سەردێر

ئەندەنوسیا.. 96 كەس مردن

خەڵك- بەشی هەواڵ

ژمارەی مردووان بەهۆی بومەلەرزە و تسۆنامی و لافاو لە ئەندەنوسیا بۆ نزیكەی 96 كەس بەرزبووەوە لەنێوەڕاستی وڵات.

هاوكات نزیكەی 70 هەزار ئاوارەبوون و ماڵوحاڵی خۆیان بەجێهێشتووە بەپێی راپۆرتی ئاژانسی نیشتمانی ئیدارەی كارەساتەكان لە ئەمڕۆ دوو شەممە.

ئاژانسی نیشتمانی ئیدارەی كارەساتەكان رایگەیاند 81 كەس گیانیان لەدەست دا بەهۆی بوومەلەرزەیەك كە گوڕەكەی 6.2 پلەی رێختەر و لەگەڵ بومەلەرزەیەكی دیكە بە گوڕی 5.9 پلەی رێختەر لە خۆرئاوای دورگەی سولەوێسی لە رۆژی هەینی.

هاوكات بەهۆی لافاو 15 كەسی دیكە گیانیان لەدەست دا لە باشوری كالیمانتان لە 14ی ئەم مانگەوە بە گوتەی رادیتی جاتی وتەبێژی ئاژانسی نیشتمانی كارەساتەكان.

دەشڵێت: بەهۆی بوومەلەرزەوە 28 هەزار كەس ئاوارەبوون و چوونە خێوەتەكانەوە لە رۆژئاوای هەرێمی سولەوێسی.

راشیگەیاند 40 هەزار كەسی دیكەش بەهۆی لافاو لە باشوری كالیمانتان ئاوارەبوون و خێوەتیان بۆ دابینكراوە.

ژمارەیەك ماڵ زیانیان بەركەوتووە بەهۆی بوومەلەرزەوە كە 1.150 خانووە، لەگەڵ 5 قوتابخانە لەوێ وێران بوون.

هاوكات لە باشوری كالیمانتان بەهۆی لافاوەوە نزیكەی 25 هەزار ماڵ و خانوو ژێر ئاو كەوتوون.
سەرچاوە/ Xinhua



هەلبژاردە

گرنگترینەکان