سەردێر

ڕووداوێكی هاتوچۆ بووە هۆی گیانلەدەستدانی حەوت كەسی خێزانێك

خەڵك
رووداوێكی هاتوچۆ لەسەر ڕێگای نێوان بەردەڕەش – كەڵەك نزیك گوندی گردەپان ڕوویداو بووە هۆی گیان لەدەستدانی حەوت كەسی خێزانێك.

ئازاد تەها، وتەبێژی بەرێوەبەرایەتی پۆلیسی هاتوچۆی پارێزگای دهۆك رایگەیاندووە، ئێوارەی دوێنێ‌ چوارشەممە 22/9/2021 بەهۆی رووداوێكی هاتوچۆ لەسەر ڕێگای نێوان بەردەڕەش – كەڵەك نزیك گوندی گردەپان حەوت كەس گیانیان لەدەستدا.

ئاماژەی بە ئەوەشكردووە، رووداوەكە لە نێوان ئۆتۆمبێلێكی بارهەڵگر و شوفرلێت ئوپترایەكی تایبەت روویداوە و هەر لە شوێنی رووداوەكە شەش كەس گیانیان لەدەستدا و یەكێكیش بەسەختی برینداربوو، بەڵام بەهۆی سەختی برینەكەیەوە ئەویش گیانی لەدەستدا.

لە ڕاگەیاندراوێكی پۆلیسی دهۆكیشدا هاتووە، كە سەجەم قوربانییەكان ئەندامی یەك خێزانن.