پلەكانی گەرما بەرز دەبنەوە

سەردێر

خەڵك- ژمارەیەك كەس دوای وەرگرتنی ڤاكسین تووشی كۆرۆنا بوون، ئەمە سەرنجی پسۆڕانی راكیشاوە كە جۆرە گۆڕاوەكانی ڤاكسینی كۆرۆنا توانی تێپەڕاندنی ڤاكسینەكانی هەیە. جیجی جرونفال گەورە توێژەر لە نێوەندی جۆنز هۆبكنز بۆ ئاسایشی تەندروستی دەڵێت هیچ شتێك نییە بە پارێزگاری 100% هەیە لە جیهاندا. دەشڵێت: دەكرێت جۆری گۆڕاوی دیكەی ڤایرۆسی كۆرۆنا دەربكەون، ڤاكسینەكان تێپەڕ بكەن، بۆیە پێویستە لێكۆڵینەوە لە ئەم بابەتەدا بكرێـت. لە نێوانی 95 ملیۆن كەس دا كە ڤاكسینیان وەرگرتووە لە كۆتایی نیساندا، نێوەندی بەرەنگاربوونەوەی نەخۆشییەكان و چاودێری ئەمریكا 9245 توشبووی كۆرۆنای تۆماركردووە لە ئەو كەسانە. بەپێی توێژینەوەیەك هەندێك كەس كاردانەوەیان بۆ ڤاكسین نییە، بۆیە دەكرێت ئەم كەسانە تووشی كۆرۆنا ببن ئەمانە پارێزراو نین.
گه‌ر ته‌مه‌نت چۆته‌ 30 یاخود 40 یاخود ته‌نانه‌ت سه‌روتریش ئه‌وه‌ت له‌بیر بێت كه‌ ته‌مه‌ن ته‌نها ژماره‌یه‌و نابێت جوانی و ناوازه‌یت له‌ده‌ستبدات، بۆ ئه‌وه‌ی روخساریشیت هه‌ر به‌ گه‌نجی بمێنێته‌وه‌، ئه‌م 6 كاره‌ بكه‌: -واز له‌ ستایله‌ كۆنه‌كه‌ی قژت بهێنه‌ كه‌ خوت پێوه‌ گرتووه‌و ستایلی نوێ بۆ قژت دابنێ به‌ جۆرێك له‌گه‌ڵ روخسار و شێوه‌تدا بگونجێ، ده‌توانیت شێوازی ستایلی Lob تاقی بكه‌یته‌وه‌. -زۆربه‌ی خانمان كه‌ ته‌مه‌نیان ده‌چێته‌ سه‌روو 30 ساڵ گوێ به‌ ئه‌و ستیانه‌ ناده‌ن كه‌ له‌به‌ری ده‌كه‌ن به‌وه‌ش شێوه‌ی سنگیان پیر ده‌رده‌خات، هه‌ر بۆیه‌ ستیانه‌ كۆنه‌كات فڕێ بده‌و به‌پێی قه‌باره‌ی خۆت نوێیان بكه‌ره‌وه‌. -گرنگی به‌ ماكیاجه‌كه‌ت بده‌، چونكه‌ ماكیاج وه‌ك شمشێرێكی دوو سه‌ره‌ وایه‌ ده‌توانێت گه‌نجت بكاته‌وه‌و ده‌شتوانێت نیشانه‌كانی پیریت زیاتر تێدا ده‌ربخات، زیاده‌ڕه‌وی مه‌كه‌ له‌ به‌كارهێنانی ماكیاجدا. -هونه‌ره‌كانی ڕه‌نگ بزانه‌، چونكه‌ زۆربه‌ی خانمان له‌گه‌ڵ چونه‌ ته‌مه‌نیان ڕه‌نگه‌ زه‌قه‌كانی جلوبه‌رگ لاده‌به‌ن و ڕه‌نگی ڕه‌ش و قاوه‌یی و ڕه‌ساسی ده‌هێڵنه‌وه‌، كێ ئه‌م یاسایه‌ی داناوه‌؟ به‌ دڵی خۆت و به‌پێی گونجاوی له‌گه‌ڵ بۆنه‌و شوێنه‌كاندا ڕه‌نگ هه‌ڵبژێره‌. -نازی خۆت هه‌ڵبگره‌، چون بۆ ئه‌نجامدانی مه‌ساجكردن و گرنگیدان به‌خۆت له‌ قه‌له‌قی و ماندویه‌تی دورت ده‌خاته‌وه‌، هه‌ر بۆیه‌ له‌م ته‌مه‌نه‌دا ئه‌و بابه‌تانه‌ پشتگوێ مه‌خه‌. -گه‌شبین به‌، بۆ ئه‌م ته‌مه‌نه‌ گه‌شبینی و خه‌فه‌ت نه‌خواردن زۆر گرنگه‌ بۆ ئه‌وه‌ی به‌ گه‌نجی بتهێڵێته‌وه‌، متمانه‌ی ته‌واویشت به‌خۆت هه‌بێت.
