سەردێر

كەجەكە؛ دەبێت گەل و گەریلا وەڵامێكی مێژوویی هێرشەكان بدەنەوە

خەڵك
هاوسەرۆكایەتی كۆنسەی بەڕێوبەری كۆما چڤاكێن كوردستان ڕایدەگەیەنێت ، هێرشەكان بۆسەر هەرێمەكانی پاراستنی مەدیا، بە ئامانجی قڕكردن ئەنجامدەدرێت و بۆ پاشەكشێكردن بە هێرشەكان، پێویستە گەل و گەریلا یەكبگرن و وەڵامی مێژووی هێرشەكان بدەنەوە.

هاوسەرۆكایەتی كۆنسەی بەڕێوبەری كۆما چڤاكێن كوردستان( كەجەكە) لە ڕاگەیەنراوێكدا بڵاویكردەوە، كە توركیا لە شەوی ٢٣لەسەر ٢٤ی نیسان لە هەرێمەكانی پاراستنی مەدیا كە لە ژێر كۆنتڕۆڵی گەریلادایە ، دەستی بە هێرشێكی بەرفراوانكردووە، كە دوای تێكشكاندنی لە گارێ، چاوەڕوانی ئەم هێرشەدەكرا.
ئاماژە بۆ ئەوەشكراوە، كە هێرشەكان بۆ تەسفیەكردنی تێكۆشانی ئازادیی گەلی كورد و تەواوكردنی قڕكردنی كوردانە ، هێرش لەسەر بەشێكی مەزن لە هەرێمەكانی پاراستنی مەدیا ئەنجام دەدرێت كە لە ژێر كۆنتڕۆڵی گەریلادایە.

دەقی راگەیەنراوەکەی کەجەکە:

” دەوڵەتی تورک لە شەوی ٢٣لەسەر ٢٤ی نیسان لە هەرێمەکانی پاراستنی مەدیا کە لە ژێر کۆنتڕۆڵی گەریلادایە، دەستی بە هێرشێکی بەرفراوانکردووە. دوای تێکشکاندنی لە گارێ، چاوەڕوانی ئەم هێرشە دەکرا، لەخۆیدا پلانی تێکبردن کە لە هاوینی ٢٠١٤ ئامادەکرابوو، بە تەسفیەکردنی تێکۆشانی ئازادیی گەلی کورد بۆ تەواوکردنی قڕکردنی کوردان بوو. ئەم هێرشانە بۆ تەواو کردنی قڕکردنی کوردان هێرشێکی بەرفراوانە. هێرش لەسەر بەشێکی مەزن لە هەرێمەکانی پاراستنی مەدیا ئەنجام دەدرێت کە لە ژێر کۆنتڕۆڵی گەریلادایە. ئەم هێرشە بۆ ئامانجێکی بەم ڕەنگەیە.

‘بە زانابوون لە سالیادی کۆمەڵکووژیی ئەرمەنییەکان دەستیان بە هێرش کرد’

