سەردێر

ئاكار بەرەكانی جەنگی لە هەرێمی كوردستان بەسەركردەوە

وەزیری بەرگری توركیا: شەڕ بەردەوام دەبێت

خەڵك-

خولووسی ئاكار وەزیری بەرگری توركیا بەرەكانی جەنگی لەگەڵ گەریلاكانی پەكەكە لە ناوچەكانی هەرێمی كوردستان لە پارێزگەی دهۆك بەسەركردەوە.

سوپای توركیا لە هەفتەی رابردووەوە لە ناوچەكانی مەتینا، ئاڤاشین، زاپ هێرشی چڕی دەستپێكردووە بۆ سەر بنكەكانی پەكەكە، لەوێ شەڕێكی قورس لەنێوانیاندا روو دەدات، هەردوولایەنی شەڕ چەندین ئاماری زیانەكان بڵاو دەكەنەوە، ئاماری كوژراو و بریندار لەهەردوولایەن بڵاودەكەنەوە.

خوولی ئاكار وەزیری بەرگری توركیا لە میانەی بەسەركردنەوەی بەرەكانی جەنگدا رایگەیاند شەڕ بەردەوام دەبێت.

فەرمانڕەوایانی توركیا باسیان لەوەكردووە ناوچەی مەتینا گرنگی خۆی هەیە بۆ توركیا بۆیە بەنیازن بنكەیەكی نوێ لەوێ بكەنەوە، ئەمەش كاردانەوەی عێراقی لێ كەوتووەتەوە، لەسەر چەندین ئاست دژایەتی كراوە.