زۆرجار دەمانەوێت بەبێ ئەوەی کچێک خۆی بزانێت شارەزاییمان لەسەر کەسایەتیەکەی هەبێت، ئەمەی خوارەوە کۆمەڵیک خاڵی گرنگە کە دەتوانیت لەکاتێکی وەهادا تەماشای بکەیت: -ئامانج و خواستی ئەو چییە لە ژیاندا؟ ئایا دەیەوێت لە داهاتوو چۆن بژی و بگات بە چیی؟ ئەمە کۆمەڵێک خاڵی گرنگە کە دەتوانیت لە ڕێگەیەوە کەسەکە بناسیت. -تەماشایی بکە کە ئایا ئەو کارەکانی بە پلان دەکات یان هەڕەمەکی، چونکە گەر بە پلان بێت دەری دەخات کچێکی ڕێخکراو و بە بەرنامەیە. -لەکاتی توڕەیی چۆن ‌هەڵسوکەوت دەکات؟ ئەمە زۆر گرنگە چونکە لەو کاتەدا تاڕادەیەکی زۆر لەسەر ئەسڵی خۆیەتی. -مامەڵە و پەیوەندی لەگەڵ کەسە نزیکەکانی خۆی چۆنە؟ ئایا بە ئەدەبە لەگەڵیان و ڕێزیان لێدەگرێت یاخود نا؟ -ئەی مامەڵەی لەگەڵ کەسانی دیکە لەسەر کار و لە دەرەوە چۆنە و چۆن هەڵسوکەوتیان لەگەڵدا دەکات. -لە کاتە بەتاڵەکانی چی دەکات؟ ئایا شتی نوێ فێردەبێت یان هەر کات دەکوژێت؟ -تا چەند کچێکی سۆزدارە؟ تەماشایی بکە کە کاردانەوەی بەرامبەر شتەکان چۆنە، کە شتێکی ناخۆش دەبینێت بێتاقەت دەبێت یان گوێیی پێنادات؟ -چەندی پێدەچێت بۆ ئەوەی خۆی جوان بکات؟ هەندێ کچ هیچ گوێی بە خۆی نادات و هەندێک کچ زۆری پێدەچێت کە بێتامی دەکات، لەم ڕێگەیەوە دەتوانیت بزانیت کە ئەوەی تۆ دەتەوێت چۆنە؟ -تا چەند زیرەکە؟ کاتێک لەسەر شتێک قسەی لەگەڵ دەکەیت ئایا قسەی پێیە؟ یان ئاگایی لە هیچ نییە؟
مانگی ڕەمەزان بەلای زۆربەی پزیشكانی پسپۆر، كاریگەری باش (پۆزەتیف)ی لەسەر تەندروستی مرۆڤ هەیە، بە هۆی گۆڕانی كاتی ژەمە خواردنەكانەوە لەم مانگەدا، هەروەها نەخواردن و نەخواردنەوە بۆ ماوەیەكی درێژ، بۆیە دەم و ددان و لەشمان پێویستی بە خۆگونجاندن هەیە. تەندروستی دەم و ددان لە مانگی ڕەمەزاندا وەك هەر بەشێكی دیكەی جەستە پێویستی بەوە هەیە قسەی لەسەر بكرێت، ئەو كاتانەی بۆ دیاری بكرێت، كە پێویستە دەم و ددانەكانی تێدا بشۆرێت، یاخود ئەو كاریگەریانەی ڕەمەزان لەسەر ددانەكان هەیەتی چۆن چارەسەر بكرێت. لە ڕۆژانی مانگی ڕەمەزاندا پێویستە لە شەو و ڕۆژێكدا دوو جار دەم و ددان بشۆین، واتا لە پێش خەوتنی شەوان و پارشێوان، پێش شۆردنی ددانەكانیش بەكارهێنانی دەزوو بۆ پاككردنەوەی نێوان ددانەكان پێویستە، لە ڕۆژیشدا ئاو لە دەم ڕادان بۆ چەند جارێك گرنگە، هاوكات دووركەوتنەوە لە خواردنەوەی خواردنەوە گازیی و بۆندارەكان، بێگومان ئەم هەنگاوانە گۆڕانكاری بەرچاویان دەبێت لە نەهێشتنی بۆنی دەم و ڕاگرتنی تەندروستی دەم و ددان. سیواك كردن ڕۆژانە و لە دوای دەستنوێژ گرتن، سیواك كردن، كە سوننەتێكی پێغەمبەریشە (د.خ)، هاوكات وەك پاككەرەوەیەك، بەتایبەتیش بەسودە بۆ پاراستنی تەندروستی پووك، دەبێت سیواك مانگانە بگۆڕدرێت و بە بەردەوامی بشۆردرێت، دواتر تەندروست دەبێت بۆ بەكارهێنان بە هێواشی و بە شێوەی ستوونی یەك ئاڕاستە.
