سەردێر

لە سنوری دەربەندیخان هاووڵاتیەك دەستگیر كرا

ژینگەی شێواندووەو چەند درەختێكی بڕیوەتەوە

خەڵك
لە گوندی زمناكۆ لە سنووری قەزای دەربەندیخان هاووڵاتییەك دەستگیر كرا كە ژینگەی شێواندووەو چەند درەختێكی بڕیوەتەوە، دەستیش بەسەر ئۆتۆمبێلێك و سەدان داری بڕاوەدا گیرا.

بەڕێوەبەرایەتی پۆلیسی دارستان و ژینگەی پارێزگای سلێمانی لە راگەیاندراوێكدا بڵاویكردەوە، دوای ئەوەی بەشی پۆلیسی دارستانی دەربەندیخان دەستیان كرد بە گەڕان و پشكنین بۆیان دەركەوت دیاردەی داربڕین و شێواندنی ژینگە لە سنوری گوندی ( زمناكۆ ) هەیە ، هەر بۆیە مەفرەزەیەك لە بەشی پۆلیسی دارستانی دەربەندیخان بە هاوبەشی لەگەڵ بنكەی باوەخۆشێن دەرچوون بۆ شوێنی دیاریكراو.

ئاماژە بە ئەوەشكراوە، لە ئەنجامدا توانیان هاووڵاتیەك دەستگیر بكەن و هەروەها دەستگیرا بەسەر ئۆتۆمبێلێك و سەدان داری بڕاوە.
لە ڕاگەیاندراوەكەدا ئەوەش هاتووە، پەڕاوی لێكۆڵینەوە ڕێكخراوەو ڕادەستی دادوەر كراوە بۆ وەرگرتنی ڕێكاری یاسایی .

May be an image of tree and nature

May be an image of outdoors and tree

May be an image of 1 person, standing and outdoors