بە زانابوون و بە پلان لە ساڵیدای کۆمەڵکووژیی ئەرمەنییەکان دەتیان بە هێرش کرد. بە شێوەیەکی ئاشکرا ئەو پەیامە ‘ چۆن ئەرمەنییەکانمان قڕکرد، چارەنووسی ئێوەش ئاواها دەبێت’ دەدەن. چۆن قڕکردنی ئەرمەنییەکان بە پشتگیری ئەڵمانیا و بێدەنگی وڵاتانی ئەورووپایی و ئامریکا ئەنجامدرا، دەخوازن قڕکردنی کوردانیش بە بێدەنگی و پشتگیری ئەڵمانیا و وڵاتانی ئەورووپایی و ئامریکا پێک بهێنێت. پیش ئەم هێرشەی بۆ قڕکردن، بەرپرسانی تورک لەگەل بەرپرسانی وڵاتانی ئەورووپایی و ئەمریکادا چاوپێکەوتنیان ئەنجامداوە و ئەمە دەرخەری ئەوەیە کە ئەم هێرشە بە پشتگیری و دەستووری ئەو وڵاتانە کراوە. هەروەها لەگەل سەرۆک وەزیری هەرێمی کوردستان قسەکراوە و ئەویش ئەرێنی داوە. گەلەکۆمەی نێونەتەوەیی کە ساڵی ١٩٩٩ لەسەر شەخسی رێبەر ئاپۆ و لەدژی تەڤگەری ئازادی کوردستان کرا، ئەمڕۆ بەم شێوەیە بەردەوام دەکات. ئەمریکا و وڵاتانی ئەورووپایی بە هۆی بەرژەوەندی شەخسی و بۆ ئەوەی دەوڵەتی تورک بەکار بهێنن، قڕکردنی کوردانیان ئەرێ کردووە، پشتگیری ئەم قڕکردنە دەکەن. هەروەها بە ئەرێ کردنی قڕکردنی کوردان دەخوازن هەندێک کێشەی خۆیان لەگەل تورکیا چارەسەربکەن، تورکیاش بۆ قڕکردنی کوردان خاکی تورکیا پێشکەشی هێزە نێونەتەوەییەکان دەکات.

‘ هێزە نێونەتەوەییەکان و پەدەکە ئەرینیان دا’

دەولەتی تورکیا ئەرێ کردن و پشتگیری هێزە نێونەتەوەییەکانیان ورگرت. لەسەرەتادا پەدەکە بێدەنگی هێزە سیاسیە کوردییەکان بە واتای ڕەواییدانە بەم هێرشانە. لە هەر کوێ لە دژی کورد هێرشێک ئەنجام بدرێت دەبێت هێزە سیاسی و گەلی کورد نارەزایەتی نیشان بدەن. بە پێی بەرپرسیارەتی نەتەوەیی خۆیان ماماڵە بکەن، بێدەنگی هێزە سیاسییەکان قەبووڵ ناکرێت. کاتێک لەدژی باشووری کوردستان هێرش ئەنجامدرا، پەکەکە، گەریلا و گەلی کورد دەستبەجی هەڵویستیان نیشاندا و ڕابوون. جێگەی تێرامانە کە گەلو پەدەکە لە هەمبەر هێرشێکی ئاوەها بەرفراوان بێدەنگە. پەدەکە ماوەی سالێکە گەلیک قادی گەریلای گەمارۆ داوە. لەخواکورک دەرکەوت کە بە ئاشکرا پشتگیری دەوڵەتی تورکیای کرد و بەم شێوەیە هەڵویستی خۆی لەهەمبەر دەوڵەتی تورک ئاشکرا کرد. گەلی کورد چاوەڕوانە کە پەدەکە لە دژی ئەم هێرشانە هەڵوێستێکی ئاشکرا نیشان بدات.بەهۆی ئەوەی بەم شێوەیە لێکدەدرێتەوە کە هێرشی داگیرکاری دەوڵەتی تورک لەسەر بنگەی پشتگیری هێزە نێونەتەوەییەکان ئەنجامدراوە . پەدەکە بەشداری هێرشەکانی دەوڵەتی تورک نەبێتیش، بە هەڵویست و بێدەنگی خۆی لە هەمبەر ئەم هێرشانە، دەکەوێتە دۆخێکی ئاوەها کە ڕەوایی داوە بەم هێرشانە و پشتگیری دەکات. ئەگەر پەدەکە و هێزە سیاسییە کوردییەکان لەدژی هێرشەکان رابن، دەوڵەتی تورک ناتوانیت لە قادی نێونەتەوەییدا پشتگیری وەربگرێت، ناویرێت لەم ئاستەدا هیرش بکات.

ئەم هێرشەی دەوڵەتی تورک هاوکات هێڕشێکی ئاوەهایە کە ئیرادەی سیاسی حکومەتی عێراقی نەبینیوە و هەڕەشە لە یەکپارچەیی عێراقیش دەکات. هەربۆیە ئەگەر عێراق لەدژی ئەم هێڕشانەدا هەڵویستێک نیشان بدات ناڕەوایی هێرشەکانی تورکیا نیشان دەدات و لاوزی دەکات.