سلێمانی ـ نزار جەزا لەساڵی 2015ەوە یاسای سندوقی داهاتە نەوتییەكان لەپەرلەمانی كوردستان دەرچووە، بەڵام تاكو ئێستا جێبەجێنەكراوە. یاسای سندوقی داهاتە نەوتییەكان لەپلانی چوار ساڵەی ئەم كابینەیەی حكومەتی هەرێم لەبڕگەی شەشەمدا جێگیركراوە، كە ئەگەر جێبەجێبكرێت هەنگاوێكی گرنگدەبێت لەبواری چاكسازیدا و داهاتەكانی نەوت شەفاف دەبێت، كە ئەمەش چارەسەری زۆر كێشە دەكات. حسام حەكیم بەرزنجی، سەرۆكی ڕێكخراوی گەشەپێدانی ئابووری كوردستان لەكۆنفڕانسێكی ڕۆژنامەوانیدا ڕایگەیاند، بەناوی هاوپەیمانی شەفافیەت و لێپرسینەوە، كە لە 70 ڕێكخراو و سەندیكا و كۆمەڵە پێكهاتووە و تۆڕی گەشەپێدانی پێڕەو، كە لە 40 ڕێكخراو و سەندیكا پێكهاتووە، داوای جێبەجێكردنی ئەم یاسایە دەكەن. دەشڵێت: پەرلەمان و بەرپرسان و لایەنە سیاسییەكانیش پاڵپشتی ئەم یاسایەن، بەڵام كاری بۆ نەكراوە. ئاماژەی بەئەوەشدا، حكومەتی هەرێم تاكو ئێستا هیچ وەڵامێكیان نەبووە، كە بۆچی ئەم یاسایە جێبەجێناكات. باسی لەئەوەشكرد، بەهۆی ئەم یاسایەوە سوودی زیاتر لە داهاتەكان وەردەگیرێت و داهاتەكان شەفاف دەبن. وتیشی: ئەگەر جێبەجێبكرێت، دەستكەوتێكی زۆر گرنگە. ئەوەشی باسكرد، هەندێك هەنگاوی بۆ نراوە، بۆ نمونە كۆمپانیای دیلۆیت بۆ هەرێم هاتووە و وردبینی لەداهاتی نەوتی هەرێم دەكات و ساڵانە و چەند مانگ جارێك ڕاپۆرت بڵاودەكاتەوە، هەروەها وا بڕیارە لەپڕۆژە یاسای بودجەدا داهاتی نەوت بنوسرێت، بەڵام تاكو ئێستا ئەو سندوقە دروستنەكراوە. ئەوەشی خستەڕوو، لەساڵی 2015ەوە یاساكە لەپەرلەمانی كوردستانەوە دەرچوو، كە دەبوو پاش 90 ڕۆژ جێبەجێبكرێت، بەڵام تاكو ئێستا جێبەجێنەكراوە. لەماوەی ساڵی 2019ەوە تاكو ئێستا حەوت یاداشت بەجیا دراوە بە هەریەكە لەپارتی دیموكراتی كوردستان، یەكێتیی نیشتیمانیی كوردستان و بزووتنەوەی گۆڕان، هەروەها سێ یاداشت بەجیا پێشكەش بە سەرۆكایەتی ئەنجومەنی وەزیران و پەرلەمانی كوردستان كراوە. تاكو ئێستا لەهەرێمی كوردستان داهاتە نەوتییەكان شەفاف نییە، ئەمەش بۆتە كێشەیەك و بەردەوام داوای شەفافبوونی دەكرێت.
خەڵك- پێكدادانی هێزە ئاسایشییەكانی دەوڵەتی ئیسرائیل و نوێژخوێنانی مزگەوتی ئەقسا لە قودسی خۆرهەڵات بۆ سێهەم شەو بەردەوامی هەبوو لە شەوی رابردوو تا بەیانی ئەمڕۆ و تا ئێستاش درێژەی هەیە. سەرباری بانگەوازە ناوچەیی و نێودەوڵەتییەكان بۆ راگیرانی توندوتیژییەكانی قودسی خۆرهەڵات، بەڵام پێكدادانەكان بەردەوامن، بەیانی ئەمڕۆ هێزە ئیسرائیلییەكان چوونە نێو گۆڕەپانەكانی مزگەوتی ئەقساوە، پێكدادانی توند رووی داوە. بەپێی سەرچاوەكانی دەنگوباس لە پێكدادانەكان شەوی رابردوودا تا ئێستا 180 كەس بریندار بوون. لەلایەكی دیكەوە هێزە ئیسرائیلییەكان و گرووپە چەكدارەكانی غەزە تۆپبارانی ناوچەكانی یەكدییان كردووە لە شەوی رابردوودا. چەند سەرچاوەیەك رایانگەیاندووە كە ئیسرائیل خۆی بۆ پەرەسەندنی زیاتر و رەوشی نوێ ئامادەكردووە.
