سەردێر

پاککەرەوەی باخەکان لە پاکوخاوێن نەبوونمان ماندووبوون

خەڵك

پاککەرەوەکان هەموو ڕۆژێک باخەکان پاکدەکەنەوە، بەڵام بۆ ڕۆژی دوای ڕیسەکەیان دەبێتەوە خوری، باخەکە پیس دەبێتەوە، ماندوون لە ناهۆشیاری هاوڵاتیان.

لە کاتژمێر هەشتی هەموو بەیانییەک دێت و دەست بە پاککردنەوەی ئەو باخەدەکات کە بۆی دیاریکراوە، تا کاتژمێر ١٢ نیوەڕۆ کاردەکات، نزیکی دوو کاتژمێری کاتەکەی بە پاککردنەوەی باخەکەوە بەسەر دەبات، بەڵام بۆ سبەینێ ڕیسەکەی بووەتەوە خوری و دیسان باخەکە پیسبووەتەوە.

سەلام غەریب، ماوەی ١٥ ساڵە بە گرێبەست لە بەڕێوەبەرایەتی باخچەکانی سلێمانی دامەزراوە، کاری پاککردنەوە، بژارکردن، کێڵان، ئاودان و ڕواندنی گوڵ و بڕینی درەختەکانە، بەڵام ناهۆشیاری هاوڵاتیان ئیتر ماندووی کردووە.

بەدەم کارکردنەوە باسی ناهۆشیاری هاوڵاتیان لە پاککڕانەگرتنی باخەکان دەکات، ئەوان سەرباری ماندوویەتی و هەڵکشانی تەمەنیان بەڵام هێشتا هەموو ڕۆژێک پاشماوەکان کۆدەکەنەوە و باخەکەش پاکدەکاتەوە.

ڕەخنەی لە هاوڵاتیان هەیە، کە پاشماوەکانیان لە باخەکاندا فڕێدەدەن، بۆریەکان دەشکێنن، شوشەکان لە باخەکاندا دەشکێنن، کە زیانی زۆری بۆ درەخت و چیمەنەکان هەیە.





هەلبژاردە

گرنگترینەکان