ئامادەکاری بۆ هەڵبژاردنە پێشوەختەکەی عیراق دەکرێت - تۆڕی میدیایی خەڵک

سەردێر

خەڵک- چوارچێوەی هەماهەنگی شیعەکان داوا لە لایەنە کوردییەکان دەکات لەسەر یەک کاندیدی سەرۆککۆمار رێکبکەون و یەکلایی بکەنەوە. ئەمڕۆ دووشەممە، چوارچێوەی هەماهەنگی کۆبووەوە و لە دوای کۆبوونەوەکەش ڕاگەیەندراوێکی بڵاوکردەوە و رایگەیاند، پێشوازی لە داوای پەرلەمان بۆ دەستپێکردنەوەی دانیشتنەکان و گەڕانەوەی ژیان بۆ دامەزراوە دەستوورییەکان دەکەین. لە راگەیەندراوەکەدا هاتووە کە ئەوان ئامادەن بۆ هەڵبژاردنی پێشوەختە، بەڵام دوای پێکهێنانی حکومەت بە تەواوی دەسەڵاتەکانەوە، پەسەندکردنی بودجەی فیدراڵی، هەموارکردنەوەی یاسای هەڵبژاردن و ڕێکخستنی کۆمیسیۆنی باڵای سەربەخۆی هەڵبژاردنەکان و داواش لە لایەنە کوردییەکان دەکات کاندیدی خۆیان بۆ سەرۆکایەتی کۆمار یەکلایی بکەنەوە. لە راگەیەندراوەکەدا چوارچێوەی هەماهەنگی ئاماژەی بەوەکردووە کە پێشوازی لە بەشداری لایەنەکان دەکات لە گفتوگۆی پێکهێنانی حکومەتدا بە تایبەت رەوتی سەدر.
خەڵک- وه‌زاره‌تی ته‌ندروستی حكومه‌تی هه‌رێمی كوردستان، وه‌رگرتنی ژه‌می چواره‌می پاڵپشتیكاری ڤاكسینی كۆڕۆنای راگه‌یاند. ئه‌مڕۆ دووشه‌ممه‌ ٢٦-٩-٢٠٢٢، وه‌زاره‌تی ته‌ندروستی حكومه‌تی هه‌رێمی كوردستان بڵاویکردووەتەوە، لەپێناو بەرژەوەندی و تەندروستی گشتی هاووڵاتیاندا، بڕیاردراوه‌ وه‌رگرتنی ڤاكسین بۆ منداڵانی سه‌رو پێنج ساڵ زیادبكرێت. وەزارەتی تەندروستی دەشڵێت:"وه‌رگرتنی ژه‌می چواره‌می پاڵپشتیكاری ڤاكسینی كۆڕۆنای به‌ خوازیاری بۆ ئه‌و هاووڵاتیانه‌ی دابینبكات كه‌ ده‌یانه‌وێت وه‌ریبگرن".
خەڵك- محەمەد حەلبوسی سەرۆكی پەرلەمانی عیراق، لێدوانێكی مەترسیدار لەبارەی مووچەی فەرمانبەرانەوە دەدات. حەلبوسی لە میانی بەشداریی لە دیاری دیالۆگی ڕافیدەین ڕایگەیاند"خەرجكردنی مووچەی فەرمانبەرانی حكومەتی ئێستا، نایاسایی دەبێت لەدوای تەواوبوونی ئەمساڵ". بە وتەی حەلبوسی"هیچ دەرچەیەكی یاسایی نییە بۆ خەرجكردنی مووچەی فەرمانبەران، جگە لە سەرپێچی لەپێناو كۆتایی هێنان بەم تەنگژەیە". وێڕای تێپەڕینی نزیكەی ساڵێك بەسەر هەڵبژاردنی پێشوەختەی تشرینی یەكەمی 2021، بەهۆی ڕێنەكەوتنی لایەنە سیاسییەكان و چەقبەستنی سیاسی، هێشتا حكومەت پێكهەنهێنراوە و ناكۆكيیە سیاسییەكانیش تائێستا نیشانە هەرە دەركەوتووكەی نێو گۆڕەپانی عیراقین.
