سەردێر

ئەنجوومەنی پارێزگای سلێمانی پاڵپشتی بۆ دەستگیركردنی هاوڕەگەزخوازان ڕاگەیاند

خەڵك
ژمارەیەك ئەنجوومەنی پارێزگای سلێمانی ڕایدەگەیەنێت، لەبارەی دیاردەی لەشفرۆشی و هاوڕەگەزبازی یاداشتێكیان ئاڕاستەی سەرۆكایەتی ئەنجوومەن كردووە بۆ پشتیوانیكردن لە ڕێگریكردن لە دیاردەی لەشفرۆشی و هاوڕەگەزخوازی و دەڵێن: “ئەو دیاردەیە دژی ئایین و بەها و كلتوری نەتەوەی خەڵكی كوردستانە”.

ئەنجوومەنی پارێزگای سلێمانی یاداشتێكی بە واژۆی 17 ئەندامەوە ئاڕاستەی سەرۆكایەتی ئەنجوومەن كرد بۆ پشتیوانیكردن لە “هەڵمەتی ڕێگریكردن لە دیاردەی لەشفرۆشی و هاوڕەگەزخوازی” و ڕایانگەیاندووە، كە ئەو دیاردەیە دژی ئایین و بەها و كلتوری نەتەوەی خەڵكی كوردستانە.

ئەندامانی ئەنجوومەنی پارێزگای سلێمانی داوایانكردووە، كە پشتیوانی هیزەكانی ئاسایش بكرێت بۆ بەردەوام بوون لەو جۆرە هەڵمەتانەی لە هەفتەی ڕابردوو ئەنجامیدا و لایەنە پەیوەندیدارەكان و ڕێكخراوەكانی كۆمەڵی مەدەنی هەماهەنگ بن بۆ بڵاوكردنەوەی هۆشیاری لەمەترسی ئەم جۆرە كارە نەخوازراوانە.

لەچەند ڕۆژی ڕابردوودا هێزە ئەمنییەكانی سلێمانی هەڵمەتێكیان بۆ دەستگیركردنی هاوڕەگەزخوازان دەستپێكرد و دواتر ئاسایشی سلێمانی ئەوەی ڕاگەیاند، هەڵمەتەكەیان بۆ دەستگیركردنی ئەو كەسانە بووە، كە كاری لەشفرۆشی دەكەن.

No photo description available.