ئەمەی خوارەوە چەند ڤیتامینێکە کە هیچ سوودی نییە و چەند دانەیەکی دیکە کە زۆر بەسوودە: ڤیتامینە بێ سوودەکان: ڤیتامین C خواردنی ڤیتامین C بەجیا سوودی نییە و جەستە سوودی لێ وەرناگرێت، بۆیە باشترە لە خواردنەوە وەری بگریت وەک شلیک و پڕتەقاڵ و برۆکولی ڤیتامین A ڤیتامین A بۆ چاو باشە، گەر سستمی خواردنت باشبێت پێویستت بەوەنییە کە بەکەپسول بیخۆیت، چونکە خواردنی ئەگەری شێرپەنجەی سیەکان زیاد دەکات. ڤیتامین E بەهەمان شێوە خواردنی ڤیتامین E بە کەپسول ئەگەری شێرپەنجەی پرۆستات زیاددەکات، لەجیاتی ئەوە دەتوانیت سپێناغ و ئەڤۆگادۆ و بادەم و هاوشێوەکانی بخۆیت. کەپسولی چەوری سوتێن کەپسولەکانی سوتاندنی چەوری زیانی هەیە بۆ گورچییلە و ئەگەری سەکتەی دڵیش زیاتر دەکات و باشترە نەیخۆیت. مەڵتی ڤیتامین ئەم جۆرە کەپسولەش لەنێو خەڵکدا زۆر باوە، بەڵام توێژینەوەکان سەلماندویەتی کە زۆر بەکارهێنانی مەترسیدارە بۆ تەندرووستی ئەو ڤیتامینانەی کە سەلامەتە و دەتوانیت بەکاری بهێنیت: ڤیتامین D لەو ناوچانەی کە تیشکی خۆر وەک پێویست نییە، دەتوانیت بەکاری بهێنیت و بۆ ماسولکەکان باشە ئۆمیگا ٣ ئەم کەپسولەش بۆ ئەوکەسانە باشە کە ماسی تەندرووست ناخۆن پاودەری پڕۆتین پاودەری پرۆتین گەر بڕێکی سەلامەت وەربگیرێت دەتوانێت یارمەتی دابەزاندنی کێش بدات، بەتایبەت پاودەری سۆدا و سزک کە بریتییە لە شلەیەکی ماوە یان جیاکراوە لە شیر دوای دروستکردنی پەنیر، بەڵام پرۆتینی گۆشتی گا بەهای خۆراکی باش نییە. ڤیتامین B12 ئەم ڤیتامینە لە سەوزەدا هەیە، بەڵام گەر بە کەپسوولیش بیخۆیت زیانی نییە و بەسوودە بۆت
خەڵك دادوەرێك دەڵێت، دادگاكان لەهەرێم سەربەخۆ نیین بەتایبەتی ئەوانەی كە لەدادگای پێداچوونەوەن و دەشڵێت دادوەرەكان بۆ ئەوەی بگەنە پلە باڵاكان ڕێگە بە دەستێوەردانی حزب دەدەن. عەبدولكەریم حەیدەر، ئەندامی پێشووی دادگای پێداچونەوەی هەرێمی كوردستان بە دەنگی ئەمریكای ڕاگەیاندووە، ئەگەر بڵێم دۆخی دادگاكان و دادوەری لەهەرێمی كوردستان باشە ئەوا ڕاست ناڵێم دادگاكان سەربەخۆ نیین، بەتایبەتی ئەوانەی كە لەدادگای پێداچوونەوەن، دەسەڵاتی دادوەری لەم دوواییەدا وەك پەرلەمانی لێهاتووە حیزبەكان بە دابەشكاری حیزب دادوەرەكان دادەنێن . دەشڵێت، دادوەرەكان بۆئەوەی بگەنە پلەباڵاكان ڕێگە بەحزبەكان دەدەن ئەمە شتێكی ناشیرینە بەڕاستی لەبەرئەوە خۆیان بەقەرزاری ئەم لایەن و ئەو لایەنە سیاسیانە دەزانن، دادگایەك ئەندامەكانی بەوجۆرە بكەن هەر نەبێت باشترە. ئاماژەی بەوەشكردووە، ئەگەر ئەو كەیسەی چالاكوانان و ڕۆژنامەوانانی بادینان بەوجۆرە بۆم ڕەوانەكرابێت بەتاوانی ڕەچاوناكەم بەڵكو بەشتێكی زۆر ئاسایی ڕەچاوی دەكەم، دادوەرێك كە دادپەروەر