خەڵك سەرۆكی ئەنجوومەنی پارێزگای سلێمانی ڕایدەگەیەنێت، سەبارەت بە كامێراكانی تیژڕەویی سێ بڕیاریان دەركردووە، یەكێكیان ڕووبەرووی پەرلەمانی كوردستانیان كردۆتەوە، دەشڵێت: "ئەوان دژی دانانی كامێرای چاودێری نین، بەڵام دانانی كامێرای چاودێرین بەو سیستەمە و بەو شێوە گرێبەستەی كراوە". ئازاد محەمەد ئەمین، سەرۆكی ئەنوجومەنی پارێزگای سلێمانی لە كۆنگرەیەكی ڕۆژنامەنووسیدا كە پەیامنێری (خەڵك) ئامادەبوو ڕایگەیاند، تا ئێستا سێ بڕیاریان سەبارەت بە كامێراكانی تیژڕەویی دەركردووە، یەكێكیان ڕووبەرووی پەرلەمانی كوردستان كراوە بۆ دەركردنی ڕێكاری یاسایی و دووەمیان بۆ داواكاری گشتی بۆئەوەی بەردەوام بن لەڕێكارە یاساییەكانی خۆیان، سێیەمیشیان بەپێی یاسای پارێزگاكان ڕووبەرووی پارێزگاری سلێمانییان كردۆتەوە. ڕاشیگەیاند، ئەنجومەنی پارێزگای سلێمانی دژی دانانی كامێرای چاودێری نین، بەڵام لەگەڵ دانانی كامێرای چاودێری بەو سیستەمە و بەو شێوە گرێبەستەی كراوە نین.
خەڵك- كۆمپانیای ئەپڵ ڕایدەگەیەنێت، مۆبایلی "ئایفۆن 14" لە بری چین لە هیندستان دروستدەكات. بەپێی بەیاننامەیەك كە ئەمڕۆ دوو شەممە لەلایەن كۆمپانیاكەوە بڵاوكرایەوە"پێكهاتەی ئایفۆن 14 تەكنیكی نوێ‌ و پێشەنگ پێشكەش دەكات، و توانایەكی بەرگەگرتنی گرنگی هەیە. ئێمە بەجۆشین بۆ دروستكردنی ئایفۆن 14 لە هیندستان". ئەپڵ لەم مانگەدا نوێترین ئایفۆنی ئاشكرا كرد كە ئایفۆنی 14یە. كۆپییە نوێیەكەی ئایفۆن كامێرای پەرەسەندووی لەگەڵدایە و پاترییەكەی بۆ ماوەیەكی زیاتر بەرگە دەگرێت و نرخەكەشی بە هەمان نرخی كۆپی پێشوو بوو. هیندستان لە دوای چین بە گەورەترین بازاڕی مۆبایلە زیرەكەكان دادەنرێت، بەڵام مۆبایلی ئەپڵ هەوڵیداوە دەست بەسەر گەورەترین پشكی بازاڕدا بگرێت لەبەرامبەر مۆبایلە زیرەكەكانی تر كە لەلایەن ڕكابەرەكانەوە بە هەرزانتر دەخرێنە بازاڕەوە.
خەڵك- ئامادەکاری بۆ دەستپێکردنی پڕۆژەی کارتی ئەلیکترۆنی بۆ ئەو کەسانەی، کە سیستمی پسووڵەی خۆراك دەیانگرێتەوە لە پارێزگای نەجەف دەستی پێكرد. وەزارەتی بازرگانی عێراق لە ڕاگەیەنراوێكدا ئاماژەی بەوەكردووە، بەشی پلاندانان و بەدواداچوون چاپكردنی كارتی بەشەخۆراكی ئەلیكترۆنی بۆ خێزانەكانی پارێزگای نەجەف تەواو كردووە، ئەمەش لە چوارچێوەی ئامادەكارییەكانی بۆ دەستپێكردنی دابەشكردنی كارتی بەشەخۆراكی بەسەر هاوڵاتیاندا لە ڕۆژی سێ شەممەی داهاتوودا. ئیبتهال هاشم، بەڕێوەبەری گشتی فەرمانگەی پلاندانان و بەدواداچوون ڕایگەیاندووە، كاری چاپ كردنی پسووڵەی خۆراكی ئەلیكترۆنی كۆتایی هاتووە و دەست بە دابەشكردنی دەكرێت بەسەر ئەو خێزانانەی زانیارییەكانیان وەرگریراوە و لەگەڵ ئەوەشدا سەبەتەی خۆراك و بەشە ئارد دابەش دەكرێت. ئاماژە بەوەشكراوە، وەزارەتەکە بە بەرنامەی خۆراکی جیهانی نەتەوە یەکگرتووەکان و لە ژێر چاودێری ئەمیندارێتی گشتی ئەنجومەنی وەزیران و لە رێگەی بەشی پلاندانان و بەدواداچوونەوە دەستی بە پڕۆژەکە کردووە، کە تێیدا ژمارەیەک ناوەندی دابینکردن هەڵبژێردران لە ژمارەیەک پارێزگا بە مەبەستی جێبەجێکردنی. ئاشكراشی كردووە، کارکردن بەم کارتە بە ژمارەیەکی نهێنی (کۆد) بریتییە لە دانانی