سەردێر

بەفر كەرتی گەشتیاری بوژاندەوە

 

وتەبێژی دەستەی گەشتووگوزاری هەرێم ئاماژە بەوە دەدات گۆڕانكارییەكانی كەشوهەوا بەتایبەت بەفربارین جوڵەی بە كەرتی گەشتیاری هەرێم داوە.

نادر ڕۆستی وتەبێژی دەستەی گەشتوگوزاری هەرێم بە (خەڵك)ی ڕاگەیاند، گۆڕانكاری كەشوهەوا بەتایبەتی بارینی بەفر جوڵەیەكی باشی داوەتە كەرتی گەشتیاری و گەشتیارێكی زۆر هاتوونەتە هەرێم.

وتیشی: بەتایبەت لە ناوچە شاخاوییەكان ژمارەیەكی زۆری گەشتیار ڕووی تێدەكەن و تەنانەت هاوڵاتیانی خۆشمان بەهەمان شێوە ڕوویان لە ناوچە شاخاوییەكان كردووە بەتایبەت بۆ بینینی دیمەنە نوێیەكان كە بەفرە.

سەبارەت بە ئاماری هاتنی گەشتیارانی هەرێم لە رۆژانی بەفردا نادر ڕۆستی وتی: گەشتیارێكی زۆر هاتونەتە هەرێم، بەڵام ژمارەمان لەلا نییە كە بزانین گەشتیاران ڕێژەیان چەند بووە.

وتیشی: گۆڕانكاری بەسەر نرخدا نەهاتووە لە ناوچە گەشتیارییەكانی هەرێم بە شێوەیەكی گشتی، بەڵكو بەپێی شوێنە گەشتیارییەكان نرخ دەگۆڕێـت.

خەڵك-بەشی هەواڵ