سەردێر

هەرێم كۆتایی بە خوێندنی ئەمساڵی زانكۆكان و پەیمانگاكان دەهێنرێت

خەڵك
وەزیری خوێندنی باڵا و توێژینەوەی زانستی حكومەتی هەرێم ڕایدەگەیەنێت، تا ئێستا %٨٠ بۆ %٨٥ی خوێندنى زانكۆكان و پەیمانگاكان لەناو كەمپەكان تەواوكراوە و تا سێ بۆ چوار هەفتەی داهاتوو پڕۆسەی خوێندن لە زانكۆ و پەیمانگاكان بەرەو كۆتایی دەڕوات و خوێندنی ئەمساڵ كۆتایی دێت.

ئارام محەمەد، وەزیری خوێندنی باڵا و توێژینەوەی زانستی حكومەتی هەرێم ئەمڕۆ پێنج شەممە لە لێدوانێكیدا بۆ رۆژنامەنوسان ڕایگەیاند، زۆربەی زانكۆكان لەمانگی ١٠ی ساڵی رابردووەوە دەستیان بە خوێندن كردووە، تا ئێستا %٨٠ بۆ %٨٥ی خوێندن لەناو كەمپەكان تەواوكراوە.

ڕاشیگەیاندووە، دۆخی خوێندنی باڵا لەمەترسیدا نییە، لەگەڵ ئەوەشدا بەدواداچوونی چڕ و پڕ دەكەن بۆ پابەندبوون بە رێنماییە تەندروستییەكان بۆیە سێ چوار هەفتەی داهاتوو تەواوی وانەكان تەواودەكرێن و دەتوانرێت خوێندن كۆتایی پێبهێنرێت.

 



هەلبژاردە

گرنگترینەکان