سەردێر

هەپەگە؛ 6 سەربازی سوپای توركیا كوژران

هێزەكانی پاراستنی گەل ڕایدەگەیەنێت، هێزەكانیان لە هەرێمی گەریانی ناوچەی شەمزینانی جۆلەمێرگ لەدژی خاڵی پشكنینی بارەگای نەوا چالاكییەكی سەركەوتوانەی ئەنجامدا و 6 سەربازی سوپای توركیا كوژران .

خەڵك- بەشی هەواڵ

هێزەكانی پاراستنی گەل ڕایدەگەیەنێت، هێزەكانیان لە هەرێمی گەریانی ناوچەی شەمزینانی جۆلەمێرگ لەدژی خاڵی پشكنینی بارەگای نەوا چالاكییەكی سەركەوتوانەی ئەنجامدا و 6 سەربازی سوپای توركیا كوژران .

ناوەندی راگەیاندن و چاپەمەنی هێزەكانی پاراستنی گەل هەپەگە لە ڕاگەیەنراوێكدا بڵاویكردەوە، لە چوارچێوەی هەنگاوی ‘كاتی ئازادی’یە هێزەكانیان لە ١٩ی كانونی دووەم لە كاتژمێر 8 دا لە هەرێمی گەریانی ناوچەی شەمزینانی جۆلەمێرگ لەدژی خاڵی پشكنینی بارەگای نەوا چالاكیەكی سەركەوتوانەی ئەنجامدا.

ئاماژەبۆ ئەوەشكراوە، هێزەكانیان دوای ئەوەی بۆ ماوەیەك چاودێری بارەگای نەوایان كرد و بۆیان دەركەوت، كە سوپا بە ڕۆژ دەچنە خاڵی پشكنین و بە شەویش دەگەڕێنەوە، تەقەمەنیان لە سەنگەری داگیركەران جێگیر كرد ، دواتر ٦ داگیركەر لە سەنگەرەكە جێگیر بوون ، گەریلا ئەو تەقەمەنیەیان بە شێوەیەكی سەركەوتوانە تەقاندەوە، كە لەناو سەنگەرەكەدا جێگیركرابوو و ٦ سەربازی سوپا كوژران.

دوای تەقەینەوەكە، بەدەیان ئۆتۆمبێڵی مەدەنی و سەربازی چوونە شوێنی رووداوەكە و كوژراوەكانیان لەهەرێمەكە دوورخستەوە و دەستیان بە ئۆپەراسیۆن كرد، ئۆپەراسیۆنەكە لە كاتژمێر 4 هەمان ڕۆژ بێ ئەنجام كۆتایی هات.