سەردێر

16 كەس لە هەرێم بەهۆی كۆرۆناوە گیانیان لەدەستدا

 

خەڵك-

وەزارەتی تەندروستی هەرێم توشبوونی هەزار و 45 كەسی تر بە ڤایرۆسی كۆرۆنا گیانلەدەستدانی 16 بە پەتاكە ڕادەگەیەنێت.

 

بەپێی ئامارێك كە ئەمڕۆ دوو شەممە، لەلایەن وەزارەتی تەندروستی هەرێمی كوردستانەوە بڵاوكرایەوە”لە ماوەی 24 كاتژمێری ڕابردوو 10 هەزار و 43 پشكنین ئەنجامدراوە و لەو ژمارەیە هەزار و 45 توشبوو تۆماركراوە”.

وەزارەتی تەندروستی هەرێم ئاماژەی بە چاكبوونەوەی 407 حاڵەتی چاكبوونەوە و گیانلەدەستدانی 16 كەس كردووە بەهۆی پەتاكە لە ماوەی 24 كاتژمێری ڕابردوو.

بەپێی ئامارەكەی وەزارەتی تەندروستی كۆی گشتیی توشبووان گەیشتووەتە 126 هەزار و 191 كەس، لەو ژمارەیە 111 هەزار و 494 توشبوویان چاكبوونەتەوە و سێ هەزار و 731 توشبووش گیانیان لەدەستداوە.