سەردێر

لە ڕۆژەكانی كۆتاییدا، میلانیا پڕۆتۆكۆڵی پێشێل كرد

خەڵك-بەشی هەواڵ

 

میلانیا تڕەمپ خانمی یەكەمی پێشووی ئەمریكا لە كۆتا ڕۆژەكانی خانمیەكەیدا كارێكی دیكەی ئەنجام نەدا و پڕۆتۆكۆڵی وڵاتەكەی پێشێل كرد.

كەناڵی (سی ئێن ئێن) بڵاویكردەوە، میلانیا تڕەمپ، هاوسەری دۆناڵد تڕەمپی سەرۆكی پێشووی ئەمریكا سوپاس و دەستخۆشی لە كارمەندانی كۆشكی سپی نەكرد بۆ ئەو ئەركانەی كێشاویانە لە چوار ساڵی ڕابردوودا.

هاوشێوەی خولەكانی ڕابردوو، خانمی یەكەمی ئەمریكا پێویستە لەبەرانبەر ئەو كار و ئەركانەی، كە كارمەندانی كۆشكی سپی ئەنجامیانداوە بەتایبەت ئەو كەسانەی، كە بەتایبەتی ئەركیان كێشاوە و دەیانناسن سوپاسیان بكات و نامەی تایبەتیان پێشكەش بكات، بەپێی سەرچاوەكانیش دەوترێت ئەو نامانەی بە كارمەندانی كۆشكی سپی دەبەخشرێت گرانقەدرن، بەڵام بۆ ئەمساڵ میلانیا ئەو نامانەی نەنوسیبوو.

نزیكەی 80 كارمەندی كۆشكەكە ئاشكرایانكرد، میلانیا خۆی نامەكەی واژۆ كردووە، بەڵام لە ڕاستیدا میلانیا داوای لە كەسێك كردبوو، كە نامەكان و واژۆكەی بەشێوەیەك بێت، كە وابزانرێت خۆی واژۆی كردووە و نووسیوێتی.

هاوكات وەك نەریتێكی گۆڕانكاری لە دەسەڵاتی ئەو وڵاتەدا، پێویستە خانمی پێشووی ئەمریكا داوەتنامە ئاڕاستەی خانمی نوێ بكات، بەڵام میلانیا ئەو كارەی نەكرد، ئەمەش لەكاتێكدایە نەریتێكی 70 ساڵایە و لەو وڵاتە ئەنجام دەدرێت.