بەرنامەی خوێنەر لەسەر مۆبایلی بریکارەکان، کە بریکارەکە لەڕێگەی ئەم ئەپلیکەیشنەوە کارتەکە دەخوێنێتەوە و پشتڕاستی دەکاتەوە بە داخڵکردنی ژمارە نهێنیەکە، کە تێیدا بڕی شتەکان و ژمارەکە لە تاکەکان دەردەکەون بە مەبەستی ئامادەکردنی خێزانەکە و لە هەمان کاتدا ئاگادارکردنەوەیەک دەگاتە کۆمپیوتەری ناوەندی و ناوەندەکانی بەشەخۆراک دوای وەرگرتنی لەلایەن هاووڵاتییەوە.
خەڵك هێزەكانی پاراستنی گەل ڕایدەگەیەنێت، لە چالاكی هێزەكانی گەریلادا لەدژی هێرشی دەوڵەتی توركیا دوو سەربازی سوپای توركیا كوژران و ئاسپرۆتۆرێكی داگیركەرانیش لەناوبراوە. ناوەندی راگەیاندن و چاپەمەنی هێزەكانی پاراستنی گەل هەپەگە بڵاوكردەوە لە ئەنجامی چالاكی هێزەكایاندا 2 سەربازی سوپا كوژران و هەروەها ئاسپرۆتۆرێكی داگیركەرانیش لەناوبراوە كە بۆ ناردنی دوكەڵی ژەهراوی بۆ نێو سەنگەرەكانی شەڕ بەكاردەهێنرا. ئاماژە بۆ ئەوەشكراوە، كە سوپای توركیا ٦ جار بە بۆمبی قەدەغەكرا و چەكی كیمایی و گازی بیبەر و ١١ جار بە فڕكەی شەڕ و ٥٢ جار بە هەلیكۆپتەر و بە دەیان جار بە تۆپ و هاوەن هێرشی كردە سەر هەرێمەكانی بەرخۆدان. "لە چوارچێوەی هەنگاوی شۆڕشگێری بازەكانی زاگرۆس لە ناوچەی زاپ؛ بەیانی ٢٥ی ئەیلول لە ناوچەی سیدا بە چەكی قورس هێرش كرایە سەر داگیركەران. ڕۆژی ٢٥ی ئەیلول، كاتژمێر ١٠:٠٠ی سەرلەبەیانی، لە دەورووبەری سەنگەرەكانی شەڕی شەهید سەرخوەبوون لە چەمچۆ، چالاكییەك لە دژی داگیركەران ئەنجامدرا. لە ٢٥ی ئەیلول كاتژمێر ١٥:١٠ لە ناوچەی بەرخۆدانی چەمچۆ، تیمە گەڕۆكەكانی یەژا ستار كۆمەڵێك داگیركەریان خستە ژێر كۆنتڕۆڵەوە و دواتر بە چەكی قورس لێیاندا. لەم كارەدا داگیركەرێك سزا درا. رۆژی ٢٥ی ئەیلول لە ناوچەی سیدا چالاكی لە دژی ئەو داگیركەرانە ئەنجامدرا كە هەوڵیان دەدا ژەهر و گازی كیمیایی بنێرن بۆ سەنگەرەكانی شەڕ لە ناوچەی شەهید فەلات. لە ئەنجامی ئەم چالاكیەكەدا ئەو چەكە كیمیاییە و ئەو ئاسپیرەیتەرەی كە بۆ بۆردومانكردنی پێگەكانی جەنگ ئامادەكرابوو، لەناوچوون. لە ٢٥ی ئەیلول كاتژمێر ٢٠:٣٥ لە ناوچەی بەرخۆدانی ساجا تیمە گەڕۆكەكانمان رێگرییان لە كۆپتەرەكانی سكۆرسكی كرد كە دەیانویست هێزەكانیان لە گۆڕەپانەكە جێگیر بكەن. بەم دەستێوەردانە كۆپتەرەكان ناچار بوون بەبێ ئەوەی هێزەكانیان دابنێن، گۆڕەپانەكە بەجێبهێڵن. ڕۆژی ٢٥ی ئەیلول كاتژمێر ٢٢:٣٠ تیمە گەڕۆكەكانمان لە كۆپتەرە هێرشبەرەكانیاندا كە دەیانویست ناوچەی بەرخۆدانی كاركەر بۆردومان بكەن. دوای دەستێوەردانی هێزەكانمان، كۆپتەرەكان ناچار بوون بكشێنەوە. شەوی ٢٥ی ئەیلول لە ناوچەی چەمچۆ، تیمە گەڕۆكەكانمان هێرشیان كردە سەر ئەو كۆپتەرانەی سكۆرسكی كە دەیانویست هێزەكانیان لە ناوچەی شەهیدی چاكەكار جێگیر بكەن. بە دەستێوەردانی