سەردێر

بە ڤیدیۆ؛ كازمی ڕاستەوخۆ تەلەفۆن بۆ بەڕێوەبەری خوێندنگەیەك دەكات

خەڵك- بەشی هەواڵ
لەسەر چوونەناوەوەی هێزێكی ئەمنی بۆ ناو بینای خوێندنگەیەك، سەرۆك وەزیرانی عیراق ڕاستەوخۆ پەیوەندی بە بەڕێوەبەری خوێندنگەكەوە دەكات و سوپاسی دەكات.

مستەفا كازمی، سەرۆك وەزیران و فەرماندەی گشتی هێزە چەكدارەكانی عیراق بە تەلەفۆنی تایبەتی خۆی پەیوەندی بە بەڕێوەبەری ئامادەیی ناوەندی لە ناسڕیەوە دەكات بەهۆی ئەوەی هێزێكی ئەمنی هەڵی كوتاوەتە سەر خوێندنگەكە و ئازاری خوێندكارانی داوە.

كازمی بە بەڕێوەبەری خوێندنگەكە دەڵێت: “ئەو هەڵسوكەوتەی ئەو هێزە ئەمنییە گوزارشت لە هەموو دامەزراوەی ئەمنی وڵات ناكات و ئەوە هەڵسوكەوتێكی نەشیاو و لادەرانەیە لە یاسا”.

دەشڵێت: “پێویستە دان بەخۆتاندادا بگرن تا دۆخی ولات دەچێتە سەر ڕێچكەی ئاسایی خۆی و لاوان پێویستە داواكارییەكانیان بەشێوەی ئاشتیانە پێشكەش بكەن، چونكە دەزانین خزمەتگوزاریە بنچینەییەكان دابین نەكراون و كەموكوڕی زۆرە، بەتایبەت لەم دۆخەدا، كە وڵاتی پێدا تێپەڕدەبێت”.

كازمی دووبارە سوپاسی بەڕێوەبەری ئەو خوێندنگەیە دەكات لەسەر هەڵوێستەكانی و ئەرك و ماندووبوونەكانی.