سەردێر

پۆلیس، دوو كەسی دەستگیر كرد

بەڕێوەبەرایەتی پۆلیسى پارێزگای سلێمانی ڕایدەگەیەنێت، دوو تۆمەتبار دەستگیركران .

بەڕێوەبەرایەتی پۆلیسى پارێزگای سلێمانی لە ڕاگەیەنراوێكدا ئاماژە بۆ ئەوە دەكات، مەفرەزەكانی بەشی پۆلیسی نەهێشتنی تاوانی سلێمانی دوو تۆمەتباریان دەستگیركرد كە لە ڕێگەی فێڵەوە پارەیان لە هاووڵاتیەك وەرگرتبوو دواتر هەڵاتبوون.
ئاشكراشیكرد، شەوی ١٩-١-٢٠٢١ لە شەقامی بازنەیی مەلیك مەحمود دوو تۆمەتبار كەڕێكەوتبوون لەگەڵ هاووڵاتیەك كەلوپەلی پێبفرۆشن دوای ئەوەی كە دەگەنە لای هاووڵاتیەكە پارەكەی لێوەردەگرن و پەمپی بیبەر دەكەن بەدەموچاویداو هەڵدێن، دوای ئاگاداركرنەوەی پۆلیس، مەفرەزەكانی بەشی پۆلیسی نەهێشتنی تاوان لێكۆڵینەوەكانیان دەستپێكرد و توانیان هەردوو تۆمەتبارەكە دەستگیر بكەن و دەستیش بگرن بەسەر ماتۆڕسكیلێكدا كە بە تۆمەتباران بووە.

ڕ,ونیشیكردەوە، لە ئێستادا هەردوو تۆمەتبار ( چ. خ. م ) لەدایكبوی ٢٠٠٠ و ( د. ا. خ ) لەدایكبوی ١٩٩٨ بەبڕیای بەڕێز دادوەر ڕاگیراون و لێكۆڵینەوە لەگەڵیاندا بەردەوامە.

خەڵك-بەشی هەواڵ