نەبێت خۆی دەزانێت وانییە و حوكمیشی لەسەردەدات ئەوە شوێنی دۆزەخە. ئەو دادوەرە دەڵێت، ئەو بڕیارەی كە دەرچوو لە دادگای تاوانەكانی هەولێر و دادگای پێداچوونەوە پەسەندی كرد بەڕاستی كۆمەڵێك هەڵەی یاسایی تێدا هەیە، ئەو بەڵگانەی هەردوو دادگا، دادگای تاوانەكان پشتی پێبەستووە و دادگای پێداچوونەوەش پەسەندی كردو وتی تەواوە پێكهاتوون لە (مخبر سری) هەواڵدەری نهێنی ئەبێت مەعلوم بێت سیستەمی هەواڵدەری نهێنی لەكاتی خۆی لە یاسای بنەماكانی دادبینی سزادانی عێراقیدا هاتووە كە ژمارە(23) ی ساڵی 1977، سەردەمی ڕژێمی پێشوو ئەم نیزامەی دانا، پێشتر لەیاسەكە نەبوو بەڵام هەمواركرا ئەم سیستەمە دانرا. دەشڵێت، بەڕاستی ئەم سیستەمە لەگەڵ ئەوەی كە قبوڵ ناكرێت لە كۆمەڵگەیەكی دیموكراتی، كۆمەڵگەیەك بیەوێت كە یاسا سەروەر بێت و مافەكانی مرۆڤ بپارێزێت نابێت سیستەمی وەهای تێدا هەبێت بەڵام ئێمە لە هەرێمی كوردستان هەتا ئێستا بەپێی یاساش ئەو سیستەمە بەكارناهێنیین.
خەڵك- باری نائاسایی لە 17 ویلایەتی ئەمریكا راگەیەندرا بە واشنتنی پایتەختیشەوە دوای ئەوەی گەورەترین بۆری سوتەمەنی رووبەڕووی هێرشی سایبیری بووەوە. باری نائاسایی سەپێندرا بەسەر گواستنەوەی سوتەمەنی لە رێگای وشكانییەوە بۆ واشنتنی پایتەخت، لەگەڵ ویلایەتەكانی ڤێرجینیا، ماریلاند، دیلاوێر، ئەركنساس، فلۆریدا، جۆرجیا، لویزیانا، میسیسیبی ، نیوجێرسی نیویۆرك، كارۆلینای باكور، پێنسلڤانیا، كارۆلینای باشوور، تێنێسی، تێكساس و ئاباما. ئەمە گەورەترین هێڵی گواستنەوەی بەرهەمە نەوتییەكانە لە بەنزینی ئۆتۆمبێل، بەنزینی فڕۆكە و گازوایل، پێویستییەكانی خۆرهەڵاتی ئەمریكا بە رێژەی 45% پڕ دەكاتەوە بە بڕی 2.5 ملیۆن بەرمیلی رۆژانە. لە بارەی زیانەكانی ئەم هێرشە سایبیرییە هیچ بڵاونەكراوەتەوە و هیچ لایەكیش تۆمەتبار نەكراوە.
خەڵك- بەرپرسێك لە وەزارەتی بەرگری ئەمریكا پێنتاگۆن رایگەیاند لێكۆڵینەوەی سەرەتایی دەستیپێكردووە لە ئەو كەشتییە پڕ چەكەی لە دەریای عەرەب دەستیبەسەردا گیرا كە لە ئێرانەوە هاتبوو. بەرپرسە ئەمریكاییەكە بۆ ئاژانسی دەنگوباسی ئەسۆشێتد پرێس رایگەیاند ئەم كەشتییە پڕ لە چەكە بە رێگاوە بووە بۆ حووسییەكانی یەمەن. ئەو بەرپرسە نەیویستووە ناوی بڵاوبكرێتەوە، بەڵام ئاماژەی بە ئەوە كردووە بەپێی گوتەی تیمی كەشتیوانی كەشتییەكە ئەو چەكانە لە ئێرانەوە هاتووە. هێزی دەریایی ئەمریكا رایگەیاند لە رۆژی یەك شەممە كەشتییەكی پڕ چەكیان لە دەریای عەرەبدا دەستبەسەردا گرتووە كە بە هەزاران چەكی هێرشبەری تێدایە. كۆماری ئیسلامیی ئێران پشتیوانی تەواوی گرووپی چەكداری حووسیی دەكات كە لە رێگای كودێتای سەربازییەوە لە 2014وە سەنعای پایتەختی یەمەن و زۆرێك لە ناوچەكانی دیكەی ئەم وڵاتەیان دەستبەسەرداگرتووە.

