سەردێر

هاتووچۆی هەولێر؛شۆفێرانی شارۆچكەی سۆران و دەوروبەری ئاگاداردەكاتەوە

خەڵك
بەڕێوەبەرایەتی هاتووچۆی هەولێر ڕایدەگەیەنێت ، هاووڵاتیانی حەوزی سۆران و دەوربەری بۆ راییكردنی مامەڵەكانی بەشی هونەری هاتووچۆ دەتوانن سەردانی بەشی هونەری هاتووچۆی سۆران بكەن و چیتر پێویست ناكات سەردانی هەولێر بكەن.

مقدم فازڵ حاجی، وتەبێژی بەڕێوەبەرایەتی هاتووچۆی هەولێر لە راگەیەندراوێكدا شۆفێرانی سنووری شارۆچكەی سۆران و دەوروبەری ئاگاداردەكاتەوە، كە دەتوانن مامەڵەی گواستنەوەی خاوەندارێتی، تازەكردنەوەی ساڵیانە، ونبوونی ساڵیانە لەو شارۆچكەیە راییبكەن و چیتر بۆ ئەو مەبەستە سەردانی هەولێر نەكەن.

دەقی راگەیەندراوەكەی وتەبێژی بەڕێوەبەرایەتی هاتووچۆی هەولێر:
سەرجەم هاووڵاتیان و دانیشتوانی حەوزی سۆران و دەوربەری ئاگاداردەكەینەوە، لەبەیانی رێكەوتی 2021/4/13 بەشی تۆمار لە هاتووچۆی سۆران دەستبەكاردەبێت، بەمەش هاووڵاتیانی ئەو دەڤەرە بۆ رایی كردنی مامەڵەكانی بەشی هونەری هاتووچۆ لەجۆرەكانی (گواستنەوەی خاوەندارێتی، تازەكردنەوەی ساڵیانە، ونبوون و رزیبونی ساڵیانە)، دەتوانن سەردانی بەشی هونەری هاتووچۆی سۆران بكەن و چیتر سەردانی هەولێر نەكەن بۆ راییكردنی مامەڵەكانیان، كە ئەمەش ئاسانكاریەكە بۆ شۆفێرانی ئەو سنوورە.

بەڕێوەبەرایەتی هاتووچۆی هەولێر
2021/4/12