سەردێر

بەفر دەبارێت

خەڵك-بەشی هەواڵ

وتەبێژی بەڕێوەبەرایەتی كەشناسی و بومەلەرزەزانی سلێمانی دەڵێت، لەئەنجامی ئەو بارستە هەوایەی ڕووی لە ناوچەكە كردووە، پێدەچێت لە پارێزگاكانی سلێمانی و هەڵەبجەو دهۆك بەفر ببارێت.

ئاسۆ كەمال، وتەبێژی بەڕێوەبەرایەتی كەشناسی سلێمانی بە (خەڵك) ی ڕاگەیاند، كەش و هەوا تا ڕادەیەكی زۆر ناجێگیر دەبێت بەهۆی كاریگەری ئەو نزمە پاڵەپەستۆیەی لەسەر ناوچەكە هەیە و شەپۆلێكی باران بارین ناوچەكانی هەرێم دەگرێتەوە و ئەگەری بەفر بارینیش هەیە لە ناوچە شاخاوییەكان.

وتیشی: لەئەمڕۆ و سبەی پێدەچێت بەهۆی هاتنی بارستەهەوایەك باران بارین بەشێوەی بچڕ بچڕ هەبێت و خێرایی باش چالاك بێت و
ئەگەرهەیە لە هەندێك لەو ناوچانەی دەكەونە شوێنە بەرزەكانەوە بەفربارین هەبێت وەك پارێزگای سلێمانی و هەڵەبجە و دهۆك.

ئاماژەی بەوەشكرد، ئەم دۆخە ناجێگیرەی كەش و هەوا هەتا ڕۆژی هەینی بەردەوامی دەبێت، بەڵام پلەكانی گەرما هەر بە نزمی دەمێننەوە.