سەردێر

(خەڵك) شوێن و وادەی ئەنجامدانی كۆنگرەی كۆمەڵ ئاشكرا دەكات

خەڵك-بەشی هەواڵ

سەرۆكی لیژنەی باڵای ئامادەكاری كۆنگرەی چوارەمی كۆمەڵی ئیسلامی ڕایدەگەیەنێت، بڕیارە لە شاری سلێمانی كۆنگرەی چوارەمی كۆمەڵ ببەستین.

هاوژین عومەر، سەرۆكی لیژنەی باڵای ئامادەكاری كۆنگرەی چوارەمی كۆمەڵی ئیسلامی بە (خەڵك)ی ڕاگەیاند، ئامادەكارییەكان قۆناغ بە قۆناغە ئەنجام دراون و ئامادەكارییەكانمان دابەش كردووە.

وتیشی”وەكو لیژنەی باڵای كۆنگرە 10 ڕۆژی كۆتایی مانگی داهاتوومان پێشنیار كردووە بۆ سەركردایەتی كۆمەڵ، كە دەتوانین كۆنگرە ئەنجام بدەین بە مەرجێك ڕێگرییەك نەبێت وەكو باری تەندروستی خراپ، كە ئەو دۆخەش ساڵی ڕابردوو هاتەپێشەوە”.
ئاشكراشیكرد، ڕۆژەكەمان دیاری نەكردووە، ئەویش لەبەرئەوەی كۆمەڵێك بابەت بڕیار دەدات، لەوانە سەدان ئەندامان بەشداری كۆنگرە دەكات و بەهۆی ئەوەی زۆربەیان دەوامیان هەیە و فەرمانبەرن دەبێت ئەو ڕۆژانەی هەفتە هەڵبژێرین كە گرفتمان بۆ دروست نابێت و دەرفەتیان هەبێت بەشداری بكەن، لەبەر ئەوەی نزیكەی 10 ڕۆژمان داناوە كە دوو بۆ سێ ڕۆژیان دیاری بكەین و كۆنگرەكەی تێدا ئەنجامی بدەین.

سەبارەت بە شوێنی ئەنجامدانی كۆنگرەكە، ناوبراو ڕایگەیاند، تاكو ئێستا بڕیاروایە، كۆمەڵی ئیسلامی كۆنگرەی چوارەمی خۆی لە شاری سلێمانی ئەنجام بدات.