سەردێر

(خەڵك) تەوەرەكانی كۆبوونەوەكەی ئەمڕۆی ئەنجومەنی وەزیرانی هەرێم ئاشكرا دەكات

خەڵك-بەشی هەواڵ

بڕیارە ئەمڕۆ ئەنجومەنی وەزیران بۆ تاووتوێكردنی چەند مژارێك كۆببێتەوە.
فەرمانگەی میدیا و زانیاری حكومەتی هەرێم بڵاویكردووەتەوە، ئەمڕۆ ئەنجوومەنی وەزیران بە سەرپەرشتیی مەسرور بارزانی سەرۆكی ئەنجومەنی وەزیران هەرێم كۆدەبێتەوە.

بەپێی ڕاگەیەنراوەكەی فەرمانگەكە، ئەنجومەنی وەزیران دەرەنجامی كۆبوونەوەی ئەنجومەنی ئابووری سەبارەت بە پێشنووسی پڕۆژە یاسای بودجەی هەرێمی كوردستان بۆ ساڵی 2021 و پرسی ڕێكخستنەوەی ئەو خزمەگوزارییانەی كە لە دەروازە سنوورییەكانی لە لایەن كەرتی تایبەتەوە پێشكەش دەكرێن تاوتوێ دەكات.

هاوكات ئەنجومەنی وەزیران ڕاپۆرتی بە هەڵمەتی بەرەنگاربوونەوەی پەتای كۆرۆنا و چۆنێتی دەستپێكردنەوەی پڕۆسەی خوێندن گفتوگۆدەكات و بڕیاری پێویست لەو بارەوە دەدرێت.