هێزەكانمان، كۆپتەرەكان ناچار بوون ناوچەكە بەجێبهێڵن. لە چوارچێوەی هەنگاوی شۆڕشگێری شەهید ساواش مەراش لە شەڕی خابور؛ لە ٢٥ی ئەیلول، كاتژمێر ٢:٠٥ی پاشنیوەڕۆ، تیمە گەڕۆكەكانمان لە ناوچەی بەرخۆدانی گردی ئامێدی داگیركەرانیان كردە ئامانج. لە ئەنجامدا داگیركەرێك سزا درا. لە ٢٥ی ئەیلولدا، كاتژمێر ١٦:٢٥ خولەك لە ناوچەی بەرخۆدانی گردی ئامێدی بە چەكی قورس هێرشیان كرایە سەر داگیركەران. هێرشەكانی سوپای داگیركەری تورك بە بۆمبی قەدەغەكراو و چەكی كیمیایی و غازی بیبەر؛ لە ٢٥ی ئەیلولدا سەنگەرەكانی شەڕ لە ناوچەی بەرخۆدانی گردی ئێف ئێم و سەننگەرەكانی شەڕ لە گردی شەهید ئاگر لە ناوچەی سیدا ٤ جار بە بۆمبی قەدەغەكراو و چەكی كیمیایی و غازی بیبەر بۆردومان كران. رۆژی ٢٥ی ئەیلول، لە كاتژمێر ١٤:٠٠ بۆ ١٥:٠٠، دوو جار سەنگەرەكانی شەڕر گردی شەهید باهۆز بە چەكی كیمیایی بۆردومان كران. هێرشەكانی سوپای داگیركەری تورك؛ لە ٢٤ی ئەیلولدا ١١ جار لە لایەن فڕۆكە جەنگییەكانەوە كێڵگەكانی گوندی گۆركێ لە گار، چارچەل و گوندی شالاز لە مەتینە و هەروەها ناوچەی بەرخۆدانی گردی هەكاری بۆردومان كران. لە ٢٥ی ئەیلولدا ناوچەكانی بەرخۆدانی چەمچۆ، كورۆژارۆ، ساجا، گردی هەكاری و گردی ئامێدی ٥٢ جار بە كۆپتەر بۆردومان كران. لە ٢٥ی ئەیلولدا ناوچەی بەرخۆدانی گردی هەكاری دەیان جار بە ئۆبۆس و هاوەن تۆپبارانكران. لە ٢٥ی ئەیلولدا فڕۆكەی بێفڕۆكەوان بەسەر ناوچەی بەرخۆدانی چەمچۆدا سوڕانەوە.
خەڵك بەڕێوەبەرایەتی ئاسایشی پارێزگای سلێمانی ڕایدەگەیەنێت، شكستیان بە پیلانێكی بازرگانیكردن بە ماددەی هۆشبەر هێنا و دوو بازرگانی ماددەی هۆشبەریان دەستگیركرد و لە دوو چالاكی جیادا دەستبەسەر بڕی 139 كگم ماددەی هۆشبەری جۆری كریستاڵدا گیرا. بەڕێوەبەرایەتی ئاسایشی پارێزگای سلێمانی بڵاویكردەوە، بەسەرپەرشتی دەزگای ئاسایشی هەرێم لە چوارچێوەی هەڵمەتی دەستگیركردنی بازرگانانی ماددە هۆشبەرەكان و ڕێگریكردن لە بڵاوبونەوەی هەر جۆرە ماددەیەكی هۆشبەر كە زیان بە ئابوری هەرێم دەگەیەنێت و كاریگەری خراپ لەسەر كۆمەڵگە دروست دەكات، هێزەكانیان لە دوو چالاكیدا دەستیان بەسەر بڕێكی زۆر ماددەی هۆشبەردا گرت . ڕاشیگەیاندووە، لە چالاكی یەكەمدا دوای لێكۆڵینەوەی وورد و بەدواداچوون و چاودێری كردن هێزەكانی ئاسایش بە فەرمانی دادوەر لە ڕۆژی (٢٠٢٢/٩/٩) دەست بەسەر بڕی ٢ كگم ماددەی ( كریستاڵ )دا گیرا و تۆمەتبارێكیش بەناوی ( ك ك ر ) دەستگیركرا، تۆمەتبار لە دایكبوی ١٩٧٦ ی شاری كەركوك ، ئۆتۆمۆبێلێكی جۆری ( لكزس ) ی لاندگرۆزی پێبووە، لەسەر ڕێگای ( سلێمانی-كەركوك ) دەستگیركراوە و بەپێ ی زانیاریەكان ئەو ماددانە لە دەرەوەی هەرێمی كوردستان هێنرابوون . هاوكات لە چالاكی دووەمدا هێزەكانی ئاسایش پاش