سەردێر

لیژنەی تەندروستی؛ بەدواداچوون بۆ پرسی پێدانی ڤاكسین بە هاووڵاتییان دەكات

خەڵك
لیژنەی تەندروستی لە پەڕلەمانی كوردستان گفتوگۆ لەبارەی میكانیزمی پێدانی ڤاكسین بەهاووڵاتییان و دابەشكردنی بەسەر پارێزگاكان دەكات و لیژنەیەكیش بۆ بەدواداچوون و كۆكردنەوەی زانیاریی ورد لەسەر كێشەو گرفتەكانی پێدانی ڤاكسین بەهاووڵاتییان پێكدەهێنێت.

بەمەبەستی گفتوگۆكردن لەسەر چەند پرسێكی گرنگی پەیوەست بەكاری لیژنەكە، نیوەڕۆی ئەمڕۆ دووشەممە 2021/4/26، لیژنەی كاروباری تەندروستی و ژینگەو مافی بەكاربەر، بەسەرپەرشتی د.سەباح زێباری ، سەرۆكی لیژنە و ئامادەبوونی جێگری سەرۆكی لیژنە و بڕیاردەرو ئەندامان و ڕاوێژكارانی لیژنەكە كۆبووەوە.

سەرۆكی لیژنە ئاماژەی بەوەكردووە، كە لەچەند ڕۆژی ڕابردوودا لەگەڵ وەزیری تەندروستی و لایەنی پەیوەندیدار قسەی كردووە سەبارەت بەو دەنگۆیانەی باس لەناردنە دەرەوەی ڤاكسین دەكەن بۆ وڵاتێكی دراوسێ و ئەوان ئەمجۆرە هەواڵانەیان ڕەتكردۆتەوە، هەر لەكۆبوونەوەكەدا سەرجەم ئەو نوسراو و یاداشتانەی ئاراستەی لیژنەكە كرابوون خوێندرانەوەو كاری پێویستییان لەسەر كراو وەڵامدرانەوە.

لەكۆبونەوەكەدا گفتوگۆ لەبارەی میكانیزمی پێدانی ڤاكسین بەهاووڵاتییان و دابەشكردنی بەسەر پارێزگاكان و یەكە ئیدارییەكا كراوە و بۆ ئەو مەبەستەش بڕیاردرا لیژنەیەك پێكبهێنرێت بۆ بەدواداچوون و كۆكردنەوەی زانیاریی ورد لەسەر كێشەو گرفتەكانی بەردەم پێدانی ڤاكسین بەهاووڵاتییان.

‎May be an image of ‎‏‏‏٥‏ كەس‏، ‏‎‎people standing‎‎‏‏ و ‏‎‎people sitting‎‎‏‎‎



هەلبژاردە

گرنگترینەکان