سەردێر

گۆڕێكی بەكۆمەڵ لەنێوان كفری و خانەقیندا دۆزرایەوە

خەڵك-

دەزگای شەهیدانی عێراق دۆزینەوەی گۆڕێكی بەكۆمەڵ لە نێوان كفری و خانەقین ڕادەگەیەنێت كە ژمارەیەكی زۆر ڕووفاتی تێدایە و بە ئەگەری زۆرە قوربانیانی كۆمەڵكوژییەكانی سەردەمی حزبی بەعسن.

فەرمانگەی كاروباری پاراستنی گۆڕەبەكۆمەڵەكانی سەر بە دەزگای شەهیدانی عێراق لە بەیاننامەیەكدا ڕایگەیاند”لەنێوان كفری و خانەقین لە سنوری پارێزگای دیالە، گۆڕێكی بەكۆمەڵ دۆزراوەتەوە، بەپێی زانیارییە سەرەتاییەكانیش، قوربانیانی ئەو گۆڕە بەكۆمەڵە لە دانیشتوانی ناوچەكەن”.

هەر لە بەیاننامەكەدا هاتووە”مێژووی گۆڕەكە دەگەڕێتەوە بۆ سەردەمی رژێمی بەعس و پێدەچێت لە لە ساڵانی هەشتا و نەوەدی سەدەی ڕابردوودا ئەو هاووڵاتییانە كۆمەڵكوژ كرابن”.

دەزگای شەهیدانی عێراق دەڵێت”گۆڕە بەكۆمەڵەكە ژمارەیەكی زۆر ڕوفاتی تێدایە و لە ماوەی داهاتوودا لێكۆڵینەوەی زیاتر دەكەن بۆ دۆزینەوەی ناسنامەی قوربانیان”.

لە دوای ساڵی 2003، نزیكەی 200 گۆڕی بە كۆمەڵ لە عێراقدا دۆزراونەتەوە و زۆرینەیان رووفاتی قوربانیانی قوربانیانی شاڵاوەكانی ئەنفال و قوربانیانی ڕاپەڕینەكەی ساڵی 1991ی دژ بە ڕژێمی بەعسن.