سەردێر

بەڤیدیۆ، بارانی بەلێزمە ڕێگەیەكی سەرەكی لە خانەقین دادەخات

خەڵك-
بەهۆی بارانی بەلێزمەوە، ڕێگەیەكی سەرەكی لە قەزای خانەقین دادەخرێت.

بەپێی گرتەیەكی ڤیدیۆیی كە لە ماڵپەڕە عیراقییەكان بڵاوكرایەوە، ڕێگەیەكی سەرەكی لە قەزای خانەقین داخراوە و خەڵكیش ناڕەزایی دەردەبڕن بەهۆی گیرخواردن و نەبوونی ڕێگەیەكی تر بۆ دەربازبوون لە قەرەباڵغی كە بارانەكە دروستیكردووە.

بەهۆی كەمی بارانبارین،عیراق و هەرێمی كوردستان لەئێستادا دووچاری كێشەی كەم ئاوی بوونەتەوە و عەمبارەكانی ئاویش بەشێوەیەكی بەرچاو ڕوویان لە دابەزین كردووە، ئەمەش كوشتوكاڵ و ئاودێری ڕووبەڕووی ڕەوشێكی مەترسیدار كردووە، كەمكردنەوەی ئاوی زێ‌ و ڕوبارەكانیش لەلایەن هەریەك لە ئێران و توركیاوە، هێندەی كێشەكەی ئاڵۆزتر كردووە.