سەردێر

وەزارەتی كارەبا: 70 گوند بێ‌ كارەبا بوون

خەڵك-
وەزارەتی كارەبای حكومەتی هەرێمی كوردستان ڕایدەگەێنێت: لەئەنجامی شەڕی نێوان سوپای توركیا و پەكەكە لە دەڤەری كانی ماسی، 70 گوندی ناوچەكە بێ‌ كارەبا بوون.


بەپێی ڕاگەیەندراوێك كە لەلایەن وەزارەتی كارەباەوە بڵاوكرایەوە”ئەمڕۆ رێكەوتی 27ی نیسانی 2021 بەمەبەستی چارەسەركردنی گرفتەكە تیمێكی 22 كەسی وەزارەتی كارەبا بە هاوكاری دوو هاووڵاتی ڕێبەر سەردانی ناوچەكەیان كرد، بەداخەوە لە ئەنجامی تەقینەوەی مین فەرمانبەرێكی بەڕێوەبەرایەتی گواستنەوەی كارەبای دهۆك و دوو هاووڵاتی ڕێبەر برینداربوون”.

هەر لە ڕاگەیەندراوەكەدا هاتووە”بەهۆی شەڕی نێوان پارتی كرێكارانی كوردستان و سوپای توركیا، هێڵی 33 كەی ڤی كارەبای (سەرسەنگ – كانی) ماسی زیانی گەورەی بەركەوتووە و بەوهۆیەوە 70 گوندی ناوچەكە بێ‌ كارەبا بوون.

 

وەزارەتی كارەبا دەڵێت”وێڕای ئیدانەكردنی ئەم كارەو زیانگەیاندن بە فەرمانبەرانی خزمەتگوزاریی كارەبا، هیوای چاكبوونەوەی خێرا بۆ بریندارەكان دەخوازین”.