سەردێر

گۆڕان دەنگ بە كاندیدەكەی پارتی دەدات

خەڵك-بەشی هەواڵ

سەرۆكی فراكسیۆنی گۆڕان ڕایدەگەیەنێت، بە سەرجەم ئەندامانی فراكسیۆنەكەمان ڕاگەیەنراوە كە دەنگ بە كاندید وەزارەتی سامانە سروشتییەكان بدەن.

گوڵستان سەعید سەرۆكی فراكسیۆنی گۆڕان لە كۆنفڕانسێكی ڕۆژنامەوانیدا ڕایگەیاند، دوێنێ لەگەڵ فراكسیۆنی زۆرینەی پەڕلەمانی كوردستان كۆبووینەوە، لەسەر چەندین بابەت ڕێككەوتین كە دیارترینیان ئەوە بوو كە پێویستە لەم خولەی پەڕلەماندا دەستوور تێپەڕێنین، پێویستە پەڕلەمان كاراتر بكەینەوە و چالاكتر بێت و كۆی فراكسیۆنەكان بەشداری بكەن لە دانانی بەرنامەی كاردا.

وتیشی”لە سەرەتای دەستبەكاربوونی حكومەتی هەرێم و وەزارەتی سامانە سروشتییەكان بێ وەزیر بووەو داوامان كردووە گۆڕانكاری لە جۆری وەزیرەكە بكرێت، ئەم كاندیدەی ئێستاش خاوەنی ئەزموونە و بڕوانامەی لە بوارەكەی خۆیدا، بە گرنگی دەزانین گۆڕانكاری بكرێت”.
ئاشكراشیكرد، لەسەر گەندەڵیەكانی دۆسیەی نەوت و گرێبەستەكان بە گرنگی دەزانین ئەم وەزیرە چاكسازی بكات لە بواری نەوت و دۆسیەی نەوت بخاتەسەر ئاڕاستەی تەواوی خۆی.

سەبارەت بە دەنگدانیان بە وەزیرەكە، ئاشكرایكرد، هەموومان ئاگادار كراوینەتەوە كە دەنگ بە كاندیدەكە بدەن، هەركەسیش پابەند نەبێت واتە پابەند نابێت بە بزووتنەوەی گۆڕان و ئەو ڕێكەوتنەی لەنێوان گۆڕان و پارتیدا هەیە.