لەگەڵ چەند كەسێتییەكی دیاریكراوە لەو بارەیەوە". بە وتەی فەیلی"هەموو ئەو گفتووگۆیانەی لەبارەی پشكی هەرێمەوە دەكرێن تەكنیكی نیین و سیاسیین و ئامانج لێیان دروستكردنی تەوافوقە، گەر گفتووگۆكان تەكنیكی بوونایە دەمێك بوو بودجە یەكلایی كرابۆوە". مازن فەیلی دەڵێت"پێشبیی و ترسی ئەوە هەیە، ژێربەژێر ڕێكەوتن لەسەر تێپەڕاندنی پشكی هەرێم بكرێت لە بودجەدا، بەبێ‌ ئەوەی داهاتەكانی ڕادەستی حكومەتی فیدراڵ بكات، ئەمەش لەپێناو بەستنی چەند هاوپەیمانییەك و چەند گرێبەستێكی سیاسی".

هەڵەبجە؛ ٣٥٠ ماتۆڕسكیلی بێ سەرەتا پانكرایەوە

لاوی چالاك

هەواڵ بڵاوکراوەتەوە: 25/01/2021

بەڕێوەبەرایەتی هاتووچۆی پارێزگای هەڵەبجە، دوای ڕەزامەندی دادگای هەڵەبجە و بە چاودێری پارێزگاری هەڵەبجە هەستان بەپانكردنەوەی ٣٥٠ ماتۆڕسكیل .

ئەو ماتۆڕسكیلانەی ساڵی ڕابردوو ، كە لەلایەن مەفرەزەكانی پۆلیس و ئاسایشەوە دەستیان بەسەردا گیرابوو، بە ڕەزامەندی دادگای هەڵەبجە و بە چاودێری پارێزگاری هەڵەبجە سەرجەمیان ، كە 350 ماتۆڕسكیل بوو پانكرانەوە.

لەناوبردنی ئەو ماتۆڕسكیلانە لە كاتێكدایە، كە لەلایەن بەڕێوەبەرایەتی هاتووچۆی شارەكانەوە هیچ ڕێگریەك لە ماتۆڕسكیلی تۆماركراو ناكرێت و ئەوانەی دەستیان بەسەردا دەگیرێت ئەو ماتۆڕسكیلە بێ سەرەتاكانە .

کلیلە وشەکان:
هاتووچۆی هەڵەبجە

هەلبژاردە

گرنگترینەکان

هاتووچۆ هۆشداری بە شۆفێران دەدات

05 شوبات 2021 1.31 pm

خەڵك- بەڕێوبەرایەتی هاتووچۆی پارێزگای هەڵەبجە هۆشداری بە شۆفێران دەدات لە دروست بوونی تەم و كەمبوونەوەی ئاستی…