ئەگەر عێراق لە دژی ئەم هێرشانە هەڵویست نیشان نەدات ئەوا هێرشەکانی تورکیا ئاسایی دەبیت و لەدژی یەکپارچەیی عێراق هێرش بکات. ئەگەر عێراق ئەم هێرشانە لە دژی یەکپارچەیی خۆی ببینێت، دەبێت ڕاگەیەنراو بدات، داوای کۆتایی هێنان بە هێرشەکان بکات و بەم شێوەیە بەرپرسیارەتی خۆی بەجێگە بهێنێت. یان بە بێدەنگی دەسەڵاتداری عێراقیش شەریکی ئەم هێرشانەن، لە لایەکیشەوە بە هەلوێستی خۆی لەدژی تورکیا ڕۆلێکی مێژوویی دەگێڕێت.

‘ ئەم هێرشە بۆ قڕکردنە، دەبێت گەلی کورد لە هەر شوینێک ڕاپەڕێت’

گەلی کورد، دۆست و هێزە دیموکراتیکەکان دەبێت بزانن کە ئەم هێرشە بۆ قڕکردنە.تەنیا لە دژی گەریلا نییە، لەشەخسی گەریلا لەدژی هەموو گەلی کوردە. بەتەمان بە تەسفیەکردنی گەریلا پرۆژەی قڕکردنی گەلی کورد تەواو بکەن. نە تەنیا لە باکووری کوردستان، دەخوازن کە هێزەکانی ئازادی لە هەموو پارچەکانی کوردستان تەسفیە بکەن و بەم شێوەیە کورد قڕبکەن. هاوکات ئەم هێرشە لەدژی دەستکەوتەکان و ناوچە ئازادەکانی باشووری کوردستان و رۆژئاوایە.

دەبیت مرۆڤ نەکەوێتە ناو چاوەروانییەکی ئاوەها دا کە تەنیا بەرخۆدانی گەریلا کۆتایی بە داگیرکاری دەهێنێت. ئەم هێرشە لە دژی تەواوی کوردانە. هێرشێکە بۆ لە ناوبردنی گەلی کوردە. هەر بۆیە دەبیت کوردان لە هەرشوینێک ڕاپەڕن و لەگەل گەریلا ببنە یەک. تێکۆشانی ئازادی و دیموکراسی تەنیا بە تێکۆشانی ئازدی گەریلا سەرناکەوێت. دەبێت گەل و گەریلا یەکبگرن، لە دژی دژمنی داگیرکەر تێکۆشانی هاوبەش بکەن. راپەڕینی گەلی کورد لە نەورۆز و هەڵویست نیشاندانیان، دەبێت لە گەل تێکۆشانی گەریلادا ببێتە یەک. گەریلا بە رۆحی هەفتانین و گارێ بە شیوەیەکی فیدایی شەڕدەکات. لەم چوارچێوەیەدا بۆ شکاندنی هێرشێکی ئاوەها بەرفراوان دەبیت گەل و گەریلا ببنە یەک و ولامێکی مێژوویی بدەن بەم هێرشانە. کات ئەو کاتەیە کە بە بە ڕۆحی هەڵمەتی’ کات کاتی ئازادیە’ گەل رابیت.

