سەردێر

ئەمریكا، كەتیبەكانی حزبوڵڵای لە عێراق بۆردومان كرد

خەڵك-بەشی هەواڵ

 

شەوی ڕابردوو هێزەكانی ئەمریكا هێرشیان كردووەتەسەر كەتائیبی حزبوڵڵا و بەهۆیەوە زیاتر لە حەوت كەس كوژراون

ماڵپەڕی الحرە بڵاویكردەوە، سەرچاوەیەكی ئەمنی ئاشكرایكردووە، هێزەكانی ئەمریكا لە چەند بۆردومانێكدا هێزەكانی سەر بە كەتائیبی حزبوڵڵایان كردووەتە ئامانج.

ئاشكراشیكرد، بەهۆی بۆردومانەكەوە نزیكەی 7 كەس كوژراون و زیاتر لە 10 كەسی دیكەش برینداربوون.

لای خۆشیەوە بێل ئۆربان وتەبێژی فەرماندەی ناوەندی هێزەكانی ئەمریكا ڕایگەیاند، هیچ بۆردومانێكمان لە عێراق ئەنجام نەداوە.

وتیشی”سەرجەم ئەو زانیاریانەی باس لە بۆردومانی ئەمریكا بۆسەر هێزەكانی عێراق دەكەن دورن لە ڕاستییەوە”.