سەردێر

لە حاجی ئۆمەران 40 سم بەفر باری

خەڵك-بەشی هەواڵ

 

بەڕێوەبەری شارەدێی حاجی ئۆمەران ڕایدەگەیەنێت، هاتوچۆی شۆفێران هیچ كێشەیەكی نییە و ڕێگاكان لە بەفر پاك كراونەتەوە.

عەبدولوەهاب مەحمود بەڕێوەبەری شارەدێی حاجی ئۆمەران بە (خەڵك)ی ڕاگەیاند، لە شەو و ڕۆژی ڕابردوودا بەفرێكی زۆر باریوە، بەشێوەیەك نزیكەی 40 سانتیمەتر و لە هەندێك ناوچەش زیاتر لەو ڕێژەیە بەفر باریوە.

وتیشی”هاتوچۆی شۆفێران و بەتایبەت خاڵی سنووری حاجی ئۆمەران ئاساییە، هەرچەندە بابەتی بەستنی ڕێگا و سەرما و سۆڵە هەیە، بەڵام ڕێگاكان لە بەفر داماڵراون”.

كەشناسی هەرێم پێشتر ئاشكرایكرد، شەپۆلی بەفر و باران بارین هەرێمی كوردستان دەگرێتەوە و پێشبینیش دەكرێت شەپۆلەكە تاكو سبەینێ بەردەوام بن.