سەردێر

ئیسرائیل غەزەی بۆردومانكرد

خەڵك- بەشی هەواڵ

بەرەبەیانی ئەمڕۆ دوو شەممە فڕۆكە جەنگییەكانی ئیسرائیل چەند ئامانجێكیان لە كەرتی غەزەی فەڵەستین بۆردومان كرد.

بەپێی ئاژانسەكانی هەواڵ، هێرشی ئاسمانی فڕۆكە جەنگییەكانی ئیسرائیل لە وەڵامی هێرشی مووشەكی گروپە چەكدارە فەڵەستینییەكان بووە لە كەرتی غەزەوە بۆ سەر ناوچەكانی ئیسرائیل.

فڕۆكە جەنگییەكانی ئیسرائیل لە هێرشەكەی بەرەبەیانی ئەمڕۆ چەند بنكە و بارەگایەكی بزوتنەوەی حەماسیان لە كەرتی غەزە بە ئامانج گرتووە.

ئەفیخای ئەدرەعی وتەبێژی سوپای ئیسرائیل لە هەژماری خۆی لە فەیسبوك رایگەیاند، تونێل لە غەزە كراوەتە ئامانج كە گروپی حەماس هەڵیكەندووە.

رونیشیكردەوە هێرشەكە لە وەڵامی هێرشی مووشەكی بووە لە باكوری كەرتی غەزەوە بۆ سەر ناوچەكانی نزیك ئەشدود.

بەپێی هەواڵی ئاژانسی ئەنادۆڵۆ، فڕۆكەجەنگی و فڕۆكە بێفڕۆكەوانەكانی ئیسرائیل چەند ئامانجێكیان لە رەفەح و خان یونس كردووەتە ئامانج و زیانی گیانی نەبووە.
سەرچاوە/anews