سەردێر

قەدەغەی هاتووچۆ و كەرەنتینە لە هەموو بەریتانیا ڕاگەیەنرا

خەڵك- بەشی هەواڵ
سەرۆك وەزیرانی بەریتانیا بڕیاریدا بە سەپاندنەوەی كەرەنتینە و قەدەغەی هاتووچۆ لە هەموو ناوچەكانی وڵاتدا تاوەكو ناوەڕاستی مانگی داهاتوو.

بەپێی هەواڵێكی (RT)ی ڕوسی، بۆریس جۆنسن، سەرۆك وەزیرانی بەریتانیا بە مەبەستی كۆنتڕۆڵ كردنی ڤایرۆسی كۆرۆنا گەشتەكەی بۆ وڵاتی هیندستان هەڵوەشاندۆتەوە و بە هاوتا هیندییەكەی (ناریندار مودی) ڕاگەیاندووە، كە ناتوانێت سەردانی ئەو وڵاتە بكات و گەشتەكەی دەخاتە كاتێكی ترەوە.

هاوكات ئاژانسی (فرانس24) بڵاویكردەوە، بۆریس جۆنسن بڕیاریدا بە پەیڕەوكردنی كەرەنتینە و سەپاندنەوەی قەدەغەی هاتووچۆ لە تەواوی ناوچەكانی بەریتانیا بۆ ماوەی مانگ و نیوێك و تا ناوەڕاستی مانگی شوبات.

سەرۆك وەزیرانی بەریتانیا ڕاشیگەیاندووە، دەرگای سەرجەم ناوەندەكانی خوێندن تا ناوەڕاستی مانگی داهاتوو دادەخەن ئەوەش لەپێناو كۆنتڕۆڵ كردنی ڤایرۆسەكە و ئەگەر ئەو كاتە دۆخەكە ڕێگەیدا ڕێكارەكان هەڵدەپەسێرن و بڕیاری نوێ‌ دەدەن.