‘دەبیت لە تەواوی باشووری کوردستان رۆحی بەرخۆدان بڵاو بێتەوە’

هێرشە داگیرکارییەکی دەوڵەتی تورک لە سەرهەرێمەکانی پاراستنی مەدیا هاوکات هێرشی داگیرکردن و خستنە سەر خۆی باشووری کوردستانە. بە تەسفیەکردنی گەریلا دەخوازیت ناوەند و سەرچاوەی بەرخۆدانی باشووری کوردستان بێکاریگەر بکات، ئیرادەی سیاسی هێزەکانی باشووری کوردستان بشکێنێت و باشووری کوردستانیش بخاتە ناو سیستەمی قڕکرد. هەربۆیە هونەرمەندان و ڕۆشنبیرانی باشووری کوردستان کە جیلی پێشەنگی کۆمەڵگەن ، دەبیت لەدژی هێڕشەکان هەڵویست نیشان بدەن، لەگەل گەلی باشووری کوردستان دەست بە قۆناغێکی نوێی بەرخۆدان بکەن. هەر شار، شارۆچکە، ناوچە دەبێت ببێتە واری بەرخۆدان لە دژی داگیرکەران. گرینگە گەلی باشووری کوردستان هەستی وڵاتپارێزی خۆیان نیشان بدەن. ئەو رۆحی بەرخۆدانیەی کە گەلی ئامیدی، دێرەلووک و شیلادزێ لە دژی داگیرکەران نیشانیادا، دەبێت لە تەوای باشووری کوردستان بڵاو بێتەوە. دەبێت بێنە ناو ریزەکانی گەریلا و بەشداری بەرخۆدان بن.

‘ هێزە دیموکراتیکەکانی گەلانی رۆژهەڵاتی ناوین دەبیت پشتگیری کورد بکەن’

هەموو گەلانی ڕۆژهەڵاتی ناوین و هێزە دیموکراسییەکان دەبیت بزانن کە ئەم هێرشە هێرشێکە لەسەر ڕەنجی ئازادی و دیموکراسی گەلانی رۆژهەڵاتی ناوین. دەوڵەتی تورک دوژمنی هەموو هێزە ئازادیخواز و دیموکراتیکەکانە لە رۆژهەڵاتی ناویندا. بۆ ئەوەی کە سیاسەتی پیلانگێڕی خۆی لە دژایەتی هێزە دیموکراییەکاندا دەبینێتەوە. هەربۆیە دەبیت هەموو هێزە ئازادیخوازەکانی رۆژهەلاتی ناوین لە پاڵ گەریلادا بمێننەوە.

‘ دەبیت هەموو هێزە دیموکراتیکەکان راپەڕن’

هەموو هێزە دیموکراسییەکانی جیهان لە دژی ئەم هێڕشانەی کە بە هاوکاری ئەمریکا و ئەرووپا بۆ قڕکردنی گەلی کورد دەستیپێکردووە دەبیت هەڵوێست نیشان بدەن و ببنە پاڵپشتی گەلی کورد و گەریلا. دەولەتی تورک ئەمڕۆکە بووتە ناوەندی دوژمنایەتی ئازادی و دیموکراسی، هەروەها کوردستان بووەتە مەشغەلی ئازادی و دیموکراسی. سەرکەوتنی گەریلا و گەلی کورد ببێتە سەرکەوتنی هەموو هێزە ئازادیخواز و دیموکراتیکەکان.

لەسەرووی هەمووانە داوا دەکەین لە ئەمریکا و ئەورووپا، لەهەموو ئەو هێزانەی کە تورکیا دەپارێزن و هاوکاری دەکەن ، واز لە پشتگیری ئەم هێرشانە بهێنن کە دەسەڵاتی فاشیستی ئاکەپە و مەهەپە بۆ قڕکردنی کوردن دەستیان پێکردووە. با نەبنە هاوکاری قڕکردنی کوردان! بێدەنگی ئەوان لە قڕکردنی ١٩١٥ و هاوکاری ئەڵمانیا ئیستاکە لە قڕکردنی کورداندا دووبارە دەبێتەوە. لەم لایەنەوە لەسەر ناوی گەلانی ئەمریکا و ئەرووپا هەموو دەسەڵاتدارانی ، لە دژی ئەم هێرشانەی تورکیا دەبێت هەلوێستیان هەبێت و نەبنە هاوکاری دوڵەتی تورک بۆ قڕکردنی کوردان و لەدژی ڕابن.”

 



هەلبژاردە

گرنگترینەکان