سەرهەنگ خالید

هەواڵ بڵاوکراوەتەوە: 17/04/2021

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ شەممە ئاسمان ساماڵ دەبێت لەگەڵ هەندێ پەڵە هەوری جیاجیا.

هەر بەپێی پێشبینییەكان، سبەینێ یەك شەممە ئاسمان نیمچە هەور دەبێت و پلەكانی گەرماش بەرز دەبنەوە.

سەردێر

پلەكانی گەرما بەرز دەبنەوە

کەش و هەوا

دراوەکان بەپێی بۆرسەی جیهانی

ئەمڕۆ نەوت لەم گەڕەكانەی سلێمانی دابەش دەكرێت

گیانلەدەستدان بە كۆرۆنا 3 ملیۆنی تێپەڕاند

خێزان

نوێترین روداوەکان

01

02

03

04

ئه‌رشیفه‌کان

هەلبژاردە

گرنگترینەکان

كەركوك، شەش داعش دەستگیركران

كارمەندانی ئاوی دوكان- سلێمانی داوای دامەزراندن دەكەن

“عێراق هێز دژی پەكەكە دەجوڵێنێت”

سەردێر

کەش و هەوا

دراوەکان بەپێی بۆرسەی جیهانی

Post navigation

ئەمڕۆ نەوت لەم گەڕەكانەی سلێمانی دابەش دەكرێت

گیانلەدەستدان بە كۆرۆنا 3 ملیۆنی تێپەڕاند

بابەتی پەیوەندیدار

خێزان

نوێترین روداوەکان

01

02

03

04

ئه‌رشیفه‌کان

هەلبژاردە

گرنگترینەکان