سەردێر

ئاكار گەیشتە بەغدا

خەڵك- بەشی هەواڵ

وەزیری بەرگری توركیا بەسەردانێك گەیشتە بەغدا.

وەزیری بەرگری توركیا خولوسی ئاكار نیوەڕۆی ئەمڕۆ دوو شەممە گەیشتە بەغدای پایتەختی عێراق.

بڕیارە وەزیری بەرگری توركیا لەگەڵ هاوتا عێراقییەكەی و بەرپرسانی دیكەی بەغدادا كۆبوونەوە و گفتووگۆ لەسەر چەند پرسێك بكەن.

سەردانەكەی خولوسی ئاكار لە دوای سەردانەكەی كۆتایی ساڵی رابردووی مستەفا كازمیی سەرۆك وەزیرانی عێراقە بۆ ئەنقەرە و چەند رێككەوتنێك لەنێوان هەردوولایەندا.

بەپێی زانیارییە رۆژنامەوانییەكان كە لە كاتی سەردانەكەدا بڵاوكراونەتەوە، هەردوو حكومەتی عێراق و توركیا لەسەر دروستكردنی فشاری زیاتر لەسەر پەكەكە رێككەوتوون لە هەرێمی كوردستان بەتایبەت لە ناوچەی شنگال.

یەكێكی دیكە لە رێككەوتنەكانی نێوان بەغدا و ئەنقەرە هەڵگرتنی ڤیزایە بۆ هاووڵاتیانی هەردوو وڵات لەكاتی سەردانكردندا بە زیندووكردنەوەی رێككەوتنێكی ساڵی 2009 كە بەهۆی هێرشەكانی داعشەوە راگیرابوو.