لێكۆڵینەوە و كۆكردنەوەی زانیاری ورد، لە هەمان ڕۆژدا لەناو شاری سلێمانی لە ماڵێكدا دەستگیرا بەسەر بڕقی ( ١٣٧ ) كگم ماددەی ( كریستاڵ لە جۆری شل ) كە لەناو دەبە شاردرابۆوە تۆمەتباریكیش دەستگیر كرا بەڕەگەز كوردە و لەدایكبوی ١٩٩٤ی كەركوك بە ناوی ( ع د ع ) ، تۆمەتبارەكان بەنیازبوون لەشاری سلێمانیەوە كریستاڵەكە بگوازنەوە بۆ دەرەوەی هەرێمی كوردستان . لە ڕاگەیەنراوەكە داهاتووە، بە فەرمانی دادوەر بەپێ ی ماددەی ٢٥ لە یاسای بەرەنگاربونەوەی ماددە هۆشبەرەكان و كارتێكەرە ئەقڵیەكان ڕاگیراون و دەستبەسەر ( كریستاڵ )ەكەدا گیراوە.
خەڵك- عەلی فەتلاوی سەركردە لە هاوپەیمانی فەتح، شێوەی حكومەتی داهاتوو ئاشكرا دەكات كە "لەڕێی هاوپەیمانی ئیدارەی دەوڵەتەوە دەبێت بەسەركردایەتی چوارچێوەی هەماهەنگی". ئەمڕۆ دوو شەممە فەتلاوی لە لێدوانێكی ڕۆژنامەوانیدا ڕایگەیاند:"هاوپەیمانی ئیدارەی دەوڵەت ئەركی پێكهێنانی حكومەتی داهاتوو لەگەڵ مانەوەی محەمەد شیاع سودانی وەك كاندید بۆ سەرۆكایەتی وەزیران لەئەستۆدەگرێت و لە هەموو فراكسیۆنە سیاسییەكان پێكدێت، جگە لە فراكسیۆنی سەدری، چونكە لەئێستادا لەدەرەوەی پرۆسەی سیاسییە". بە وتەی فەتلاوی:"تائێستا هیچ شێوازێكی ڕاستەقینە بۆ لێكگەیشتن لەنێوان چوارچێوەی هەماهەنگی و ڕەوتی سەدر نییە، لەپێناو بەشداریكردنی لە حكومەتی داهاتوو، وێڕای هەموو ئەو دەستپێشخەریی و وتوێژانەی چوارچێوەی هەماهەنگی لەگەڵ فراكسیۆنی سەدری كردی، لە هەمان كاتدا هەموو هێزە سیاسییەكان بەدەنگ كۆتایی هێنان بە چەقبەستنی سیاسی ئێستاوە هاتن، بۆ هەنگاونان بەرەو پێكهێنانی حكومەتی داهاتوو كە گەل چاوەڕوانی لەدایكبوونی دەكات". ئەو سەركردەیەی هاوپەیمانی فەتح پێیوایە:"ڕەوشی سیاسی ئێستا بەرگەی مانەوەی زیاتر ناگرێت بەبێ‌ پێكهێنانی حكومەتی داهاتوو، بەهۆی زۆربوونی ئەو تەنگژانەی لە حكومەتی كاربەڕێكەری ئێستادا ڕویاندا". بە بۆچوونی چاودێران، ئەو هاوپەیمانییە نوێیە دەتوانێت بەپێی شایستە یاسایی و دەستورییەكان و بەدوور لە پەڕاوێزخستن یان دوورخستنەوەی هیچ لایەنێكی سیاسی كە بەشداریی لە پرۆسەكەدا دەكات، هەنگاو بەرەو پێكهێنانی حكومەتی داهاتوو هەڵبنێت.
خەڵك فەرماندەی هێزە دەریاییەكانی سەر بە سوپای پاسدارانى ئێران ڕایدەگەیەنێت ، كەشتییەكی جەنگی نوێیان دروستكردووە و بەناوی ئەبو مەهدی موهەندیس، و ساڵی داهاتوو دەستدەكەن بەدروستكردنی كەشتی "قاسم سولەیمانی". ڕەزا تەنكسیری، فەرماندەی هێزە دەریاییەكانی سەربە سوپای پاسداران میدیای فەرمی وڵاتەكەی ڕایگەیاند، هێزە دەریاییەكانیان ساڵی داهاتوو دەست دەكەن بە دروستكردنی كەشتی جەنگی پێشكەوتووە بەناوی قاسم سولەیمانی. ڕاشیگەیاندووە، كەشتییەكە ٦٠٠ تۆن و ١٦ موشەكی مەودا كورت و ٤ موشەكی دوورمەودا هەڵدەگرێت.

