سەردێر

وەزارەتی ڕۆشنبیری هۆشداریەكی بەپەلە دەداتە كەناڵەكانی ڕاگەیاندن

خەڵك
وەزارەتی ڕۆشنبیری و لاوانی حكومەتی هەرێم داوا لە كەناڵەكانی ڕاگەیاندن دەكات، كە خۆیان بە دووربگرن لە نیشاندانی دیمەنی تووندوتیژی و كوشتن و زەقكردنەوەی كێشە كۆمەڵایەتییەكان لە پێناو تێكنەچوونی ئاشتی كۆمەڵایەتی.

بەڕێوەبەرایەتی گشتی ڕاگەیاندن و چاپ و بڵاوكردنەوەی سەر بە وەزارەتی رۆشنبیری و لاوان لە ڕاگەیەنراوێكدا داوادەكات، كە كەناڵەكانی ڕاگەیاندن خۆیان بە دوور بگرن لە نیشاندانی دیمەنی تووندوتیژی و كوشتن و زەقكردنەوەی كێشە كۆمەڵایەتییەكان و دەشڵێت: “هەر كەناڵ و دامەزراوەیەك سەرپیچی بكات رێكاری یاسایی بەرامبەریان دەگرێتەبەر”.

لە ڕاگەیەنراوەكەدا هاتووە، “نیشاندانی دیمەنی تۆمەتباران و وەرگرتنیووتە لێیان پێش بڕیاری دادگا، هاندانی ڕاستەوخۆ و یان ناڕاستەوخۆی بینەرانە بۆ پەیڕەكردنی توندوتیژی و تێكدانی ئاشتی كۆمەڵایەتی”.



هەلبژاردە

گرنگترینەکان