سەردێر

هەولێر: بەرگدروویەك دەستگیركرا

لەژووری خۆگۆڕینی خانمان كامێرای داناوە

 

هێزەكانی پۆلیسی پارێزگای هەولێر بەرگدروویەكیان دەستگیركرد كە لەژووری خۆگۆڕینی خانمان كامێرای داناوە.

هۆگر عەزیز وتەبێژی پۆلیسی پارێزگای هەولێر بە (خەڵك) ی ڕاگەیاند، ڕۆژی پێنج شەممە بەرگدروویەکیان لەیەكێك لەگەڕەكان دەستگیركردوە بەهۆی ئەوەی كامێرای لە ژوری خۆگۆڕین داناوە و ڤیدیۆی كچێكی تۆماركردوە كە خۆی گۆڕیوە و جلوبەرگی تاقیكردوەتەوە.

وتیشی، هێزەكانی ئێمە لەلایەن كچێكەوە كە خەڵكی رۆژئاوای كوردستانە و تەمەنی نزیكەی 38 ساڵە ئاگاداركراینەوە لەبوونی كامێرا لەژوری خۆگۆڕین‌ لەئێستاشدا ئەو بەرگدرووە بەپێی ماددەی 402 لەیاسای سزادانی عێراقی دەستگیركراوە و لێكۆڵینەوەی لەگەڵدا ئەنجامدەدرێت.

هۆگر عەزیز وتیشی، تۆمەتبارەكە لەكاتی لێكۆڵینەوەدا باسی لەوەكردووە ئەو‌ كچەی زۆر پێ جوان بووە بۆیە ویستویەتی ڤیدیۆی تۆماربكات لەكاتی خۆگۆڕیندا.