سەردێر

كاتژمێرەكانی پێدانی كارەبا بۆ مانگی ڕەمەزان دیاریكرا

خەڵك
وەزیری كارەبای هەرێمی كوردستان پیرۆزبایی هاتنی مانگی ڕەمەزان لە هاونیشتمانیان دەكات و ڕایدەگەیەنێت، لە مانگی ڕەمەزاندا 19 بۆ 20 كاتژمێر كارەبا دابین دەكرێت.

كەمال محەمەد ساڵح، وەزیری كارەبای هەرێمی كوردستان لە پەیامێكدا بەبۆنەی هاتنەوەی مانگی ڕەمەزانی پیرۆزەوە ڕایگەیاندووە، بەپێویستی دەزانم لەم مانگەدا سوپاسی فەرمانبەرانی وەزارەت بكەم، كە توانیویانە سەرەڕای مەترسییەكانی كۆرۆنا و خراپی دۆخی دارایی بەوپەڕی بەرپرسیارێتی و دڵسۆزییەوە بە شێوەی ئیشكگری و 24 كاتژمێر لەخزمەتی هاووڵاتیاندا بوون.

ئاشكراشیكردووە، هاووڵاتیانی كوردستان دڵنیا دەكەمەوە لەمانگی ڕەمەزاندا پێدانی كارەبای نیشتمانی ( 19-20 ) كاتژمێر دەبێت.

دەقی پەیامەكەی وەزیری كارەبا

*لەمانگی پیرۆزی رەمەزان دا (19-20 ) كاتژمێر كارەبا بەهاوڵاتیان دەدەین*
بەناوی خوای گەورەو میهرەبان
بەبۆنەی گەڕانەوەی مانگی پیرۆزی رەمەزانەوە پیرۆزبایی لە موسڵمانانی خۆشەویستی كوردستان و جیهان و فەرمانبەرانی وەزارەتی كارەبا بەتایبەتی دەكەم، ئومێدەوارم ئەم مانگە ببێتە مانگی خێرو بەرەكەت و هەمووان ساخ و سەلامەت بن.
بەپێویستی دەزانم لەم مانگەدا سوپاسی فەرمانبەرانی وەزارەتی كارەبا بكەم كە توانیویانە سەرەڕای مەترسییەكانی كۆرۆناو خراپی دۆخی دارایی بەوپەڕی بەرپرسیارێتی و دڵسۆزییەوە بە شێوەی ئیشكگری و 24 كاتژمێر لەخزمەتی هاوڵاتیاندا بوون، هەر بەم بۆنەیەوە هاوڵاتیانی كوردستان دڵنیا دەكەمەوە لەمانگی رەمەزاندا پێدانی كارەبای نیشتمانی ( 19-20 ) كاتژمێر دەبێت.
خودای گەورەو میهرەبان رۆژ و عیبادەتی ئەم مانگە لە هەموو لایەكمان قبووڵ بكات.

كەمال محمد ساڵح
وەزیری كارەبا
11ی نیسانی 2021