سەردێر

سیروان.. بەهۆی تەزووی كارەباوە مێردمنداڵێك گیانی لەدەستدا

خەڵك – یەحیا حەبیب

ئێوارەی ئەمڕۆ شەممە، بەهۆی بەركەوتنی تەزووی كارەباوە كەسێك لە ماڵەكەی خۆی لە شارەدێی سیروانی سەر بە پارێزگای هەڵەبجە گیانی لەدەستدا.

مقەدەم بەرزان عوسمان وتەبێژی پۆلیسی پارێزگای هەڵەبجە لە لێدوانێكیدا بە (تۆڕی میدیایی خەڵك)ی ڕاگەیاند، “ئێوارەی ئەمڕۆ شەممە لە شارەدێی سیروان سەر بە پارێزگای هەڵەبجە لە ئەنجامی بەركەوتنی تەزووی كارەبا لە ماڵی خۆیاندا، كەسێك گیانی لەدەستدا ”.

وتیشی، “ئەو كەسە تەمەنی 13 ساڵە و ناوی (محەمەد كامەران)ـە كە بەهۆی بەركەوتنی تەزووی كارەباوە گیانی لەدەستداوە و تەرمەكەی ڕەوانەی پزیشكی دادی پارێزگای هەڵەبجە كراوە ”.

وتەبێژی پۆلیسی پارێزگای هەڵەبجە ڕاشیگەیاند، “لە بنكەی پۆلیسی سیروان دۆسیەی لێكۆڵینەوە بۆ ڕووداوەكە ڕێكخراوە”.