سەردێر

پۆلیسی سلێمانی؛ ئەو تۆمەتبارە دەستگیركرا كە لەژێر هەڕەشەی چەكدا دزی لە ماڵێك كرد

خەڵك

بەڕێوەبەرایەتی پۆلیسی سلێمانی ڕایدەگەیەنێت ، ئەو تۆمەتبارەیان دەستگیركرد كە لەژێر هەڕەشەی چەكدا دزی لەماڵێك كردبوو، لەكاتی دەستگیركردنی تۆمەتباردا دەستیشگیرا بەسەر ئەو پارەو ئاڵتونانەدا كە دزیبووی.

بەڕێوەبەرایەتی پۆلیسی سلێمانی بڵاویكردەوە، دوێنی ٢٠٢١/٤/٧، لەیەكێك لەگەڕەكەكانی شاری سلێمانی تۆمەتبارێك هەڵیكوتابووە سەر ماڵێك، كە تەنها ژنێكی بەتەمەن لەماڵەكەدا بووەو لەژێر ھەڕەشەی چەكدا بڕی ٦٥ ھەزار پاوەند و 35 ملیۆن دیناری عێراقی و 13 هەزار دۆلار و بڕێك ئاڵتونی لێ دزی بوو.

ئاماژەبۆ ئەوەشكراوە، كە لەسەر فەرمانی بەڕێوەبەری پۆلیسی پارێزگای سلێمانی هێزەكانی پۆلیس لێكۆڵینەوەكانیان بۆ دۆزینەوەو دەستگیركردنی ئەنجامدەری تاوانەكە دەستپێكرد، سەرئەنجام ئەمڕۆ ٢٠٢١/٤/٨، مەفرەزەكانی پۆلیس توانیان تۆمەتبار (ئ، ك، م) لەدایكبوی ١٩٩٥ بدۆزنەوە و دەستگیری بكەن.

ئاشكراشیكردووە، لەكاتی دەستگیركردنی تۆمەتباردا دەستیشگیراوە بەسەر ئەو پارەو ئاڵتونانەدا كە دزیبووی، ھەروەها دەستیشگیرا بەسەر ئەو چەكەی تۆمەتبار بەكاریهێناوە لەكاتی تاوانەكەدا.

تۆمەتبار لەبەردەم دادوەری لێكۆڵینەوەدا دانی بەتاوانەكەیدا ناوەو لەئێستادا بەبڕیاری دادوەر پەپێی ماددەی 433 لەیاسای سزادانی عیراقی ڕاگیراوە.

ھیچ شیکارێکی وێنە بەردەست نیە

ھیچ شیکارێکی وێنە بەردەست نیە‎May be an image of ‎خشڵ‎‎