سەردێر

ترەمپ: سازش ناكەین و دان بە دۆڕاندا نانێین

خەڵك- بەشی هەواڵ
سەرۆكی ئەمریكا ئاماژە بە ساختەكاریی بێ‌ پێشینە دەكات لە هەڵبژاردەكانی ئەم دواییەی وڵاتەكەی و دەڵێت،”نامانەوێت بردنەوەیەكی هەڵبژاردن ببینین كە لەلایەن دیموكراتەكان بدزرێت، بۆیە سازش ناكەین و دان بە دۆڕاندا نانێن”.

دۆناڵد ترەمپ سەرۆكی ئەمریكا لەبەردەم لایەنگرانی لە نزیك كۆشكی سپی لە واشنتۆن ڕاگەیاند” هەڵبژاردنەكان ساختەكارییەكی بێ‌ پێشینەی تێدا كرا”.

بە وتەی سەرۆكی ئەمریكا”سازش ناكەن و دان بە دۆڕاندا نانێن، بردنەوەیەكی گەورەیان لە هەڵبژاردنەكاندا بەدەستهێنا و ئەنجامەكانیش لەیەكترەوە نزیك نەبوون”.

ترەمپ پێیوایە” 75 ملیۆن دەنگی لە هەڵبژاردنەكەدا بەدەستهێناوە، بەڵام لەگەڵ ئەوەشدا دەڵێن تۆ براوە نیت، بۆیە ڕێگە بە بێدەنگ كردنی لایەنگارانی نادات و ئەمە قبوڵ ناكات و كەسیش لەو بڕوایەدا نییە بایدن 80 ملیۆن دەنگی هێنابێت”.

ترەمپ دەڵێت، هیواخوازە مایك پێنس كارێكی دروست بكات و گەر ئەوە بكات، هەڵبژاردنەكان دەبەنەوە”، بە پێویستیشی دەزانێت پێنس پارێزگاریی لە دەستور بكات و داوا بكات چاو بە ئەنجامی هەڵبژاردنەكاندا بخشێنرێتەوە لە ویلایەتەكان.