ئامادەکاری بۆ هەڵبژاردنە پێشوەختەکەی عیراق دەکرێت

هەڵبژاردنە پێشوەختەکەی عیراق

هەرێم بەهادین

هەواڵ بڵاوکراوەتەوە: 28/12/2020

ARBIL, IRAQ - APRIL 28: Police, military and medical personnel vote in Iraq's pivotal parliamentary elections on April 28, 2014 in Irbil, Iraq. Iraqi people will go to the polls on April 30 to participate in the first national election since the U.S. troops withdrew from the country in 2011. (Photo by Hamit Huseyin/Anadolu Agency/Getty Images)

خەڵک – بەشی هەواڵ

مستەفا کازمی، سەرۆکایەتى کۆبوونەوەیەکی فراوان دەکات بەمەبەستی کاراکردنی میکانیزمەکانی پاڵپشتیکردنی کۆمسیۆنی باڵای سەربەخۆی هەڵبژاردنەکان و پڕۆسەی هەڵبژاردن.

میدیاکانی عیراق بڵاویانکردەوە، سەرۆکی ئەنجومەنی وەزیرانی عیراق مستەفا کازمی، سەرۆکایەتى کۆبوونەوەیەکی فراوان دەکات، کە پێکهاتووە لە ژمارەیەک وەزیر و بەرپرسی دەستە سەربەخۆکان و دەزگا ئەمنییەکان و بەرپرسانی کۆمسیۆنی باڵای سەربەخۆی هەڵبژاردنەکان.

مەبەست لەکۆبوونەوەکە کاراکردنی میکانیزمەکانی پاڵپشتیکردنی کۆمسیۆنی باڵای سەربەخۆی هەڵبژاردنەکان و پڕۆسەی هەڵبژاردن.

ئەمە لەکاتێکدایە بڕیارە لەساڵی داهاتوودا هەڵبژاردنی ئەنجومەنی نوێنەرانی عیراق بەڕێوەبچێت.

بابەتی پەیوەندیدار

هەلبژاردە

گرنگترینەکان

فەتح: لە ئەستۆی كازمییە

23 ئاب 2022 5.00 pm

خەڵك- عەلی فەتلاوی سەركردە لە هاوپەیمانی فەتح ڕایدەگەیەنێت، حكومەتە كاربەڕێكەرەكەی مستەفا كازمی بەرپرسی یەكەمە…

عیراق و هەرێمی كوردستان، ڕێژەی تووشبوون بە كۆرۆنا ڕووی لە هەڵكشانە

01 تەموز 2021 4.45 pm

خەڵك – وەزارەتی تەندروستی عیراق ڕایدەگەیەنێت، 7554 حاڵەتی نوێی تووشبوون بە ڤایرۆسی كۆرۆنا تۆماركراوە، 4593 كەسیش…

عیراق لە ڕیزبەندی دەستەواژەی جیهانی بۆ برسێتی

20 نیسان 2022 11.50 pm

خەڵك- بەپێی ئەو زانیارییانەی لەلایەن پەیمانگەی نێودەوڵەتی بۆ توێژینەوەی سیاسەتەكانی خۆراك(GHI) لە ساڵی 2021دا كۆكراونەتەوە،…