سەردێر

كارەبای بەردەوام بۆ هۆڵەكانی تاقیكردنەوەی ئەزموونە گشتییەكان دابین دەكرێت

خەڵك-
وەزیری كارەبای هەرێم لە دهۆك لەگەڵ بەڕێوەبەرانی كارەبا كۆبووە بۆ دابینكردنی كارەبای هۆڵەكانی تاقیكردنەوەی ئەزموونە گشتییەكان.

وەزارەتی كارەبای حكومەتی هەرێم لە ڕاگەیانراوێكدا بڵاویكردەوە، كەمال محەمەد ساڵح، وەزیری كارەبا بۆ بەدواداچوونی كار و پڕۆژەكانی كارەبا لەگەڵ بەڕێوەبەرانی كارەبای دهۆك كۆبوووە.

لە ڕاگەیانراوەكەدا هاتووە، وەزیری كارەبا داوای هەماهەنگی كارەبای دهۆكی لەگەڵ پەروەردەی پارێزگاكەی كرد بۆ دابینكردنی كارەبا لە كاتی بەڕێوەچوونی ئەزموونە گشتییەكاندا. وەزیری كارەبا، بەدواداچوونی داهاتی كارەبای پارێزگای دهۆكی كرد كە رێژەیەك بۆ پڕۆژە خزمەتگوزارییەكانی كارەبا تەرخان دەكرێت.

باس لە ئەوەشكراوە، پێداگیریشی لەسەر تەواوكردنی پرۆژەی پێوەری زیرەك بۆ نەهێشتنی سەرپێچی و دابەشكردنی دادپەروەرانەی كارەبا و هەروەها نەهێشتنی رۆتین لە فەرمانگەكانی كارەبا بۆ باشتر خزمەتكردنی هاووڵاتیانی كرد.

May be an image of 10 people and people standing





هەلبژاردە

گرنگترینەکان