سەردێر

كۆنفڕانسی گەشتیاری بەڕێوەدەچێت

 

سەبارەت بە كەرتی گەشتیاری و دانانی یاسایەكی تایبەت بەم كەرتە لیژنەی شارەوانی و گەشتوگوزار لە پەڕلەمانی كوردستان و دەستەی گەشتوگوزاری هەرێم كۆبوونەوە، سەرۆكی لیژنەكەش ڕایدەگەیەنێت، كۆنفڕانسێكی گەورەی گەشتیاری ئەنجام دەدەن.

لوقمان وەردی سەرۆكی لیژنەی شارەوانی و گەشتوگوزار لەكۆنفڕانسێكی ڕۆژنامەوانیدا ڕایگەیاند، لەبارەی چۆنیەتی گەشەپێدان بە كەرتی گەشتیاری و بەدواداچوون بۆ كەرتی گەشتیاری كۆبوونەتەوە تاوەكو ئەو كەرتە وەك سەرچاوەیەكی داهات بۆ حكومەت و هاوڵاتی پەرەی پێبدرێت.

وتیشی: یاسای گەشتیاری دەردەكەن بۆ ئەمەش لە مانگی داهاتوو كۆنفرانسی گەشتیاری كوردستان ئەنجام دەدرێت و كەموكورتییەكانی ڕەشنووسی یاسای گەشتیاری دەست نیشان دەكەن.

ئەمەل جەلال سەرۆكی دەستەی گەشتوگوزاری هەرێم ڕایگەیاند، دەیانەوێت گرنگی بەو كەرتە بدەن لەڕێگای جۆراوجۆركردنی كەرتی گەشتووگوزار وەك گەشتیاری تەرفیهی و ئایینی و شوێنەواری لەهەموو وەرزەكان بۆ ئەمەش هەماهەنگی تەواو لەنێوان دامودەزگاكانی هەرێم هەیە بۆ پڕكردنەوەی پێداویستی كەموكوڕییەكانی كەرتی گەشتیاری.

دەشڵێت: گرنگە گەشتوگوزار یاسایەكی تایبەتی هەبێت و بكرێتە دامەزراوەیەكی كارا و بتوانێ هاوكاربێت بۆ داهاتی حكومەت و پاراستنی شوێنەوارەكان.
خەڵك-ئارام سەردار