سەردێر

ڕاكان جبوری بانگهێشتی دەستەی دەستپاكی دەكرێت

خەڵك

دەستەی دەستپاكی عیراق ڕایدەگەیەنێت، ڕاكان جبوری پارێزگاری كەركوك بەوەكالەت و ژمارەیەك بەڕێوەبەری بەشەكانی دیوانی پارێزگای كەركوك بەھۆی سەرپێچی و زیانگەیاندن بەسامانی گشتی، بانگھێشتی دەستەكە كراون.

دەستەی دەستپاكی عیراق لە ڕاگەیەنراوێكدا بڵاویكردەوە:”فەرمانگەی لێكۆڵینەوەكان لە دەستەكە لە خستنەڕووی وردەكاری ئەو كەیسەی كە لێكۆڵینەوەی تیایدا كردووە و ڕەوانەی دادگای كردووە، ئاماژەی بەوەداوە دادگا فەرمانی بانگھێشتكردنی بۆ پارێزگاری كەركوك و ژمارەیەك بەڕێوەبەری بەشەكانی دیوانی پارێزگا دەركردووە كە ھەر یەك لە بەڕێوەبەری بەشەكانی گرێبەستەكانی حكومی و پلاندانانی گشتی و ئەندازیاری و بەڕێوەبەری پێشووی ژمێریاری تێدایە”.

لە ڕاگەیەندراوەكەدا ئاماژە بەوەشدراوە، فەرمانی بانگھێشتكردنەكە بەھۆی ئەنجامدانی سەرپێچییە لەكاتی ئەنجامدانی كارەكانی نۆژەنكردنەوە و گۆڕینی كەلوپەلەكان لە دیوانی ‌پارێزگاكەدا دەركراوە.

ئەوەش خراوەتەڕوو، كە فەرمانی بانگھێشتكردنەكە ‌پشت بەستن بە ماددەی 340 لە ‌یاسای سزادانی عیراقی دەركراوە بەھۆی سەرپێچییكردن لە گۆڕینی كەلوپەلی تەلاری نوێی پارێزگا و ھۆڵی پێشوازیكردن و گەیاندنی كارەبا.