سەردێر

بافڵ جەلال تاڵەبانی پەیامێکی بڵاوکردەوە

خەڵک_
بافڵ جەلال تاڵەبانی بەبۆنەی یادی لەدایک بوونی حەزرەتی مەسیح پەیامێکی بڵاوکردەوە و جەخت لە پاراستنی فەرھەنگی جوانی پێکەوە ژیانی ئاشتییانەی ئاینەکانی کوردستان دەکاتەوە.

دەقی پەیامەکەی :

خوشک و برا مەسیحییەکانم لە تەواوی جیھان، عێراق و بەتایبەتی ھەرێمی کوردستان، پیرۆزباییەکی گەرمتان لێدەکەم بە بۆنەی جەژنی لەدایکبوونی حەزرەتی مەسیح (سڵاوی خوای لێبێت)، بە ئومێدم جەژنی ئەمساڵتان بە شادیی، ئاشتەوایی و پێکەوەیی بەسەربەرن.

لەم بۆنە مەزنەدا، جەخت لە پاراستنی فەرھەنگی جوانی پێکەوە ژیانی ئاشتییانەی ئاینەکانی کوردستان دەکەم. لەھەمان کاتدا بە ئەرکی سەرشانی ھەمووانی دەزانم کە پارێزگاری لە سەرجەم مافەکانی خوشک و برا مەسیحییەکانمان بکەین و وەک پێکھاتەیەکی دێرینی ئەم خاک و نەتەوەیە شانازییان پێوە بکەین.

ئومێد دەکەم جەژنی ئەمساڵتان جەژنی کۆتایی سەختییەکان بێت و ئاشتی و خۆشگوزەرانی ھەمیشەیی بۆ تەواوی مرۆڤایەتی لەگەڵ خۆیدا ھێنابێت.
هەر شاد و سەربەرز و سەرکەوتووبن.

بافڵ جەلال تاڵەبانی