سەردێر

كارگەیەكی شیرینی داخرا و 16 شوێنیش بەهۆی سەرپێچیی قورسەوە دراونەتە دادگا

خەڵك
لیژنە هاوبەشەكانی قائیمقامیەتی سلێمانی ڕایدەگەیەنێت ، لەماوەی دوو مانگدا هەزار و 444 سەرپێچییان تۆماركردووە و بەوهۆیەوە بەبڕی نزیكەی 113 ملیۆن دینار سزای شوێنە گشتییەكان دراوە، 16 شوێن لەو شوێنانەی سەردانیكراون، بەهۆی سەرپێچیی قورسەوە، دراونەتە دادگا.

لیژنە هاوبەشەكانی قائیمقامیەتی سلێمانی بە پێی ئامارێك، كە وێنەیەكی دەست (خەڵك) كەتووە هاتووە، لە ماوەی دوو مانگی ڕابردوودا لیژنەكانیان 12 هەزار و 725 سەردانیان بۆ شوێنە گشتییەكان ئەنجامداوە و 154 شوێنیش داخراون و 16 شوێنیش بەهۆی سەرپێچیی قورسەوە دراونەتە دادگا و بەبڕی نزیكەی 113 ملیۆن دینار سزای شوێنە گشتییەكان دراوە.

هاوكات هەر ئەمڕۆ دووشەممە 3ی ئایاری 2021 لیژنەهاوبەشەكانی قائیمقامیەتی سلێمانی بەهۆی پابەند نەبوون بەمەرج و ڕێنماییەكانی تەندروستی و جێبەجێنەكردنی رێكارەكانی خۆپارێزی لیژنە ‌هاوبەشەكانی قائیمقامیەتی سلێمانی‌ كارگەیەكی شیرینی (بێناو) لە ‌شەقامی كاك ئەحمەدی شێخ داخست.