سەردێر

كێشەی دارایی و هەژاری تەنگی بەكوردانی ڕۆژهەڵاتی كوردستان هەڵچنیوە

خەڵك
ڕێكخراوی مافی مرۆڤی هەنگاو ڕایدەگەیەنێت، لە ماوەی مانگی ڕابردوودا 24 هاووڵاتی كورد لە شارە جیاجیاكانی ڕۆژهەڵاتی كوردستان كۆتاییان بە ژیانی خۆیان هێناوە كە تەمەنی ٣ كەسیان ژێر ١٨ ساڵ بووە.

بەڵگەنامەكانی ڕێكخراوی مافی مرۆڤی هەنگاو بە پشتبەستن بە ئاماری تۆماركراو بڵاویكردۆتەوە ، كە لە ماوەی مانگی ڕابردوودا ٢٤ هاووڵاتی كورد كۆتاییان بە ژیانی خۆیان هێناوە.

ئاماژەبۆ ئەوەشكراوە، كە لەو ماوەیەدا ١٣ ژن و ١١ پیاو كۆتاییان بە ژیانی خۆیان هێناوە كە تەمەنی ٣ كەسیان (٢ كچ و ١ كوڕ) ژێر ١٨ ساڵ بووە، هۆكاری زۆربەی خۆكوشتنەكانی كێشەی خێزانی و كێشەی ئابووری و هەژاری بووە.

جیاكردنەوە بە پێی پارێزگاكان:
پارێزگای ئیلام: ٥ حاڵەت (٢ ژن و ٣ پیاو)
پارێزگای كرماشان: ٨ حاڵەت ( ٦ ژن و ٢ پیاو)
پارێزگای سنە: ٧ حاڵەت (٤ ژن و ٣ پیاو)
پارێزگای ورێ: ٤ حاڵەت (١ ژن و ٣ پیاو)
هۆكاری خۆكوشتن:
كێشەی خێزانی: ١٣ حاڵەت (١٢ ژن و ١ پیاو)
هەژاری و بێكاری: ٨ حاڵەت (٨ پیاو)
نادیار: ٢ حاڵەت (١ژن و ١ پیاو)
خەمۆكی: ١ حاڵەت (١ پیاو)
شێوەی خۆكوشتن:
خۆهەڵواسین: ١٤ حاڵەت (٧ ژن و ٧ پیاو)
خواردنی حەب: ٥ حاڵەت (٣ ژن و٢ پیاو)
خۆفڕێدانە خواروە لە بەرزایی: ١ حاڵەت (١ ژن)
خۆسووتاندن: ٣ حاڵەت (٢ ژن ١ پیاو)
خۆ خستنە ناو ڕووبار: ١ حاڵەت (١ پیاو)